Mbsak 7

Rfa skala həga tumpul

1 Baɗ kɗiŋtá Musa ta dzagwatá həga tumpula, ka masaftá tsi ta rɗi tida, ka faghuta nda inda huzla ni tani, mantsa ya gwir nda inda huzla ni, ka masaftá tsi ta rɗi tida, ka faghuta. 2 Ka hlaktá maliha mataba la Israʼila, maliha mataba mndəra taŋ ta mbəhuha. Hahəŋ maliha ma mndəra mnduha, gwal ta gwaftá vgha ma slna mbəɗaftá mnduha. 3 Ka hladaghatá həŋ ta mbəhuha taŋ ta kəma Yawe. Wya skwiha hladagha həŋ: Mkuʼ mwata slaha nda dzuɓa ghəŋa ni, ghwaŋpəɗ his sla, tsaya mwata sla turtuk ta maliha his, sla turtuk ta inda mali. Ka kladaghatá həŋ ta kəma həga tumpul.

4 Ka Yawe nda Musa mantsa: 5 « Zlaghaghu zlagha ta tsa mbəhuha ta hlaghakta həŋ ya ŋa ksa slna tumpula guyaku, ka valaŋta ka ta la Levi taɓta slna taŋ, » kaʼa.

6 Ka zlghaftá Musa ta tsa mwata slaha ya, nda tsa slaha ya, ka vlaŋtá la Levi. 7 Ka vlaŋtá tsi ta la Gersuŋ ta mwata slaha his, nda slaha fwaɗ, taɓta slna taŋ. 8 Ŋa la Mərari, ka vlaŋtá tsi ta həŋ ta tsa pɗakwa mwata slaha fwaɗ, nda slaha tghas ya taɓta slna taŋ ta mag həŋ mista Itamar zwaŋa Haruna mnda dra skwi ŋa Lazglafta. 9 Ama vlaŋ a ta la Kehat wu, kabga hahəŋ gwal ta nghapta ka skwiha ya fa lu nda ghuɓa, ka klay taŋ ta badzaga taŋ.

10 Baɗ pghanaftá rɗi ta gwir, ka hladaghatá maliha ta mbəhuha taŋ ta kəma gwir ŋa skala rfu.

11 Ka Yawe nda Musa mantsa: « Ka hlagagha hla maliha, mndu turtuk ta vaghu turtuk, ta mbəhuha taŋ ŋa rfa skala gwir, » kaʼa.

12 Mantsa tama, baɗ taŋtaŋ fitik ná, Nahsuŋ zwaŋa Ghaminadav, ma mndəra la Yahuda ta kladaghatá mbəha ni. 13 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 14 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 15 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 16 nda dugzum turtuk ŋa pla ghəŋ ŋa ɗawa pla dmaku, 17 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Nahsuŋ zwaŋa Ghaminadav.

18 Baɗ mahisa fitik ná, Nətanʼel zwaŋa Tsughwar, mali mataba mndəra la Yisakar ta kladaghatá mbəha ni. 19 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 20 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 21 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 22 nda dugzum turtuk ŋa pla ghəŋ ŋa ɗawa pla dmaku, 23 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Nətanʼel zwaŋa Tsughwar.

24 Baɗ mahkəna fitik ná, Iliʼav zwaŋa Heluŋ mali mataba mndəra la Zəvuluŋ ta kladaghatá mbəha ni. 25 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 26 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 27 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 28 nda dugzum turtuk ŋa pla ghəŋ ŋa ɗawa pla dmaku, 29 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Iliʼav zwaŋa Heluŋ.

30 Baɗ mafwaɗ fitik ná, Ilitsur zwaŋa Sədeʼur mali mataba mndəra la Rubeŋ ta kladaghatá mbəha ni. 31 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 32 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 33 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 34 nda dugzum turtuk ŋa pla ghəŋ ŋa ɗawa pla dmaku, 35 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Ilitsur zwaŋa Sədeʼur.

36 Baɗ mahutaf fitik ná, Səlumiʼel zwaŋa Tsurisadday mali mataba mndəra la Simghuŋ ta kladaghatá mbəha ni. 37 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 38 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 39 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 40 nda dugzum turtuk ŋa pla ghəŋ ŋa ɗawa pla dmaku, 41 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Səlumiʼel zwaŋa Tsurisadday.

42 Baɗ mamkuʼ a fitik ná, Ilyasaf zwaŋa Dəʼuwel mali mataba mndəra la Gat ta kladaghatá mbəha ni. 43 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 44 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 45 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 46 nda dugzum turtuk ŋa pla ghəŋ ŋa ɗawa pla dmaku, 47 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Ilyasaf zwaŋa Dəʼuwel.

48 Baɗ mandəfáŋ fitik ná, Ilisama zwaŋa Ghammihut mali mataba mndəra la Ifrayim ta kladaghatá mbəha ni. 49 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 50 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 51 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 52 nda dugzum turtuk ŋa pla ghəŋ ŋa ɗawa pla dmaku, 53 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Ilisama zwaŋa Ghammihut.

54 Baɗ matghasa fitik ná, Gamliʼel zwaŋa Pədatsur mali mataba mndəra la Mənase ta kladaghatá mbəha ni. 55 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 56 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 57 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 58 nda dugzum turtuk ŋa pla ghəŋ ŋa ɗawa pla dmaku, 59 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Gamliʼel zwaŋa Pədatsur.

60 Baɗ matəmbaya fitik ná, Avidaŋ zwaŋa Gidʼuni mali mataba mndəra la Biŋyamiŋ ta kladaghatá mbəha ni. 61 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 62 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 63 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 64 nda dugzum turtuk ŋa pla ghəŋ ŋa ɗawa pla dmaku, 65 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Avidaŋ zwaŋa Gidʼuni.

66 Baɗ maghwaŋa fitik ná, Ahiʼezer zwaŋa Ammisadday mali mataba mndəra la Daŋ ta kladaghatá mbəha ni. 67 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 68 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 69 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 70 nda dugzum turtuk ŋa pla ghəŋ ŋa ɗawa pla dmaku, 71 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Ahiʼezer zwaŋa Ammisadday.

72 Baɗ maghwaŋpəɗ ndeŋa fitik ná, Pagiʼel zwaŋa Uhraŋ mali mataba mndəra la Aser ta kladaghatá mbəha ni. 73 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 74 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 75 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 76 nda dugzum turtuk ŋa pla ghəŋ ŋa ɗawa pla dmaku, 77 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Pagiʼel zwaŋa Uhraŋ.

78 Baɗ maghwaŋpəɗ hisa fitik ná, Ahira zwaŋa Inaŋ mali mataba mndəra la Naftali ta kladaghatá mbəha ni. 79 Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya, 80 nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra, 81 nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh, 82 nda dugzum turtuk ŋa pla ghəŋ ŋa ɗawa pla dmaku, 83 nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Ahira zwaŋa Inaŋ.

84 Gwagwata mbəhuha hladagha maliha mataba la Israʼila ŋa skala rfa gwir baɗ pgha rɗi tida na: Kliwtirha ghwaŋpəɗ his ka kfura tsedi, nda nzəganzəga ghwaŋpəɗ his ka kfura tsedi, nda leghwaha ghwaŋpəɗ his ka dasu. 85 Ndəgakwa kliwtir turtuk ka kfura tsedi ná, kiluʼ nda rita ya. Ndəgakwa nzəganzəga turtuk ka kfura tsedi ná, gram tghas dərmək ya. Gwagwata kiluʼa tsa huzlaha ya ná, kiluʼ hisambsak ndəfáŋ mida ya, taɓta gra skwi ma həga nda ghuɓa. 86 Leghwaha ghwaŋpəɗ his ndəghata ni nda urdi ŋa dray nda dra ná, kiluʼ turtuk nda gram hkən dərmək nda hisambsak (1.320) gwagwata ni. Ndəgakwa leghwa turtuk ka dasu ná, gram dərmək nda ghwaŋ ya, taɓta gra skwi ma həga nda ghuɓa. 87 Gwagwata rini ŋa pla ghəŋ ŋa dray tsuh tsuh ná, lghəŋha ghwaŋpəɗ his, nda maŋazakha ghwaŋpəɗ his, nda slaɓalakwa tuwakha turtuk turtuk vakwa taŋ ghwaŋpəɗ his, kawadaga nda mbəhuha nimaya taŋ, nda dugzumha ghwaŋpəɗ his guli ŋa pla ghəŋ ŋa ɗawa pla dmaku. 88 Gwagwata rini ŋa pla ghəŋa zɗaku ná, lghəŋha hisambsak fwaɗ mida, nda maŋazakha mkuʼ mbsak, nda dugzumha mkuʼ mbsak, nda slaɓalakwa tuwakha mkuʼ mbsak turtuk turtuk vakwa taŋ. Tsaha ya mbəhu ŋa skala rfa gwir tahula pghanaghatá rɗi.

89 Ta lam Musa da tumpula guyaku ŋa gwaɗa nda Yawe, ta snay tsi ta lwi ta gwaɗagapta ka tsatsi nda ta ghəŋa paɗuwa vla pla dmaku ta akwata dzratá wi, ma takataka kerubaha his. Mantsa ya ta gwaɗa tsi ta gwaɗa nda tsi.