16
هاجر د إسماعيل
1 ئد ساراي تامطّوطّ ن أبرام ؤر-أس تورْو شا ئشيرّان. أها تيلي غورس يوت ن تسمغت تامصريت ئسم نّس هاجر.
2 داي تنّا ساراي يي أبرام: «هان مولانا ؤر-يي ئوشي تاروا، عافاش دّو ݣن د تسمغت ئنو، بار أد يي تارْو شا ؤربا». داي ئݣ أبرام أم ؤينّا س تنّا ساراي.
3 داي تكّر ساراي أها توش تيسمغت نّس هاجر يي ورݣاز نّس أبرام. داي ݣ لوقت نّاݣ ييول أبرام هاجر، ئكمّل أبرام عشرا د-ئسݣّاسن ݣ تمازيرت ن كنعان.
أكرفص ن ساراي يي هاجر
4 داي ئجن أبرام د هاجر أها تاسي أل تّارْو. نتّا تسّن ئس تلّا س-ؤديس داي ؤر تواتا ساراي غيرس والو.
5 داي تنّا ساراي يي أبرام: «هان أموتل ئنو ئدّا أك يامژ خف ؤياد ئتجرون، هاتين ئولخاش تيسمغت ئنو، داي نتّا تسّن ئس تّارْو، أر يي تحقّار. مولانا أغا ئحكمن ئنݣري د-أݣيدك».
6 داي ئنّاياس أبرام: «تيسمغت نم أينّا، تسول داو ن تنباطّ نّم ݣاس أينّا تريد». داي تكّر ساراي أل تݣ تيعقيدّين يي هاجر ألّيݣ ترول.
لمالاك ن مولانا د هاجر
7 ئعلوت لملاك ن مولانا تاما ن يون ؤغبالو ݣ صّحرا، أغبالوياد ئلّا ݣ-ؤبريد ن تمدينت ن شور.
8 أها ئنّاياس: «أهاجر، أتيسمغت ن ساراي ماني سّا دتدّيد يي ماني غر تدّيد؟» داي تنّاياس: «رولخ زݣ لالّا ساراي».
9 داي ئنّاياس لملاك ن مولانا: «عّايد غر لالّام أها تݣد-أس س رّاي.
10 ها يي دّيخ أد سّيݣوتخ تاروانّم أها ؤر ئتّيغي أود يون أت تيحاسب».
11 داي ئنّاياس ألو لمالاك ن مولانا: «ها شمين تلّيد س-ؤديس أها تدّيد أت تارْوت أربا، أها تݣت-اس سماعيل، ئدّخ ئسلا مولانا يي تنرانّم. a
12 ئدّا أد ئݣ يون ؤرݣاز نّا ئوعير نّا مي ؤر ئغي أود ئدج. داي ئݣ ميدّن د-ئنضليبن أها ݣينت ميدّن كول د أنضليب نّسن. أد ئتغيما غاس ئوول نّس أها أر ئتمنزاغ د أيتماس».
13 داي تنّا هاجر: «ئد ستيتّ، أنّايخ ونّا ديݣي ئترعان؟» داي تݣ ئسم يي مولانا نّا س-ئسيول "ربّي نّا ديݣي ئترعان".
14 أياد أخف مي ݣان يي وانو نّا غزان تينݣيرا نّا ئنݣر قادش د برد أنو ن "لحي رائي" "زعما أنو ن ونّا ئدرن نّا ديݣي ئتراعان".
تالاليت ن سماعيل