6
ئمݣراژ ربّي ئدّخ ئخلق بنادم
1 ألّيݣ أغولن ميدّن أر تعدون خف واشال ؤرون تيفراخ،
2 نتّا علان واراو ن ربّي a ئس ژيلنت ئسّيس ن ميدّن. أها ئلين يي ئقرّا نّسن تيعيّالين زݣ تينا ختارن قاح.
3 داي ئنّا مولانا: «رّوح ئنو نّا وشيخ يي بنادم، ؤر ئتغيما أݣّيتس س دوام. هاتين ئدّا أد ئمّت أها ݣين ووسّان نّس ميّا د عشرين ن-ؤسݣّاس».
4 ݣ-ؤسّان-اد، لّان ݣ واشال ميدّن ئباراون، ئدّخ ئولن واراو ن ربّي ئسّيسّ ن ميدّن أها ؤرون ئشيرّان. تورلّي ئشيرّان-اد أغولن ݣان ميدّن نّا مي ئخاتر وادّور أها ݣين ئصاطّن. د أود ضارت ن ووسّان-اد، لّان ݣ واشال ميدّن أم ويد. b
5 يانّاي مولانا لوخّيت ن بنادم تعمر دّونيت د-ئخمّيمن نّس كول دّيما ؤر حلين.
6 أها ئحرق مولانا، ئدّخ ئݣا بنادم ݣ واشال. أها ئقّيماس ݣ وول.
7 ئنّا مولانا: «أد صفدخ بنادم دّخ عديلخ زݣ وودم ن واشال: بنادم د لبهايم د لوحوش د-ئمرارادن د-ئجضاض ن-ئݣنّا، ئدّخ ديݣي ئقيم ألّيݣ تين ݣيخ».
8 ماشان سيدنا نوح ئرضا غيفس مولانا.
سيدنا نوح دا ييعديل أغرابو
9 تاد أيد ئݣان لقيست ن سيدنا نوح: ئݣ سيدنا نوح يون ؤرݣاز ئصلحن، ئمنان ݣ أيت زّمان نّس. أها أر ئتدّو ݣ-ؤبريد ن ربّي.
10 داي يارو سيدنا نوح شراض ن-ئشيرّان: يون ئسم نّس سام د يون ئسم نّس حام د يون ئسم نّس يافات.
11 داي تخصر دّونيت س لموعصييات دات ن ربّي، ئعمر واشال س-ؤتعدّا.
12 يانّاي ربّي دّونيت. يافتين تخصر، ئدّخ ئسّفرغ مايد ئݣان بنادم كول أبريد ئمنان ݣ واشال.
13 داي ئنّاياس ربّي يي سيدنا نوح: «هاتين عوّلخ أد خلوخ مايد ئدّرن كول، ئدّخ ئعمر بنادم أشال س-ؤتعدّا، ها نكين دّيخ أت تن خلوخ نيتني د-واشال س تّحقيق.
14 عديل يي يخف نّش يون ؤغرابو زݣ ؤكشوض ن تايدا. تݣد ديكس تيدّار، تامستاس ليدام c زݣ جاج د برّا.
15 عديلت ئمشيد: أد ئلينت ديكس تلت ميّا ن تݣويمت dݣ تاغزي نّس د خمسين ن تݣويمت ݣ تيروت نّس د-أم تلاتين ن تݣويمت ݣ-ئبدّي نّس.
16 أها تݣداس يوت ن تريّاحت أت تيلي يوت ن تݣويمت ئنݣراس د-ؤكفاف، تݣداس تاݣّورت ݣ-ئديس، داي تݣد ديكس تيدّار تينادّاتين د تناماسين د تنافلّاتين.
17 ها نكّين دّيخ أت تسّاقومخ خف واشال س وامان حما أد خلوخ مايد غيفس ئلّان كول نّاݣ-ئلّا رّوح ن تودرت ئلّان داو ن-ئݣنّا د-ؤينّا ئلّان كول خف واشال أد-ئمّت.
18 ماشان دّيخ أݣّيدش ݣخ تاضا نو. أت تكشمد ݣ-ؤغرابو شݣّين د واراو نّش د تمطّوطّ نّش د توتمين ن واراو نّش أݣّيدش.
19 أها تسكشمد أݣّيدش ݣ-ؤغرابو يوت ن تيوݣا أوتم د توتمت زݣ كول مايد ئݣان دّات نّا ئدّرن، سين زݣ مايد ئݣان شا حما أد ئديرن أود نيتني.
20 دّان أد غورش ددّون سين زݣ مايد ئݣان نّوع زݣ ئجضاض د لبهايم د لوحوش د-وينّا ئتمرورودن خف واشال حما أد-ئديرن.