लबड बोदा वेह्वलिर
2
1 बति तोले कहितुर लबड पर्वक्तलिर गिर पर्जत नड्डुम मत्तेर.
अदे तीर्दे मी नड्डुम गिर लबड बोदा वेह्वलिर मंदंतेर.
वीर तम्वकुन दाम सीसि, येत्वल पर्बुन गिर वोप्वक्ने, करब किय्वलिक अनि लबड बोदन मक्डिते मीकुन करुसंतेर.
इदेन हिंदल वीर तम्वा पोरो तमय सप्ने नासेडम तरंतेर.
2 अनि वीर किय्वलिक आड्बङि कामकुन सूड्सि, वेलेटिर अहन ताकंतेर.
वीर ईतुर हिंदल सते सरिता हिजत दांता.
3 वीर लबड बोदा गुरुर बद सूडा माके पह्जे इंवल जार्दगा कोंडे मासि, कपट्ने आयोङ-सोनोङ अव वेह्चेर, मिह्गटल पाय्दा कमय कींतेर.
वीर साटि तोलेने नेमि कीता सिक्सा कोरुम कियो, अनि वीर पोरो वाय्वल नासेडम कूर्क्सेर मनो.
4 बहन इत्तेके, बगवंतल पाप कीतङ अव तंवङ दूतलिर्कुने सुटि किय्वक रोपो पातडतगा डग्लि कीसि, सिकटि वाले बुयरितगा सकलिने दोह्चि, तस्वा किय्वल दिवोसुन साटि इर्तोर.
5 अनि बगवंतल तोले मंवल दुनियतुन गिर सुटि किय्मकि.
अद गट्कतुर वायुट्नुर पोरो जल्ता गंडम वायुसि, नियत्ने पिस्वल नोवहुन पिय्सि आट जनकुन बचि कीतोर.
6 अचोरे आय्वा, बगवंतल तंवा बाव-बक्ति कियुर वूरकुन, बविसत्ने बातल गति वांता इंवल, नमुनता रूप्ने इहिन तस्वा कीसि सिक्सा वाड्तोर: सोदोमा अनि गोमोरा इंवलिक नगुकुन डुंडुसि नीर कीतोर.
7-8 बति लोत इंवल नियत्नोर मायनल वूर करेबलिर नड्डुम मोदोल पिसेर मत्तोर.
अस्के तना कुद सूड्तन अनि केन्ज्तन पिय्सि, वूर किय्वलिक कामकुन हिंदल तंवा नियत्ना मंदुन वेले दुक्सा सीसेर वातोर.
अदेन साटि बगवंतल वूर बरोबर डुंड्सि नीर आय्वडल वोर लोतुन तपुस्तोर.
9 इदेन हिंदल, तंवुर बक्तलिरकुन पाप्नङ परिक्सनल बहन बचि कियना इंवल पर्बुन टावा.
अनि बगड-नियत्ने ताक्वलिरकुन सिक्सा कीसेर, तस्वा किय्वल दिवोस वेरि, वूरकुन बहन इरना इंवल गिर पर्बुन टावय.
इव गोस्टिन मरट करि कियना.
10 मुकेते करबुन कोर्सेर, मेंदोडा आसतुन पिय्सि ताक्सेर, बगवंतना अदिकारदुन उल्टा ताक्वलिरकुन तप्वक इहिन जर्गंता.
वीर ईतुर लबड बोदा गुरुर वेले गर्वा-गमंडिते, मय्मते स्वर्ग्नगा मंवलिक्ना गिर हिजत वोय्ले वेरियुर.
11 वीर लबड बोदा वेह्वलिरकुन तेर बगवंतनुर दूतलिर वेले ताकद वालिर आसि गिर, पर्बुन मुने वूरा हिजत वोयुर अनि वूर पोरो पिरदि गिर कियुर.
12 बति वूर गुरुर तमकुन टावा सेलेङ अव गोस्टिन बारेते हिजत वोंतेर.
अनि वूर साप्डे मासि सिरिप साय्लेके पुट्वलिक तेलिवि सेलेङ अव केडता जिव्रसुन मोडि मंतेर.
अवेन दात वीर तम्वा पोरो तमय कुद नासेडम तरंतेर.
13 वूर कीतङ करब कामकुन पिय्सि, वूरकुन पंडि पुटंता.
दिहता वकत्ने मेंदोडा सुकुन पूरि किय्वल वेले आनंद सींता इन्जेर वूर सोन्च कींतेर.
इद तीर्दे वूर पाप्नङ काम्क कीसेर, दुस्रुरकुन पसि कीसेर, मिरट मीरे मासि किय्वलिक जेवुन्क्नगा मीकुन वायुट्ना पोरोल तरंतेर.
14 वूर तम्वङ कड्क्ने बस्केट पीर कीसेरेन मंदंतेर.
अद तीर्दे वूर अदिक पाप किय्ले, सूड्सेर मंदंतेर.
अनि वूर बरोसतगा गट सेलुर वूरकुन करब सरि ताकुसंतेर.
बद सूडा पह्जे इंवल दिल्ता गुंतगा वूर जेटिर आसि मंदंतेर.
वूर सापेना लाग्तुर आंदिर.
15 वूर बेयोर्तोर मरि बिलामु पर्वक्तन मोडि सड्कल सरदुन सुटि कीसि, बह्के मातुर आंदिर.
वेर बिलामुन बगड-नियत्ने कमय किय्वल दन इत्तेके, वेले पसंद मत्ता.
16 बति वोर कीता तपुन हिंदल बगवंतनल वोन दम्कि वाता.
बहन इत्तेके, वड्का परो अद गादि, माय्नन मोडि पर्वक्तन सङा वड्क्सि, वोना तप वोर करि कीनल कीता.+
17 ईतुर लबड बोदा गुरुर येर सेले अद कुहित मोडि, अनि वडिदे पासि सोंवलिक टेपन मोडि मंतेर.
वीर साटि पातड्ता कह्चर सिकटि वाले जागा तयर मंता.
18 वीर आगम्नङ पोक्डा गोस्टिङ वेहंतेर.
तप्ना सरि ताक्वलिर्गटल करल अलग आसि, पूना-पूनि बरोसतगा वातुरकुन, मर्ला वूरकुन मेंदोडङ आसनगा कोंडि कीसि, करब्ना सरि ताकुसंतेर.
19 वीरे करब-पांदगा कोंडे मासि, दासिर आसि मन्जि गिर, दुस्रुरकुन आतल गतितल सुटि कींतोम इन्जेर वेहंतेर.
माय्नन बद्ते मेयंतयो, ताना केयदुन बूड दासि आसि मंदंतोर.
20 वूर बचि किय्वल पर्बु आय्वल येसु किरिस्तुना बारेते अनुबव कीसि, इद दुनियतङ पाप्नङ काम्कनल तपुस्तेर.
अद आता पेजे, मर्ला अवेनगन कोंडे मानिर्ते, वूरा मोदोडा गतित तेर आक्रिता गति वेले करब मंदंता.
21 वूर अद नियत्ना सरदुन करि कीसि, तमकुन सीता पवित्रा आगेतल बह्के माय्वडुन तेर, अद सरदुन बारेते करि किय्वक मन्मड इत्तेके, वूरकुन चोकोट मंदु.
22 नेय तना कक्ततुन तिंले मलंता,+ अनि चक नोर्ता पदि मल्सि डेह्डतगा दांता इंवल करल सास्तुरतुन पिय्सि वीरकुन जर्ग्ता.