दुक्सते मनेके मदतुन साटि पार्तना किय्वल
पाटा वारुस्वन साटि सूचनङ: आट वारिङ मंवल कर्नाट्ने अनि सेमिनित इंवल लेङ्ने वार्वल दाविद्ना कीर्तन.
6
1 ये येहोवा देवा! नीवा सोङ्ने तस्वा किय्मा. वेले सोङुन वासि नाकुन सिक्सा किय्मा.+
2 ये येहोवा देवा! नना जिगि सेल्वक आसि मंतोन.
ना पोरो दया तोहा.
नावङ बोकङ नोसेर मंतङ.
नावा जीवतुन चोकोट कीम.
3 ये येहोवा देवा! नावा परन वेले संकट्नगा मंता.
बति ना पोरो बचेजेल दया तोह्वक मंदंति?
4 ये येहोवा देवा! मल्सि वासि, नाकुन सुटि कियुसा.
नीवा मारियो अद पेर्मते नाकुन बचि कीम.
5 सातुर वूर नी बारेते हेतु कियुर.
साना लोकम्नगा बोर नीकुन दनेवाद वेहनिर?
6 नना आड्सि आड्सि दुक्सते जिगि सेल्वक आतोन.
हार रात नावा काडेर तूर्सि बीडर नान्चेर मंता.
ना काडेडुन हिंदल बीडर पासि सोन्जेर मंता.
7 रंदिते नावङ कड्क तोय्तङ.
दुक्सा सिय्वलिर हिंदल ना कड्क तके मातङ.
8 येहोवा देवल, नना दुक्सते आड्ता लेङ केन्ज्तोर.
करेबलिर्निट! मिरट सम्दिर नह्गटल सोडियट! +
9 येहोवा देवल, ना विनंति केन्ज्तोर.
अनि वोर, ना पार्तनतुन वोप्तोर.
10 ना पगा-दार्क सम्दिर हिजत सोन्जि, संकट्नगा अर्सि मनिर.
वूरा लजा सोन्जि, अचनक वूर पेजे मल्सि सोनिर.