2
1 ते पेर्मा कीनेके, मिरट सम्दो करब काम्क, पसि किय्वल, कपट, कुटा कुटा, राङि सिय्वलिकुन सुटि कीम्ट.
2 अस्केने जल्मा आतुर मोड्डलिर पालदुन साटि बहंते पर्पेडे मांतेरो, अह्ने मिरट गिर बगवंतना वचन इंवल पिवर पालदुन उंले पर्पेडे माम्ट.
इदेन हिंदल, आत्मता बाव-बक्तितगा बडे मांतिट.
3 इंके अद बक्तितुन हिंदल, पर्बु बचोर चोकोट्नोर आंदुर+ इंवल मीकुन करे माता.
4 मिरट किरिस्तुनगा वातिट.
रोन दोह्वल सादरन बंडतुन दात्नोर वोर आयोर.
बति जीवते मंवल बंडत दात्नोर+ आंदुर.
बहन इत्तेके, वोर जीवा वाले अनि पूना जीवतुन सिय्वल आंदुर.
वोन पोरोन सम्दो गिर आदर आसि मंतङ.
दुनियतुर अद बंडतुन दात्नोन वोप्मकि.
बति बगवंतल वोन नेमि कीसि, डगुर-पान सीतोर.
5 येसुन दात मिरट गिर जीवते मंवलिक बंडन दात्नुर आंदिट.
बक्तिता मंदिरतुन दोह्ले, बगवंतल मीकुन वाडकम कीसेर मंतोर.
येसु किरिसतुन हिंदल, आत्मता बक्तितङ अर्पनङ* बगवंतल वोप्ले, पवित्रा कटोडलिर दात मिरट नेमे मातुर आंदिट.
6-8 बारितेके बगवंतल दर्मा-ग्रंत्नगा,
“इचुला!
नना सियोंतगा* मूला बंडत दात्नोन इर्सेर मंतोन.
वोर बुनदित साटि नेमि कीता बारिता बंडतुन दात्नोर आंदुर.
वोन पोरो बरोसा इर्वल बस्केन लजे मायोर”+
अनि दुस्रो जागतगा:
“रोन दोह्वलिर वटिन इत्ता बंडये मूला बंडा आता”+
अनि उंडे उंदि जागा:
“इद बंडा नरिमन्कलिर कोदा पानल कींता.
इद बंडये वूरकुन बूड अरुसंता”+
इन्जेर लिहि कियुस्तोर.
मिरट वोन्गा बरोसा इर्ता काड्कि, वोर मीकुन बारिता बंडतुन दात्नोर आंदुर.
बति बगवंतना चोकोट्ना कबुर केन्चि वोप्मकि वूरकुन, अद बंडा कोदा पासि बूड अरुसनल मंता.
वूर बरोसा इर्वा काड्कि, कोदा पासि बूड अरंतेर.
अहन अरन साटिने बगवंतल वूरकुन नेमि कीतोर.
9 बति बगवंतल मीकुन नेमि कीततुन हिंदल वोना पर्जा आतिट.
राजल आय्वल तंवा सेवा कियन साटि कटोडलिर इन्जेर मीकुन वोर बगवंतल अलग कीतोर.
बगवंतल तंवङ गुन-गानकुन बारेते वेहनिर इन्जेर सिकटितगा मंवलिर मीकुन तंवा मय्मता वेड्चितगा केयुस्तोर.
10 मोदोल मिरट बगवंतनुर लोकुर आय्विट.
बति इंके मिरट बगवंतनुर आंदिट.
+
तोले बगवंतल मी पोरो दया तोह्मकि.+
बति इंके तोह्तोर.
11 लाड्नुर दादलिर-बायिक्निट!
इद दुनियतगा मिरट मुसपरिर दात अनि यात्रा किय्वलिर दात पिसेर मंतिट.
मीवङ आत्मन सङा जग्डा किय्वलिक मेंदोडङ आसन सुटि कीसेर मंट इन्जेर विनंति कीसेर मंतोन.
12 येसुन बरोसा कियुर वूर दुस्रुर नड्डुम मिरट पिसेर मनेके, चोकोट-पांदे ताकट.
‘करेबलिर्’ इन्जेर मीकुन राङि सिय्वलिर मंदनिर तेर बति, मीवङ चोकोट्नङ काम्क सूड्सि, बगवंतल मीकुन बचि किय्ले वाता दिवोसुन नेटि, वोन डगुर-पान सींतेर.
अदिकारिर वेह्ता केन्ज्वल
13-14 अदेन साटि येसु पर्बुन डगुर-पान तर्ले, इद दुनियतगा मंवलिर सम्दिर अदिकारिर इत्तेके, महा राजले आयि, वोर नेमि कीतुर वूर अदिकारिर आयि वेह्ता तीर केन्जना.
तप कीतुरकुन सिक्सा किय्ले अनि वोप कीतुरकुन मेच्ले, महा राजल वूर अदिकारकुन सारि कीतोर.
15 बारितेके मीवङ चोकोट्नङ कामकुन हिंदल, मीकुन उल्टा वड्क्वलिर पिसलिरङ तोड्डिङ मुहना इंवले बगवंतना इचा.
16 दासि-पांदल मोक्डो सुटे मातुर दात पिसट.
करब-पांदुन मकुस्ले, इद पिस्वडुन वाडकम किय्मट.
बति, ‘बगवंतनुर दासिर आंदुम्’ इन्जेर चोकोट-पांदे पिसट.
17 सम्दिर सङा मान सीसेर वड्कट.
मी बरोबर्तुर बक्तलिरकुन पेर्मते सूडट.
बगवंतना वेरेते पिसट.
राजन मान सीम्ट.
18 रोतुर सेव्कलिर्निट!
मी माल्कलिरकुन वेरिसेर मर्यदा सीसेर वेह्तपिनय ताकट.
चोकोट्नुर अनि सादु-पान वालिर्कुने आय्वा वाक्डल गुन वालिरकुन गिर बर्पुर मान सीसेर पिसट.
19 बारितेके बोरे आयि बगड-नायम्ने मीकुन तक्लिब सीनेके, मिरट बगवंतन हेतु कीसि अवेन वोर्चि ताककिट्ते, मी हिंदल बगवंतल आनंद येतंतोर.
20 तप काम्क कीसि, दन्कङ तित्तेके, मीकुन डगुर-पान वांता कि?
असले वायो.
बति मिरट चोकोट कीता काड्कि दुक्सङ वातेके, अवेन वोर्चेर पिस्किट्ते, बगवंतन आनंद सिय्वलिर आंतिट.
21 इहिन तक्लिब्क बोगे माय्लेने, बगवंतल मीकुन केय्तोर.
बारितेके किरिस्तु मी साटि तक्लिब्क बोगे मातोर.
वोना नमुना पिय्सि, मिरट गिर ताकना.
22 “वोर बदे पाप किय्मकि!
वोनङ गोस्टिनगा बदे कपट दिस्मकि”+
23 वोन राङि सीतेर अस्के, वूरकुन उल्टा राङ्मकि.
+ तक्लिब्क बोगे मानेके, वोर बोने वेरुस्मकि.
बति नायम्ने तस्वा किय्वल बगवंतन पोरो बरोसा इर्सेर मत्तोर.
24 पाप किय्वक ताकनिर इन्जेर अनि मरट नायम्ने पिसना इन्जेर तंवा मेंदोडगा मावङ पाप्क्ना सिक्सतुन मरता मोदुन+ पोरो बोगे मातोर.
वोर तित्तङ दन्कन हिंदल, मीवङ बेमरिङ हटे मातङ.+
25 बारितेके, मिरट गोरेन दात बूले मासि मत्तिट.
बति गोरेङ गाय्कि तंवङ गोरेन काबाड्तपिनय, इंके मीवङ जीवन काबाड्वल किरिस्तुनगा मल्सि वातिट.