2 Tesalonika
Paulus pe surat yang kadua for jemaat di Tesalonika
Kata pengantar
Ni kitab 2 Tesalonika ini, Paulus yang da tulis. Kitab ini de pe model surat, kong ini surat kadua yang Paulus da kirim for jemaat di kota Tesalonika. Dia da tulis ni surat nyanda lama abis dia tulis tu surat yang pertama, kong de pe tujuan surat ini amper sama deng de pe tujuan da tulis tu surat yang pertama. Paulus dapa dengar kalu tu jemaat di Tesalonika masi bingo tentang tu Tuhan Yesus Kristus mo datang ulang (2Tes. 2:1-12), so itu Paulus tulis surat for se jelaskan pa dorang tentang itu. Soalnya ada yang bilang kalu Tuhan Yesus so datang ulang ato so nyanda lama mo datang, so itu ada dari pa dorang yang so nyanda lei bakarja (2Tes. 3:6, 11-12). So lantaran itu Paulus se nasehat pa dorang supaya dorang jang malas bakarja for dapa tu dong pe keperluan hari-hari, deng lei supaya dorang beking tu bae (2Tes. 3:6-15). Dia se inga pa jemaat di Tesalonika kalu dorang musti tetap batahang percaya pa Yesus biar lei da mangada tu siksa deng susa (2Tes. 1:4-10), deng lei supaya dorang butul-butul percaya pa Tuhan Allah (2Tes. 2:13-15).