बगवंतल आपतितल बचि किय्वल
बस्केते तंवोर मरि अब्सालोमनल परर आसि,+ मनेके दाविद लिहि कीता कीर्तन.
3
1 येहोवा देवा, नाकुन बच्विरो दुस्मन-दार्क मंतेर. नाकुन बच्विरो उल्टा तेद्वलिर मंतेर.
2 “बगवंतल वोना परंतुन बचि कियोर” इन्जेर,
ना बारेते वड्क्वलिर नावुर लाग्तुर वेलेटिर मंतेर.
रेला. *
3 बति येहोवा देवा, निमेय नाकुन डालदुन मोडि मंति.
निमेय नाकुन मय्मा सींति अनि नाकुन मेयुसंति.
4 येहोवा देवन नना जोर्ते पार्तना कीनेके,
वोर तंवा पवित्रा गुटतल* जवब सींतोर.
रेला.
5 येहोवा देवल नाकुन काबाड्सेर मत्ता काड्कि,
नना नर्कपडिङ चोकोट नरुम्सि, तेत्तोन.
6 दहा हजर्क मांदि नाकुन गेर-पानिर्तेर बति,
नाक बतय वेरे सेले.
7 येहोवा देवा, तेदा! ना बगवंता, नाकुन बचि कीम.
करलेन ना पगा-दार्क्ना टाड्वा बोकतुन पाय्वनि* निमेय आंदि.
अनि करेबलिरङ पल्क उरुस्वनि* निमेय आंदि.
8 येहोवा देवल तंवा पर्जतुन बचि किय्वल आंदुर.
वोना आसिर्वाद तंवा पर्जत पोरो मंदंता.
रेला.