दनेवाद वेह्चेर वार्वल कीर्तन
पाटा वारुस्वन साटि सूचनङ: वारि मंवल कर्नाट्ने वार्वल उंदि कीर्तन आंदु.
67
1-2 बगवंतल माकुन दयते सूड्सि, आसिर्वाद सियिर! अनि वोना बचि किय्वल सक्ति मा पोरो इरिर.
इवेन हिंदल दुस्रोक जातिनुर नीवा सरि-मारगुन करि कीसि,
नीवा बचि किय्वडुन करि कींतेर.+
रेला.
3-4 बगवंता! पर्जा नीकुन डगुर-पान सीनिर.
वूर सम्दिर नीकुन दनेवाद वेहनिर.
बारितेके जग्दुनियतङ सम्दो जातिनुरकुन नाय्दे तस्वा कींति.
अनि लोकुर पोरो बेद-बाव सेल्वक राज ताकुसंति.
हर जातितुर कुसि-गमत्ने वारनिर.
रेला.
5 बगवंता! पर्जा नीकुन डगुर-पान सीनिर.
वूर सम्दिर पर्जा नीकुन दनेवाद वेहनिर.
6 बगवंतल माकुन आसिर्वाद सीसेर मनिर.
अदेन हिंदल बोमि माकुन पंटा सीसेर मंदंता.
7 हो! बगवंतल माकुन आसिर्वाद सीनुर.
अस्के जग्दुनियतुर पर्जा सम्दिर
वोन मानि कीसि काल्क केरंतेर.