1 Rois 2

Dawudaẁ gáa fǝ̃ǝ̃ wà wù kuugɩ píɛlá nã, wú kra gadaga nã ǹ-hã wù bíɛ́ Solmãnw wà:

2 «Mǝ̃̀ síì hǝ̃ǝ̃sǝ nã̀ã ku, gɩ̀ sùɔ́gɩ nã, dii hyagbǝ̃ngbãndi ǹ hla nã, nǝ̃ ń pɩgaa ǹ hla wà bibiɛ-i nǝ̃-n.

3 Ba yalntiiw Fɩraa-Dũnnũw saa, ǹ Dũnnũ; bǝ̃ǝ̃ wo bǝ̃ǝ̃, ba ǹ ce wù mãã wù caa dìi, ba ǹ nɔ̃ ǹ hã wù hlũũgu, wù hlũũ'n nǝ̃ǝ̃yaga, wù kárrá gàá nã mãã ǹ-hã-n, nǝ̃ wù mãã wù kal-n nǝ̃ dìí mãã, nǝ̃ kuu wo kuu mãã gɩ̀ yállá Musa hlũũgɩ nã; gɩ̀-lǝ gùú tammã nã-i, ǹ mãã ǹ ji jãn cɔ̃m wo cɔ̃m nã mãã, mã̀ ji fa ǹ saa.

4 Gɩ̀-lǝ gɩ̀ nã, Fɩraa-Dũnnũ yáá wù pã wù nũɔ̃gu nǝ̃-m dìí nã mãã wù ce dɩ́ suu-i. Wù yáá wùu pã wù nũɔ̃gu nǝ̃-m wà mǝ̃̀ furũntaaba-ń fǝ̃ǝ̃ bà waal'n tammã, ǹ-ba bà wáà mǝ̃̀ yigagɩ nã, yalntasǝrɩ nã, nǝ̃ bà hiɛga min, nǝ̃ bà cosǝrɩ min, wà mǝ̃n furũũgɩ nã, bǝ̃ǝ̃ wo bǝ̃ǝ̃, curoẁ ji da bà sǝ̃ǝ̃nã wùú mãã wù ji ba yuuntasǝrɩ nã Isɩrayɛl bluu'n yuugɩ nã.»

10 Dawudaẁ gáa duu wù tǝvũnvãnããba nã, bà díilá-yǝ Serusalɛmgɩ-i, Dawuda lǝri.

11 Dawuda yuuntasǝri Isɩrayɛlgu, dɩ̀ hǝ̃́ǝ̃sǝ́ ǹ-ji hi bii gwaahǝ̃ǝ̃lw. Wù cíé yuuntasǝri bii nɩrhǝ̃ǝ̃l Hebrɔ̃ lǝri, nã̀ã ce-dǝ bii gur nǝ̃ nũɔ̃sɔ̃ nǝ̃ gà siɛl Serusalɛmgu.

12 Solmãnẃ juo jiraa wù tǝ Dawuda yuuntasǝ'n guujirakuugɩ nã, wù yuuntasǝrɩ́ juo mǝ̃gaa ǹ-jiraa ǹ-fa.