16
بُولُسْ دايتسلّام خف ئتس ئمومن ݣ روما
1 أركن تّوصّاخ خف ؤتماتنخ فِيبِي نّا ئخدّمن ݣ لكنيسا معنى أݣراون ئمومن ݣ تمدينت كَنْخَرِيَّا.
2 رحبات ئس ݣ ؤودم ن مولانا أميمش ئليق س-ئمومن، تعاونمث س-ؤينّا تحلادجا كول زّيݣون، ئتّخ تعاون شيݣان ن ميدّن، أها تعاونيي أود نك.
3 سلمات خف بِرِيسْكِلاَّ د ؤرݣاز نّس أَكِيلَا، نّا ي ئعاون ݣ لخدمت ن عيسى لمسيح.
4 نيتني خاطرن س-ئخفاون نّسن خف نّيرث ئنو، ؤر ئد غاس نكّ أيثن ئتّشكارن والاينّي أود كول ئمومن ؤر ݣينين ؤداين.
5 سلمات خف ميدّن ن لكنيسا نّا داي تجماعن ݣ ثادّارث نّسن. سلمات خف ؤومدّاكل-ئنو ئيعزّن أَبَيْنِتُوسْ، نّا ئݣان أمومن أمزوارو س لمسيح ݣ تمازيرت ن-أَسِيَّا.
6 سلمات خف مريم ئوتن تامارا غيفون شيݣان.
7 سلمات خف أَنْدَرُونِكُوسْ دْ يُونِيَاسْ ئݣان زݣ لاهل-ئنو، وينّا يكّان ئدي لحبس، تياسنَنْ ئس ݣان ئمازان أها زوارني غر ليمان ݣ لمسيح.
8 سلمات خف أَمْبِلِيَاسْ، أمدّاكل-ئنو ئيعزّان ݣ ؤودم ن مولانا.
9 سلمات خف أُورْبَانُوسْ، نّا داخ ئيتعوانّ ݣ لخدمت ن لمسيح، د خف إسْتَاخِيسْ أمدّاكل ئنو ئعزّن.
10 سلمات خف أَبَلِّسْ ئسباين ئس ئيثبّث ݣ لمسيح. سلمات خف أيت تدّارث ن أَرِسْتُوبُولُوسْ.
11 سلمات خف هِيرُودِيُونْ، ئݣان زݣ لاهل-ئنو. سلمات خف ئمومن نّا ئلان ݣ تدّارت ن-نَرْكِيسُّوسْ.
12 سلمات خف تَرِيفَيْنَا د تَرِيفُوسَا ئكّاتن تمارا ݣ ؤودم ن مولانا. سلمات أود خف بَرْسِيسْ ؤوتماتنخ ئيعزّن ئكّاثن تامارا شيݣان ݣ ؤودم ن مولانا.
13 سلمات خف رُوفُسْ نّاي ئختار مولانا، سلمات خف مايس ئݣان أم ئمّا.
14 سلمات خف أَسِينْكْرِيتُسْ، د فِلِيغُونْ، د هَرْمَاسْ، د بَتْرُوبَاسْ، دْ هَرْمِيسْ، د خف أيتماتنخ نّاي غورسن ئلّان.
15 سلمات خف فِيلُولُوغُسْ، د جُولْيَا، د نِيرِيُوسْ د ؤلتماس، د أُولُمْبَاسْ، د خف كول أيتماتنخ ئمومن نّاي غورسن ئلّان.
16 مْسلّمات ئينݣراون س-سلام ن ربّي. هان كول أيتماتنخ ئمومن ئلّان ݣ لكنايس ن لمسيح لتسلّامن غيفون.
بُولُسْ داي توصّا ئمومن ئلّان ݣ رُومَا.
17 أر تتّرخ زيݣون أيايثما أترارم لبال-نّون، تبعدم ئ-وينّا تسبّابنين ݣ بطّو أرتݣّان لعثرت ئنݣراون أر كن تضاضّان ݣ ؤوينّا تعلمم.
18 ئتّخ أم ميدّن-اد ؤر دا خدّمن ئ مولانا نّخ عيسى لمسيح، والاينّي داخدّمن غاس خف ئدوسان نّسن. س واوال ئزيلن د ييلس ئغودان أس دا تغشّان وينّا ؤر ئفهيمن شا.
19 كول ميدّن سلان ئس تضاعم ربّي، س-ؤوياد أس دا تفراحخ غيفون والاينّي ريخ أتّيلي غورّون لحكما خف ؤوينا ئغودان، ثتوبرّام زݣ ؤينّا ؤور ئحلين.
20 ئد ربّي نّا ياكّان لهنا، ئدّا علا حال أد ئبرش شّيطان دّاو ن-ئضار نّون. ئد نعمت ن مولانا نّخ عيسى لمسيح أتّيلي غورّون!
21 أرئتسلام غيفون تِيمُوثَاوْسْ نّا داي ئتعاوان ݣ لخدمت ن ربّي، أر ئتسلّام غيفون لُوكِيُوسْ د يَاسُونْ د سُوسِيبَاتْرُسْ ئݣان زݣ لاهل-ئنو.
22 أرتسلّامخ غيفون ݣ ؤودم ن مولانا نكّين تَرْتِيُوسْ نّا يارون ثابرات-اد.
23 أر ئتسلّام غيفون غَايُسْ نّايي سيرحبن أر ئترحّاب س ميدّن ن لكنيسا ݣ تادّارت نّس، أر ئتسلّام غيفون أَرَاسْتُسْ لامين ن صّندوق ن تمدينث. أر ئتسلام غيفون ؤماتنخ كْوَارْتُسْ.
24 د نعمت ن مولانا نّخ عيسى لمسيح أتّيلي غورّون كول. أمين
25 لعزّ ئ ونّا ئقدّان أكون ئثبّت س لينجيل نّاس كن بشرخ ونا ئسّوالن خف عيسى لمسيح، حما أدّيباين سّر-اد نّا ئيفّرن زݣ تيزويري.
26 والاينّي دغي ئبايند سّر-اد، ئ لݣنوس كول نّسن غيين أتّيسين زݣ لشتوب ن لانبيا خف لحساب ن لامر ن ربّي نّا ئلّان خف دوام حما أد-يس أمنن أها ضاعنت.
27 لعزّ ئ ربّي أبدا، نّا غر تلّا لحكما وحدو، س عيسى لمسيح. أمين.