Gwaɗa ta sabi da
Mata
Mndəra dzidzíha Yesu
1
1 Wya ka tva saba mndəra taŋ ma *Yesu *Kristi zivira Dawuda.
Dawuda guli ná,
zivira Abraham ya.
2 Abraham ta yatá Izak,
Izak ta yatá Yakubu,
Yakubu ta yatá Yuda nda zwana ma ni.
3 Yuda ta yatá i Perets nda Zara (Tamar na ma taŋ,)
Perets ta yatá Isrum,
Isrum ta yatá Aram,
4 Aram ta yatá Amminadav,
Amminadav ta yatá Nasuŋ,
Nasuŋ ta yatá Salmuŋ,
5 Salmuŋ ta yatá Bughaz (Rahab na ma ni,)
Bughaz ta yatá Ghuveɗ (Rut na ma ni,)
Ghuveɗ ta yatá Yesay,
6 Yesay ta yatá Dawuda.
Ka yatá mgham Dawuda ta Salumuŋ (si markwa Uriya na ma ni,)
7 Salumuŋ ta yatá Rubuwam,
Rubuwam ta yatá Abiya,
Abiya ta yatá Asa,
8 Asa ta yatá Yusafat,
Yusafat ta yatá Yuram,
Yuram ta yatá Uziyas,
9 Uziyas ta yatá Yuwatam,
Yuwatam ta yatá Akaz,
Akaz ta yatá Izekiyas,
10 Izekiyas ta yatá Manasa,
Manasa ta yatá Ghamuŋ,
Ghamuŋ ta yatá Yuziyas,
11 Yuziyas ta yatá Yukwaniyas nda zwana ma ni.
Ta tsa fitik ya,
hlaghata lu ta la Israʼila ta haɗika Babila.
12 Tahula hlaghata lu ta həŋ ta haɗika Babila,
ka yatá Yukwaniyas ta Salatiyel,
Salatiyel ta yatá Zwarubabel,
13 Zwarubabel ta yatá Abiyuda,
Abiyuda ta yatá Iliyakim,
Iliyakim ta yatá Azura,
14 Azura ta yatá Saduka,
Saduka ta yatá Akim,
Akim ta yatá Iliyuda,
15 Iliyuda ta yatá Iliyazar,
Iliyazar ta yatá Mataŋ,
Mataŋ ta yatá Yakubu,
16 Yakubu ta yatá Yusufu ta nzakway ka zəʼala Mari.
Tsa Mari ya ta yatá Yesu ta hgə lu ka Kristiª.
17 Zlrafta ta Abraham ka sagha ta Dawuda ná,
ghwaŋpəɗ fwaɗ da mida.
Zlrafta ta Dawuda ka lagha ta fitika hlaghatá la Israʼila ta haɗika Babila guli ná,
ghwaŋpəɗ fwaɗ da mida.
Zlrafta ta fitika hlaghatá la Israʼila ta haɗika Babila ka sagha ta Kristi guli ná,
ghwaŋpəɗ fwaɗ da mida.
Yakwa Yesu
18 Wya ka lu yatá *Yesu *Kristi.
Mari ma ni ma Yesu ná,
Yusufu ta dzugway.
Ta kul kluvtá həŋ ta vgha,
ka zlghanavatá Sulkum nda ghuɓa ta huɗi ta Mari.
19 Tsa zwaŋa midza ni Yusufu ya ná,
ŋərma mndu ya.
Va a ta pghanaghatá hula ta makwamidza ni wa.
Ka kum tsi ta zlanavatá tsa makwa ya ma kɗek ma kɗek.
20 Tata ndanay ndanay tsatsi ta zlanavata,
ka lagha duhwala Mgham Lazglafta da suna ni.
« Yusufu zivira Dawuda,
ma zləŋ ka ta kla Mari ŋa nzakway ka markwa ghuni.
Tsa huɗi zlghaf tsi ya ná,
Sulkum nda ghuɓa ta zlghanavata.
21 Zwaŋa zgun dzaʼa tsi yatá,
ŋa tsanaftá gha ta hga ni ka Yesuª,
kabga tsatsi dzaʼa mbanaftá mnduha ni ma dmakuha taŋ,
» kaʼa nda tsi.
22 Inda tsaya ná,
magu maga ŋa dzanaghatá ghəŋa skwi ya mnigiŋ Mgham Lazglafta nda ma wa anabi kazlay:
23 « Wya dzaʼa zlghaf zlgha daghala makwa ta kul snaŋtá zgun ta huɗi,
ŋa yata ni ta zwaŋa zgun,
ŋa tsanaftá hga ni ka Emanuwel,
» manda mnay kazlay:
Kawadaga Lazglafta nda amuª kəʼa ya.