5
تاروا ن أدام
1 واد أيد-ئݣان لشتاب نّاݣ توارون ئسماون ن تاروا ن أدام. أسّ نّاݣ-ئخلق ربّي بنادم ئخلقيت خف صّورت نّس،
2 أوتم د توتمت، داي ئسبارشتن أها ئسمّاتن "بنادم" ݣ واسّ نّاݣ تن ئخلق.
3 لّيݣ تلّا ݣ لعمر ن أدام ميّا د تلاتين ن-ؤسݣّاس، يورْو يوك ن-ؤربا، ئرويس لعيل آدم ݣ صّورت نّس، داي ئݣاس ئسم شيت.
4 داي ييدير آدم ألّو فّير ن تلاليت ن شيت تمن ميّا ن-ؤسݣّاس أها يارو ئشيرّان د تشيرّاتين ضنين.
5 ݣين ووسان ن أدام كول تسع ميّا د تلاتين ن-ؤسݣّاس أها ئمّت.
6 لّيݣ تلّا ݣ لعمر ن شيت ميّا د خمسا ن-ؤسݣّاس، يورْو أنوش.
7 داي ييدير شيت ألّو فّير ن تلاليت ن أنوش تمن ميّا د سبعا ن-ؤسݣّاس أها يورْو ئشيرّان د تشيرّاتين ضنين.
8 ݣين ووسان ن شيت كول تسع ميّا د تناعش ن-ؤسݣّاس أها ئمّت.
9 لّيݣ تلّا ݣ لعمر ن أنوش تسعين ن-ؤسݣّاس، يورْو قينان.
10 داي ييدير أنوش ألّو فّير ن تلاليت ن قينان تمن ميّا د خمسطاعش أها يورْو ئشيرّان د تشيرّاتين ضنين.
11 ݣين ووسان ن أنوش كول تسع ميّا د خمسا ن-ؤسݣّاس أها ئمّت.
12 لّيݣ تلّا ݣ لعمر ن قينان سبعين ن-ؤسݣّاس، يورْو مهللئيل.
13 داي ييدير قينان ألّو فّير ن تلاليت ن مهللئيل تمن ميّا د ربعين ن-ؤسݣّاس أها يورْو ئشيرّان د تشيرّاتين ضنين.
14 ݣين ووسان ن قينان كول تسع ميّا د عشرا ن-ؤسݣّاس أها ئمّت.
15 لّيݣ تلّا ݣ لعمر ن مهللئيل خمسا ؤستين ن-ؤسݣّاس، يورْو يارد.
16 داي ييدير مهللئيل ألّو فّير ن تلاليت ن يارد تمن ميّا د تلاتين ن-ؤسݣّاس أها يورْو ئشيرّان د تشيرّاتين ضنين.
17 ݣين ووسان ن مهللئيل كول تمن ميّا د خمسا ؤتسعين ن-ؤسݣّاس أها ئمّت.
18 داي يورْو يارد أخنوخa لّيݣ غورس تلّا ميّا د تناين ؤستّين ن-ؤسݣّاس.
19 داي ييدير يارد ألّو فّير ن تلاليت ن أخنوخ تمن ميّا ن-ؤسݣّاس أها يورْو ئشيرّان د تشيرّاتين ضنين.
20 ݣين ووسان ن يارد كول تسع ميّا د تناين ؤستّين ن-ؤسݣّاس أها ئمّت.
21 لّيݣ تلّا ݣ لعمر ن أخنوخ خمسا ؤستّين ن-ؤسݣّاس، يورْو متوشالح.
22 فّير ن تلاليت ن متوشالح، ييدير أخنوخ ألّو تلت ميّا ن-ؤسݣّاس، ئضفار أخنوخ أبريد ن ربّي أها يورْو ئشيرّان د تشيرّاتين ضنين.
23 ݣين ووسان ن أخنوخ كول تلت ميّا د خمسا ؤستّين ن-ؤسݣّاس.
24 ئضفار أخنوخ أبريد ن ربّي. أها ؤر قّيمن ميدّن دا تتّانّاين ݣ دّونيت، ئدّخ تْييوي ربّي غورس.
25 لّيݣ تلّا ݣ لعمر ن متوشالح ميّا د سبعا ؤتمانين ن-ؤسݣّاس، يورْو لامك.
26 داي ييدير متوشالح ألّو فّير ن تلاليت ن لامك سبع ميّا د تناين ؤتمانين ن-ؤسݣّاس أها يورْو ئشيرّان د تشيرّاتين ضنين.
27 ݣين ووسان ن متوشالح كول تسع ميّا د تسعا ؤستّين ن-ؤسݣّاس أها ئمّت.
28 لّيݣ تلّا ݣ لعمر ن لامك ميّا د تناين ؤتمانين ن-ؤسݣّاس، يورْو يون ؤربا.
29 ئݣاس ئسم نوح أها ئنّا: «وادّخ أد-اخ ئسّفسوس لخدمت د تمارا ن واشال نّا ئنعل مولانا». لمعنا ن-ئسم ن نوح عليحال أم لمعنا ن واوال-أد: سّفسوس.
30 داي ييدير لامك ألّو فّير ن تلاليت سيدنا نوح خمس ميّا د خمسا ؤتسعين ن-ؤسݣّاس أها يورْو ئشيرّان د تشيرّاتين ضنين.
31 ݣين ووسان ن لامك كول سبع ميّا د-سبعا ؤسبعين ن-ؤسݣّاس أها ئمّت.
32 لّيݣ تلّا ݣ لعمر ن سيدنا نوح خمس ميّا ن-ؤسݣّاس، لّان غورس شراض ن-ئشيرّان: سام، حام د يافات.