कीर्तना 99

बगवंतले महा राजल आंदुर

1 येहोवा देवल राज ताकुसेर मंतोर.

दुस्रोक जातिनुर वेरियिर.

वोर केरुबुल्क इंवलिक दूतलिकुन नड्डुम तंवा कचुरित पोरो उच्चि मंतोर.

बोमि हाले मायि.⁺

2 सियोंतगा येहोवा देवल बेय डगुर-पान वाले आंदुर.

सम्दो जातिनुर पोरो अदिकारि आसि मंतोर.

3 येहोवा देवल पवित्रवंतल आंदुर इन्जेर,

वूर सक्तिवाले वेरिनल मंवल पोरोडुन डगुर-पान सींतेर.

4 नियतुन पिय्सि नायमुन पेर्मा किय्वल राजन निमे गट निपुसीति.

याकोब्ना संतांदुन नड्डुम नियत अनि नायमुन जर्गुसीति.

5 मा बगवंतल येहोवन डगुर-पान सीम्ट.

वोर पवित्रा वालेना काल्क्ना कुतुडुन मुने^* काल-कर्सि पार्तना-विंति कीम्ट.

6 वोनुर कटोडलिर्गटल मोसे अनि अहरोन मत्तेर.

वोना पोरोल मुट्सि पार्तना किय्वलिर्गटल समुयेल मत्तोर.

वूर येहोवा देवन विनंति कीतेके, वूरकुन जवब सीतोर.

7 वोर अद टेपतल वूर सङा वड्क्तोर.

ते वूर वोर सीतङ आगेन अनि नियमकुन पिय्सि ताक्तेर.⁺

8 मा येहोवा देवा! निमे वूरकुन जवब सीति.

वूरङ पापकुन मापि किय्वनि आंदि

अनि पाप कीतुरकुन सिक्सा कींति इन्जेर वूरकुन तोह्‍ति.

9 मा येहोवा देवल, पवित्रवंतल आता काड्कि,

वोन डगुर-पान सीम्ट.

वोना पवित्रा गुटत मुने पार्तना-विंति कीम्ट.