Jakarɩja (Zacharie) 1

ZAKARIE

Daryusɩ fãngãtasǝ'n bìigà hǝ̃ǝ̃lnã blɩri, gɩ̀ hyarsǝ nɩrsiɛlnã bǝ̃ǝ̃gu, Fɩraa-Dũnnũ cãwandɩ́ juo hi wù tanhiil Jakarɩjaw.

Wù yáá Berekiya bíɛ́-i, nã̀ã ba Ido bíɛ́'n bíɛ́w.

2-3 Fɩraa-Dũnnũẃ hã-yǝ nǝ̃-dǝ wà wú waa nǝ̃ Isɩrayɛl bluuba wà: «Mã́ã Fɩraa-Dũnnũ, mǝ̃̀ mãã mǝ̃̀ waa dìí mãã dɩ̀-i nnĩĩ nã: mǝ̃̀ hiɛgà mǝ̃́gará ǹ-dũ nǝ̃ ɲì tǝvũnvãnããba.

Nǝ̃ vérrà ɲí jo mǝ̃̀ nãã, mã́ã mãã Fɩraa-Dũnnũw, gɩ̀-lǝ gɩ̀ nã, mǝ̃̀ ga ver ǹ-jo ɲì nãã, mǝ̃̀ wáalá gɩ̀-lǝ, mã́ã Cuutii.

4 Bláá suɔr ɲì tǝvũnvãnããba.

Fufodii, mǝ̃̀ yáá mã̀ã tĩɛ̃ mǝ̃̀ tanhiilaabá ba bà hã-ba nǝ̃ hyagbǝ̃ngbãndi, wà bá ver bà waalbɩblaarɩ nã, nã̀ã nǝ̃nǝ̃ǝ̃ bà gaabɩbliɛga nã, nǝ̃ bà sáá ba bà caa bá nɔ̃ ǹ-hã-ba, bà sáa nɔ̃ ǹ-hã-m.

5 Ɲì tǝvũnvãnããbà sɩriɛ yindiɛ, Dũnnũ tanhiilaa yo bà kúrǝ́ǝ.

6 Nǝ̃ mǝ̃̀ kárrá dìí nã mãã, ǹ-hã mǝ̃̀ mããcieraabaa mãã tanhiilaaba, nã̀ã hã-ba nǝ̃ gùú cãwanĩɛ̃gaa mãã, gà gáa hi ɲì tǝvũnvãnããba nã.

Gɩ̀ sùɔ́gɩ nã, bà vérrá bà waal'n tammã nã, nã̀ã waa wà: “Fɩraa-Dũnnũẁ yáá wùu wa wu ji blǝ-yáà ǹ-vaa nǝ̃ yì waal'n tam-i nǝ̃ ǹ-vaa nǝ̃ yì gaaciega.

Wù cíé dɩ̀-lǝ dɩ̀-i.