Yudas
Yudas pe surat for orang percaya
Kata Pengantar
Ni kitab Yudas ini, Yudas yang da tulis. Tu Yudas ini Yakobus pe sudara kong dia lei Yesus pe sudara (Mat. 13:55; Mrk. 6:3). Kitab ini de pe model surat, kong Yudas tulis ni surat for tu orang-orang yang Tuhan da pangge iko pa Dia deng yang Dia sayang.
Yudas beking ni surat lantaran mulai muncul banya guru palsu. Dorang ja se ajar kalu orang yang so percaya kata bole beking dosa iko torang pe nafsu yang besae (Yud. 4). Di surat ini Yudas se inga pa samua orang supaya dorang tetap percaya pa Yesus deng lei hati-hati pa orang-orang yang ja se ajar tu ajaran sesat.