3 Yohanes
Yohanes pe surat yang katiga for orang percaya
Kata pengantar
Ni kitab 3 Yohanes ini, Yohanes tu da tulis. Yohanes nyanda tulis de pe nama di kitab ini, dia cuma tulis dari “pemimpin jemaat,” mar lantaran banya persamaan deng Injil Yohanes deng lei kitab 1 deng 2 Yohanes, so jelas kalu Yohanes tu da tulis ni kitab. Yohanes ini tu satu dari Yesus pe murit. Kitab ini de pe model surat, kong Yohanes da tulis ni surat for bapak Gayus. Gayus ini pemimpin jemaat, kong Yohanes butul-butul sayang pa dia (3Yoh. 1). Di surat ini, Yohanes puji pa Gayus lantaran Gayus da tolong tu sudara-sudara yang percaya tu ja pigi babaron kase tau Kabar Bae tentang Yesus (3Yoh. 5-8). Yohanes lei da se inga pa Gayus supaya hati-hati pa Diotrefes yang suka mo jadi bos di jemaat deng lei supaya Gayus jang tiru tu conto yang jaha mar tiru jo tu conto yang bae.