36
تاروا ن عيسو زݣ ئسيس ن كنعان
1 تاد أيد ئݣان لقيست ن تاروا ن عيسو نّا مي دا تّينين أدوم.
2 ياول عيسو تيعيّالين نّس زݣ ئسّيس ن كنعان: عدا، ئلّيس ن-أيلون أحثي د هوليباما، ئلّيس ن عنا ممّيس ن صبعون أحِوّي.
3 أها ياول ألّو بسما، ئلّيس ن سماعيل عمّس، ؤلتماس ن نبايوت.
4 داي تورْو عدا يي عيسو أليفاز، تورْو بسما رعوئيل.
5 ئد هوليباما تورْو يعوش د يعلام د قورح. ويدّ أيد-ئݣان أراو ن عيسو نّا س-ئلالن ݣ تمازيرت ن كنعان.
6 داي ياوي عيسو تيعيّالين نّس، د-ئشيرّان نّس د تشيرّاتين نّس د-ئسمغان نّس كول د لمال نّس د لبهايم نّس كول د-ؤينّا ئسمون ݣ تمازيرت ن كنعان. أها ئدّو غر تمازيرت ياضن نّا ئبعدن يي ؤماس يعقوب.
7 ئدّخ أينّا غورسن ئلّان ئعدّا شايݣان، ؤر-أسن ئعديل أد ݣين أدجارن. لاحقّ تامازيرت نّاݣ زدغن ؤر تيوي لمال نّسن كول.
8 داي ئدّو عيسو نّا مي تّينين أدوم ئزدغ ݣ عاري ن سعير.
9 تاد أيد ئݣان لقيست ن تاروا ن عيسو، ئبّاس ن أيت أدوم نّا ئزدغن ݣ عاري ن سعير.
10 ويدّ أيد ئݣّان ئسماون ن-ئشيرّان ن عيسو: أليفاز ممّيس ن عدا، د رعوئيل ممّيس ن بسما،
11 داي يورْو أليفاز: تيمان د أومار د صفوا د جعتام د قناز
12 د عماليق نّا تورْو تمناع تيسمغت يي أليفاز. ويدّ أيد ئݣان أراو ن واراو ن عيسو د تمطّوطّ نّس عدا.
13 أها يورْو رعوئيل: نحت د زراح د شما د ميزّا. ويدّ أيد ئݣان أراو ن واراو ن عيسو د تمطّوطّ نّس بسما.
14 ئد هوليباما، ئليس ن عنا ممّيس ن صبعون، تورْو يي عيسو: يعوش د يعلام د قورح.
ئخاتارن ن أدوم
15 ويدّ أيد ئݣان ئنباضن ن تقبيلين ن تاروا ن عيسو. ئشيرّان ن-أليفاز، أمنزو ن عيسو: تيمان د أومار د صفوا د قناز
16 د قوراح د جعتام د عماليق. ويدّ أيد ئݣان ئنبّاضن ن تقبيلين ن-أليفاز ݣ تمازيرت ن أدوم. ويدّ أيد ئݣان أراو ن واراو ن عيسو د تمطّوطّ نّس عدا.
17 داي ويدّ أيد ئݣان ئشيرّان ن رعوئيل ممّيس ن عيسو: نحت د زراح د شما د ميزّا. ويدّ أيد ئݣان ئنبّاضن ن تقبيلين ن رعوئيل ݣ تمازيرت ن أدوم. ويدّ أيد ئݣان أراو ن واراو ن عيسو د تمطّوطّ نّس بسما.
18 أها ويدّ أيد-ئݣّان ئشيرّان ن عيسو نّا س تورْو هوليباما: يعوش د يعلام د قورح. ويدّ أيد ئݣّان ئنبّاضن ن تقبيلين ن عيسو د تمطّوطّ نّس هوليباما، ئلّيس ن عنا.
19 ويدّ أيد ئݣان ئنبّاضن ن أيت أدوم، تاروا ن عيسو.
تاروا ن سعير أحوري دادّاس ن يبّاس ن هوليباما تامطّوطّ ن عيسو
20 ويدّ أيد ئݣان ئشيرّان ن سعير أحوري، ئمزداغ ئمزوورا ن تمازيرت ن أدوم: لوطان د شوبال د صبعون د عنا
21 د ديشون د إيصرا د ديشان. ويد أيد ئݣان ئنباضن ن ئحوريين، ئشيرّان ن سعير ݣ تمازيرت ن أدوم.
أراو ن واراو ن سعير أحوري
22 ئد ئشيرّان نّا يورْو لوطان نيهني: حوري د همام. ؤلتماس ن لوطان ئسم نّس تمناع.
23 ئد ئشيرّان ن شوبال نيهني: علوان د مناحا د عيبال د شفو د أونام.
24 ئد ئشيرّان ن صبعون نيهني: أية د عنا. عنا أيد يوفان ئغبولا ن وامان رغانين ݣ لخلا لّيݣ أر ئكسّا ئغيال ن صبعون ئبّاس.
25 ئد ئشيرّان ن عنا نيهني: ديشون د هوليباماa.
26 ئد ئشيرّان ن ديشون نيهني: حمدان د-أشبان د يَتران د كران.
27 ئد ئشيرّان ن أيصر نيهني: بلهان د زعوان د عقان.
28 ئد ئشيرّان ن ديشان نهني: عوص د أران.
29 ويدّ أيد ئݣان ئنبّاضن ن تقبيلين ن ئحوريين: لوطان د شوبال د صبعون د عنا
30 د ديشون د أيصر د ديشان. ويدّ أيد ئݣان ئنبّاضن ن تقبيلين ن-ئحوريين ݣ تمازيرت ن سعير.
ئݣلّيدن ن أدوم
31 داي ويدّ أيد ئݣان ئݣليدن نّا ئنبضن ݣ تمازيرت ن أدوم. ݣ لوقت نّا، لا ئسول ؤر ئلّي ؤݣلّيد غر أيت إسرائيل. ئݣلّيدن-اد نيهني:
32 بالع ممّيس ن بعور ئݣا أݣلّيد ݣ تمازيرت ن أدوم، ݣ تمدينت ن دينهابا.
33 داي لّيݣ ئمّت بالع، ئعّايد يوباب ممّيس ن زارح نّا ئݣان زݣ تمدينت ن بصرا ئݣ أݣلّيد ݣ وانسا نّس.
34 داي ئمّت يوباب أها ئعّايد حوشام نّا ئݣان زݣ تمازيرت ن تّيْمان ئݣ أݣلّيد ݣ وانسا نّس.
35 داي ئمّت حوشام أها ئعّايد هداد ممّيس ن بداد ئݣ أݣلّيد ݣ وانسا نّس، هداد أيد ئرّان مديان ݣ تمازيرت ن مؤاب. أها ئݣ ئسم ن تمدينت نّس عويت.
36 داي ئمّت هداد أها ئعّايد سملا نّا ئݣان زݣ تمدينت ن مسريقا ئݣ أݣلّيد ݣ وانسا نّس.
37 أها ئمّت سملا داي ئعايد شأول نّا ئݣان زݣ تمدينت ن رحوبوت نّا ئلّان تاما ن واسيف، ئݣ أݣلّيد ݣ وانسا نّس.
38 أها ئمت شأول داي ئعّايد بعل حنان، ممّيس ن عكبور ئݣ أݣلّيد ݣ وانسا نّس.
39 داي ئمّت بعل حنان، ممّيس ن عكبور أها ئعّايد هدار نّا ئݣان زݣ تمدينت ن فاعو ئݣ أݣلّيد ݣ وانسا نّس. داي ئسم ن تمطّوطّ نّس ميطابيل، ئلّيس ن مطر د ممّيس ن ميزهب.
ئنبّاضن ن أيت أدوم
40 داي ويدّ أيد ئݣان ئسماون ن-ئنبّاضن ن ترّيكا ن عيسو س تقبلين نّسن د وانسيون نّسن، نيهني: تمناع د علوا د يتيت
41 د هوليباما د أيلا د فينون
42 د قناز د تيمان د مبصار
43 د مجديل د عيرام. ويدّ أيد-ئݣان ئنبّاضن ن أدوم كو ييدج دا ئحكّم ݣ تمدينت نّاݣ-ئلّا ݣ تمازيرت نّسن. ويدّ أيد ئݣان أيت ؤخام ن عيسو، ئبّاس ن أيت أدوم.