कीर्तना 23

बगवंतल बस्केट ना सङा मंवल आंदुर

दाविद्ना कीर्तन.

1 येहोवा देवल नावोर गाय्कि आता काड्कि,

नाकुन बततय कमि मनो.

2 वोरे नाकुन चिल्लल जाडितगा मींडुसंतोर.

नेहरे पार्वल चोकोट्ना येतगा ताकुसंतोर.⁺

3 वोरे नावा जीवतुन पूना ताकद सींतोर.

तंवा पोरोडुन पिय्सि नाकुन नियत्नङ सरिनगा ताकुसंतोर.

4 नना कह्‍चर सिकटि वाले लोदितल ताक्तेके गिर बततुने वेरियोन.

बारितेके निमेय ना सङा मंदंति.

नीवा कोंकि बेड्डे अनि बेड्गा नाकुन दर्यम सींतङ.

5 ना पगा-दार्क सूड्सेर मनेके, नाकुन पोहुन-चार वह्‍डि कींति.

ना तलदगा निय सोक्सि नावा मान-पान कींति.

नावा कोजतगा पह्‍जे मत्ता अदेन तेर अदिक निहंति.

6 नावा जिन्गनि पूरो गिर नीवा चोकोट-पान

अनि मारियो अद पेर्मा सात मंदंतङ.

नना बस्केट येहोवा देवना रोतगन मंदंतोन.