मोर्देकय्दा पोरोल बडे माय्वल
10
1 अहसुरोस महा राजल तंवा पूरो राज्नगा मंवलिर सङा टेक्सा दोहुस्वल सुरु कीतोर. इत्तेके, लङ मंवलिर अनि सम्दुर्ता डडिनगा मंवलिर सम्दिर्गटल गिर टेक्सा दोहुस्वल सुरु कीतोर. 2 मोर्देकय्दा ताकदुन बारेते, वोर तंवा ताकद्ने कीतङ अव कार्यन बारेते, राजल वोन डगुर-पान सीततुन बारेते, मादिया अनि पर्सिया राजलिरा चरित्रा ग्रंत्नगा लिहि किय्वल जर्ग्ता. 3 यूदा जातितोर मोर्देकय, अहसुरोस राजनगा डगुर मंत्रि आसि मत्तोर. मोर्देकयदुन सङा मंवलिर यूदुल्क वोन वेले मानि कींदिर. वोर तंवा पर्जा अनि वूरा संतान सांतिते मंदन साटि काम कीसेरेन मंदुर.