رِسولینگ حاق-حوقوقلاری
۹
اُندا مِن آزاد دَلمی نَمه؟ یا مِن رِسول دَلمی؟ مِن تانگریمیز عیسی مسیحی اُز گُزوم بیلِن گُرمِدیمّی نَمه؟ شِیله بُلسا سیز مِنینگ مسیح اوچین چِکِن زَحمِتیمینگ نِتیجه‌سی دَلمی؟
۲ باشغالار مِنی رِسول حاساپلاماسالار-دا، مِن سیزینگ اوچین رِسولدیرین! چونکی سیز مسیح یُلونداقی رِسولّیغیمینگ مُهوریسینگیز.
۳ رِسولّیغیمینگ حاق-حوقوقلاری باباتدا مِنی سُرایانلارا، اینه، شونی دییمِکچی.
۴ اُندا بیزینگ اییّپ-ایچمَگه حاقیمیز یُقمی؟
۵ بِیلِکی رِسول‍لار، عیسانینگ دُغانلاری و پِطرُس یالی گیدِنلِرینده، اُز ایماندار آیالینی اُزی بیلِن اَکیدیَرلِر. اُندا بُلسا بیزینگ-ده شِیله اِتمَگه حاقیمیز یُقمی نَمه؟
۶ یا-دا مِن بیلِن بارنابانینگ ایماندارلاردان مادّی کُمِگینی آلماغا حاقیمیز یُقمی؟
۷ کیم اُز پولی بیلِن سِربازلیق اِدیَر؟ اُندا میوه‌سیندِن اییمِجِک بُلسا، اوزوم باغینی اِکیَن بارمی؟ سوری باقیپ-دا، اُنونگ سویدونی ایچمِیَن بارمی؟
۸ مِن مونی دینگه اینسان دوشونجِسیندِن آیتمایارین. شِریغات هِم بو باباتدا شِیله دییمِیَرمی نَمه؟
۹ چونکی تُورات‌دا: «خارمان دُویَن سیغیرینگ آغزینی باغلامانگ»* دییّپ یازیلاندیر. شِیله بُلسا خودای سیغیرلارینگ فیکرینی اِدیَرمی؟
۱۰ اُل بولارینگ هِمّه‌سینی بیزینگ اوچین آیتمایارمی؟ هاووا، بو بیزینگ اوچین یازیلاندیر. چونکی یِر سوریَن-ده، خارمان دُویَن-ده حاصیلدان پای آلماق اومیدی بیلِن ایشلِیَندیر.
۱۱ بیز آرانگیزدا روحانی تُخوملاری اِکیپ، سیزدِن مادّی حاصیلی اُرساق، مونی خاص اولی گُرِرسینگیزمی؟
۱۲ اِگِر باشغالار سیزدِن مادّی کُمِگی آلماغا حاقلی بُلسا، اُندا بیز اُلاردان-دا کَن حاقلی دَلمی؟ یُنه بیز بو حاقیمیزدان پِیدالانمادیق. تِرسینه، مسیحینگ خوش خابارینینگ یایراماغینا پَسگِل بِرمِجِک بُلوپ، هِمّه زادا جیدایاریس.
۱۳ عیباداتخانادا خیدمات اِدیَنلِر اُز اییجِگینی عیباداتخانادان آلیارلار. قربانلیق جاییندا خیدمات اِدیَنلِر-ده قربانلیق صاداقالاریندان پای آلیارلار. بولاری اُزونگیز هِم بیلیَنسینگیز.
۱۴ خوش خاباری واغیظ اِدیَنلِرینگ-ده خوش خاباردان اُنگشوق گِچِرمِگینی، مسیح حُکوم اِدِندیر.
۱۵ یُنه مِن بو حاق-حوقوقلاریمینگ بیریندِن-ده پِیدالانان دَلدیرین. مِن مونی یازماق بیلِن سیزدِن حاق-حوقوقیمی طالاب اِتمِکچی بُلامُق. مِنینگ بو قووانمامی، قُی، هیچ کیم باطیل اِتمِسین. شِیله بُلانیندان، اُلِنیم قاوودیر!
۱۶ مِن خوش خاباری واغیظ اِدیَنیم بیلِن قووانماغا حاقلیدیرین دییّپ فیکر اِدِمُق: مونی اِتمِک وِظیفَمدیر. اِگِر مِن خوش خاباری واغیظ اِتمِسِم، وای، مِنینگ حالیما!
۱۷ اِگِر مِن مونی ایسلِگیم بیلِن اِدیَن بُلسادیم، اُندا سیلاغیمی آلاردیم. یُنه ایسلِگیم بیلِن اِتمِیَندیگیمه گُرَه، مِن اُز وِظیفَمی بِرجای اِدیَرین.
۱۸ اُندا سیلاغیم نَمِدیر؟ خوش خاباری مُفت واغیظ اِدیپ، اُنونگ مانگا بِریَن حاق-حوقوقیندان پِیدالانمازلیق مِنینگ اوچین سیلاغدیر.
پولس هِمّه‌لِرینگ قولودیر
۱۹ مِن آزاد بُلسام-دا، هِر کیمی مسیح طارافا گِتیرجِک بُلوپ، هِمّه‌لِرینگ قولی بُلدوم.
۲۰ یَهودیلِری مسیح طارافا گِتیرجِک بُلوپ، اُلار اوچین یَهودیلِر یالی بُلدوم. مِن شِریغاتینگ قولی بُلماسام-دا، شِریغاتا گُرَه یاشایانلاری مسیح طارافا گِتیرجِک بُلوپ، شِریغاتینگ قولی بُلدوم.
۲۱ مِن شِریغاتسیز آداملاری مسیح طارافا گِتیرجِک بُلوپ، اُلارینگ یانیندا شِریغاتسیز یالی بُلدوم. حاقیقاتدان هِم، خودایینگ شِریغاتینا گُرَه یاشاپ، مسیحینگ تابشیریقلارینا موطیع‌دیرین.
۲۲ اِجیزلِری مسیح طارافا گِتیرجِک بُلوپ، اِجیزلیگَه اُورولدیم. قاراز، کَبیرلِری نِجات بِرجِک بُلوپ، مِن هِمّه‌لِره هِر زات بُلدوم.
۲۳ مِن بولارینگ بارینی خوش خابارینگ بِرِکِتلِرینه شِریک بُلوپ بیلِریم یالی، خوش خابارینگ خاطیرینا اِدیَرین.
۲۴ یاریش مِیداندا یُرتیانلارینگ هِمّه‌سی یُرتسا-دا، بایراغی دینگه بیری آلیاندیغینی بیلمِیَنگیزمی؟ شُندا سیز-ده بایراق آلار یالی شِیله یُرتینگ.
۲۵ هِر کیم یاریشا قاتناشیان، هِر زاتدا اُزونی قاوی گویچلِندیریَندیر. اُلار مونی واقتلایین بیر تاجی آلماق اوچین اِدیَر. اِمّا بیز بُلسا مونی باقی تاجی آلماق اوچین اِدیَندیریس.
۲۶ شُنگا گُرَه-ده، مِن ماقصاتسیز یُرتیانلار یالی یُرتمایارین، هُوانی یومروقلایان کیشی یالی حِرِکِت اِتمِیَرین.
۲۷ یُق، مِن خوش خاباری باشغالارا واغیظ اِدِنیمدِن سُنگ، یاریشا قاتناشماقدان ماحروم اِدیلِسیم گِلمِیَر. شُنونگ اوچین-ده، بِدِنیمی حُرلاپ، اُنی اُزومه موطیع اِدیَرین.