Jalli (Nombres) 21

4 Isɩrayɛl bluubá suro Hɔr tãnũũgɩ nã, ǹ-tuu Baabumbɛ̃m'n hlũũgu, ba báa ga da ǹ-ta Edɔ̃m yiɛgu. Nǝ̃ ǹ-ya bá ba hlũũgɩ nã, Isɩrayɛl bluu'n hiɛgá kãã huulaa.

5 Bá fǝ̃ǝ̃ ǹ-ba bà waa bà hã Dũnnũw, bá nǝ̃ Musaw wà: «Ɲi cíé yi hlǝ Misɩra-lǝ wanĩĩ? Yi da ǹ-juo kurǝǝ jerkwaarɩ nã-ì? Wuur'n sɩriɛ, hũnɲũɔ̃m'n sɩriɛ. Mãnɩw jáa hɔ̃ yì nã, gùú hujãncɔ̃m'n wuurii mãã nnĩĩ!»

6 Gɩ̀-i, Fɩraa-Dũnnũẃ fǝ̃ǝ̃ ǹ-tĩɛ̃ waalaabaa mãã bà tãmmã̀ ca. Bá juo duuraa Isɩrayɛl bluucin nã ǹ-ko-ba.

7 Bà dɩgaliɛẃ suro ǹ-kã Musaw nãã ǹ-kãã waa nǝ̃-yǝ wà: «Yi cíé diicĩɛ̃rǝ-i ǹ-waa ǹ-hã Fɩraa-Dũnnũw nǝ̃ yíì. Cirǝ̃ǝ̃ wù nã wà wú ce waalaa báàbá hlǝ ǹ-hal yì nã.» Musaẃ fǝ̃ǝ̃ ǹ-cirǝ̃ǝ̃ Fɩraa-Dũnnũw nã ǹ-hã Isɩrayɛl bluuba.

8 Fɩraa-Dũnnũẃ siɛ-yǝ wà: «Ce kwal'n waalw, ń gbǝ-yǝ dalli drɔ. Waalẁ ji bà wu-ń duu gùú tiiw, nǝ̃ gɩ̀ tiiẃ haar ǹ-ne kwal'n waal wáà, wù ji ba nũmǝ̃nãw.»

9 Musaẃ fǝ̃ǝ̃ ǹ-ce kwabyãr'n waalw ǹ-gbǝ-yǝ dallɩ nã. Waalẁ yáá wu-ń duu gùú tiiw, nǝ̃ gɩ̀ tiiẃ haar ǹ-ne kwabyãr'n waal wáà, wù yáá wù ba nũmǝ̃nã-i.