Gwal ta dra skwi ŋa Lazglafta nda la Levi
12
1 Wya hga gwal ta dra skwi ŋa Lazglafta, nda la Levi ta vragafta kawadaga nda Zərubabel, zwaŋa Səʼaltiyel, nda Yəhusuwa. Tsaya: I Səraya, nda Irmiya, nda Izra, 2 nda Amarya, nda Malluh, nda Hattus, 3 nda Sekaniya, nda Rəhum, nda Məreymut, 4 nda Iddu, nda Gintuy, nda Abiya, 5 nda Miyamiŋ, nda Maʼadya, nda Bilga, 6 nda Səmaʼaya, nda Yuyariv, nda Yədaya, 7 nda Sallu, nda Amuk, nda Hilkiya, nda Yədaya. Tsaha ya mali ta ghəŋa gwal dra skwi ŋa Lazglafta, nda mnduha taŋ ta fitika Yəhusuwa.8 Mataba la Levi ná, mamu: I Yəhusuwa, nda Binnuwi, nda Kadmiyel, nda Sereviya, nda Yahuda, nda Mattanya. Tsa Mattanya ya nda mnduha ni ta kla lwa laha zləzləvu. 9 La Levi i Bakbukiya nda Unni ta nzata ta kəma taŋ ka zlgha wa tsa laha ya.
10 Yəhusuwa ta yatá Yuyakim, Yuyakim ta yatá Ilyasiv, Ilyasiv ta yatá Yuyada, 11 Yuyada ta yatá Yunataŋ, Yunataŋ ta yatá Yadduwa. 12 Ta zamana Yuyakim ná, wya maliha ga həga ma gwal ta dra skwi ŋa Lazglafta: Meraya ga la Səraya, Hananya ga la Irmiya, 13 Məsulam ga la Izra, Yəhuhanaŋ ga la Amarya, 14 Yunataŋ ga la Məlluhi, Yusufu ga la Səbaniya. 15 Adna ga la Harim, Helkay ga la Merayut, 16 Zakari ga la Iddu, Məsulam ga la Gintuŋ, 17 Zikri ga la Abiya, Piltay ga la Minyamiŋ nda Muʼadiya. 18 Samuwa ga la Bilga, Yunataŋ ga la Səmaʼaya, 19 Mattənay ga la Yuyariv, Uzzi ga la Yədaya, 20 Kallay ga la Sallay, Ghever ga la Amuk, 21 Hasavya ga la Hilkiya, Netaneʼel ga la Yədaya.
22 Ma fitika nzakwa i Ilyasiv nda Yuyada, nda Yuhanaŋ nda Yadduwa mali ta ghəŋa gwal ta dra skwi ŋa Lazglafta ná, ka vivindaftá lu ta hgəha zəʼala həga mataba la Levi. Manda va tsaya guli magafta lu ta ŋa gwal ta dra skwi ŋa Lazglafta ha ka lagha ta fitika nzakwa Daryaves mghama Persiya ta pala. 23 Nda vinda hgəha la maliha ga həgaha mataba la Levi guli ma ɗelewer ta gwaɗa ta ghəŋa skwiha ta maguta, ha ka lagha ta fitika Yuhanaŋ zwaŋa Ilyasiv. 24 Ta slada slada maliha mataba la Levi i Hasavya nda Sereviya, nda Yəhusuwa zwaŋa Kadmiyel nda mnduha taŋ, ta kəma sanlaha ma la Levi ka fa laha zləzləva Lazglafta ka rfay baɗ fitika ŋa taŋ ksa slna. Skwi ta mag həŋ ná, saɗa skwi taghanaf Dawuda mnda Lazglafta ta həŋ ya. 25 Gwal ngha wa tghaha ta nzakway ka i Mattanya, nda Bakbukiya, nda Ubadiya, nda Məsulam, nda Talmuŋ, nda Akkuv ya ná, hahəŋ guli ta nghapta ka dzuguviha tska huzla ndusa nda wa tghaha həga Lazglafta ya guli. 26 Hahəŋ gwal si ta maga slna ta fitika Yuyakim zwaŋa Yəhusuwa, zwaŋa Yutsadak, nda ya ta fitika guvna Nəhemiya, nda Izra mnda dra skwi ŋa Lazglafta, ta tagha zlahu ya guli.
Skala rfa batá matsaka Ursalima
27 Ma fitika skala rfa batá matsaka Ursalima ná, ka ghwanaftá lu ta mnduha hagagaghatá da Ursalima ta inda la Levi ma inda vli nza həŋ, ŋa skala rfu, nda laha zləzləvuha, nda hutsaŋha, htimbilha nda mndərga sanlaha ma htimbilha. 28 Ka tskavatá gwal ta fa laha ta sliʼagaghata ma luwaha ta wanaftá Ursalima, nda ya ma luwa la Netufa ya, 29 nda Betgilgal, nda kwakwara Gevagh nda Azmavet, kabga babaf baba tsa gwal fa laha ya ta həgaha taŋ ma inda vli ta wanaftá Ursalima. 30 Ka hliŋtá gwal ta dra skwi ŋa Lazglafta, nda la Levi ta skwi ta tsaɗ lu ma nzakwa taŋ. Ka hliŋtá həŋ ta skwi ta tsaɗ lu ta nzakwa mnduha, nda wa tghaha nda matsak.
31 Ŋladafwa ŋla ta matsak ka yu nda maliha ta ghəŋa la Yahuda. Ka tsakanatá yu ta ghuɓuha dagala dagala his ta fa laha zləzləvu. Ka sliʼaftá taŋtaŋa ni ka mbaɗa ta matsak nda ga zeghwi təv wa tgha Maghdzək. 32 Nda ta hula tsa gwal ta fa laha ya, ka mbaɗ Husaya nda rita maliha la Yahuda ta mbaɗa mista taŋ, 33 nda Ghazarya, nda Izra, nda Məsulam, 34 nda Yahuda, nda Biŋyamiŋ, nda Səmaʼaya, nda Irmiya, 35 nda sanlaha ma gwal ta dra skwi ŋa Lazglafta, nda duli nda duli, i Zakari zwaŋa Yunataŋ, zwaŋa Səmaʼaya, zwaŋa Mattanya, zwaŋa Mihaya, zwaŋa Zakkur, zwaŋa Asaf, 36 nda mnduha taŋ, i Səmaʼaya, nda Azarʼel, nda Milalay, nda Gilalay, nda Maʼay, nda Netaneʼel, nda Yahuda, nda Hanani mista taŋ nda klatá huzla skala Dawuda mnda Lazglafta, Izra mnda tagha zlahu ta kəma. 37 Ɓhadaghata taŋ ta wa tgha Dzuɓay mbəŋ nda həŋ, ka ŋladaftá həŋ nda ta kalam ta tva dzaʼa da luwa Dawuda, nda ta tva ŋlu ta matsak, ta ghəŋa həga ga Dawuda, dikw ta wa tgha Imi nda təv safa fitik.
38 Ka lab mahisa ghuɓa gwal ta fa laha zləzləvu ta matsak nda ga zlaɓa. Ka lab iʼi ta matsak mista taŋ kawadaga nda rita mnduha, ndusa nda dzuguvi nda slra ta hgə lu ka Uvunha ya, dikw ta vla Bughwata matsak. 39 Ka lab ŋni nda ta ghəŋa wa tgha Ifrayim, nda ya nda ta Halata wa tgha, nda wa tgha Klipi, nda dzuguva Hananiyel nda slra ya, nda dzuguvi ya nda slra ta hgə lu ka Dərmək ya, nda wa tgha Tuwakha, ka vraghutá ŋni ta wa tgha Gwal ngha vli. 40 Ka sladatá tsa ghuɓuha his ta fa laha zləzləvu ya ma həga Lazglafta. Ka sladatá iʼi guli, kawadaga nda tsa rita maliha mista ɗa ya, 41 nda gwal ta dra skwi ŋa Lazglafta, i Iliyakim, nda Maʼaseya, nda Minyamiŋ, nda Mihaya, nda Ilyughenay, nda Zakari, nda Hananya, nda duli nda duli, 42 nda i Maʼaseya, nda Səmaʼaya, nda Ilghazar, nda Uzzi, nda Yəhuhanaŋ, nda Malkiya, nda Ilam, nda Ghezer. Ka klaŋtá gwal ta fa laha ta lwi kawadaga nda Yizrahiya mala taŋ. 43 Ka magatá həŋ gagaʼ baɗ tsaya ta skwa pla ghəŋ, ka rfu həŋ ta rfu, kabga vlaŋ vla Lazglafta ta rfu dagala ta həŋ katakata. Ka rfu miʼaha nda zwani guli ta rfu, ka snavata rfa la Ursalima diʼiŋ.
Mayaka gwal ta dra skwi ŋa Lazglafta nda la Levi
44 Baɗ va tsa fitik ya, ka zabaftá lu ta mnduha ŋa ngha tsa dzuguva ɗifa skwi ya, ŋa mbəhuha, ŋa taŋtaŋa yakwa skwiha, ŋa zakaha. Ŋa pghamta tsa mnduha ya mida ta skwiha hlagagha lu ma vwahha ta wanaftá luwaha. Tsaya mayak ya tsanaf zlahu ta gwal ta dra skwi ŋa Lazglafta, nda la Levi. Ka rfu inda la Yahuda ta rfu katkata ta ghəŋa tsa slna maga gwal ta dra skwi ŋa Lazglafta, nda la Levi ya, 45 kabga maga maga həŋ ta slna Lazglafta taŋ, nda slna ghuɓiŋtá nzaku, manda ya mnaf zlaha Dawuda, nda zwaŋa ni Salumuŋ. Gwal fa laha, nda gwal ta ngha wa tghaha guli ná, maga maga hahəŋ manda va tsaya ta ŋa taŋ slna guli. 46 Manda ghalya ta fitika i Dawuda nda Asaf ná, mamu maliha gwal ta fa laha, mamu laha zləzləvu, nda laha rfanaghatá Lazglafta. 47 Ta fitika Zərubabel nda Nəhemiya ná, ta vlay inda la Israʼila ta mayaka gwal ta fa laha, nda gwal ta ngha wa tghaha inda fitik manda ya ta raku. Ta faghu fa lu guli ta ŋa la Levi ma mbəhu inda fitik. Ta faghu fa la Levi guli ta ŋa la zivira Haruna gwal ta dra skwi ŋa Lazglafta.