बगवंतल वेह्ता तीर ताक्वडुन हिंदल पुट्वल इनम
यात्रा कीसेर येरुसलेम वर्सि सोंवलिर वार्वल कीर्तन.
128
1 येहोवा देवना बाव-बक्तिता वेरेते पिसेर, वोर वेह्ता सरिय ताक्वलिर सम्दिर आसिर्वाद येत्वलिर आंतेर.
2 करलेन निमे मेह्नत कीसि कमय कीततुन तिंति.
नीकुन चोकोट जर्गंता अनि निमे आसिर्वाद येत्तोनि आंति.
3 नीवा रोत रोपो नी बाय्को,
साद्वल आङुर्क्ना वेलित मोडि पंडि सींता.
नीवा तिंवल जागतुन सिर्मुट नी मरि-मियड,
ओलिवा मरतङ गट मोडोकन मोडि मंदंतेर.
4 येहोवा देवना बाव बक्ति कीसेर, वेरेते पिस्वन,
इद तीर्दे आसिर्वाद पुटंता.
5 सियोंतल येहोवा देवल आसिर्वाद सियिर.
निमे पिसि मनल वेरि येरुसलेम बडे माय्वल सूडंति.
6 निमे नीवुर तङ्मरि-तङ्मियकुन सूडंति.
इज्रयेल पर्जत पोरो सांति निल्सि मनि.