خودایینگ عادالاتلی حُکومی
۲
اِی باشغالارا حُکوم اِدیَن اینسان! سِن کیم بُلسانگ-دا، شِیله اِتمَگه آصلا حاقینگ یُقدور. سِن باشغالارا حُکوم اِتمِک بیلِن، اُز-اُزونگی مَحکوم اِدِرسینگ. سِبَبی سِن اُزونگ-ده شِیله گونَه‌لی ایشلِری اِدیَرسینگ-اَ !
۲ بیز شِیله ایش اِدیَنلِرینگ خودایینگ حُکومینه دوچار بُلجاقدیغینی بیلیَریس. بو حُکوم حاقدیر.
۳ سِن شِیله ایشلِری اِدیَن آداملاری حُکوم اِدیپ، اُزونگ-ده شِیله ایشلِری اِدیَرسینگ. هِی-ده شوندان سُنگ خودایینگ حُکومیندِن قاچارین دییّپ گومَن اِدیَرسینگمی نَمه؟
۴ یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟
۵ یُنه سِن قاتی یورِکلیلیک و توبا اِتمِزلیلیک بیلِن باشینگدان اینجِک غاضابی جِملِیَرسینگ. بو جِزا خودایینگ عادالاتلی حُکومینینگ آیان بُلجاق گونونده بِریلِر.
۶ شُل گون خودای هِر کیمه اِدِن ایشینه گُرَه جِزا بِرِر.*
۷ خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.
۸ اِمّا اُز خاییرینی گُزلِیَنلِر و حاقیقاتی رِد اِدیپ، یامانلیغینگ ایزینا دوشیَنلِر بُلسا قاهار-غاضابا دوچار بُلارلار.
۹ یامانلیق اِدیَن هِر بیر آداما: اَوَّل یَهودیلِره، سُنگرا یَهودی دَل‍لِره قینچیلیق و عاذاپ بُلار.
۱۰ اِمّا یاخشیلیق اِدِن هِر بیر آداما: اَوَّل یَهودیلِره، سُنگرا یَهودی دَل‍لِره بِییکلیک، حُرمات و راحاتلیق بُلار،
۱۱ سِبَبی خودای طارافدارلیق اِدیَن دَلدیر.
۱۲ شِریغاتسیز گونَه اِدیَنلِرینگ هِمّه‌سی، شِریغاتسیز هِم هِلَک بُلار. و شِریغاتا گُرَه گونَه اِدیَنلِرینگ هِمّه‌سی، شِریغات طارافیندان هِم حُکوم اِدیلِر.
۱۳ چونکی خودایینگ حوضوریندا شِریغاتی دینگلِیَنلِر دَل-ده، اُنی بِرجای اِدیَنلِر تاقوالی حاساپلانیاندیر.
۱۴ شِریغات یَهودی دَل‍لِره بِریلمِدی. یُنه اُلار طِبیغاتا گُرَه شِریغات عِمِل‍لِرینگ ایزینا دوشوپ، بو شِریغاتینگ ایسلِگلِرینی بِرجای اِدِنلِرینده، شِریغاتی بیلمِسِلِر-ده، قاوی و یامان ایشلِری بیلینیَندیکلِرینی گُرکِزیَرلِر.
۱۵ شِیدیپ، اِدیَن ایشلِرینینگ اوستو بیلِن شِریغاتینگ عِمِل‍لِرینینگ اُز یورِکلِرینه یازیلاندیغینی معلیم اِدیَرلِر. اُلارینگ وِجدانلاری هِم مونونگ شِیلِدیگینی تاصدیقلایار، سِبَبی اُز فیکرلِری اُلاری کَواقت عاییپلایار، کَواقت بُلسا آقلایار.
۱۶ بولارینگ هِمّه‌سی خودای آداملارینگ اُغرین ایشلِرینی و فیکرلِرینی عیسی مسیحینگ اوستو بیلِن قاضیلیق اِتجِک گونونده آیان بُلار. بولارینگ باری واغیظ اِدیَن خوش خاباریمدا بِیان اِدیلِندیر.
یَهودیلِر و شِریغات
۱۷ ایندی بُلسا سِن اُزونگی یَهودی بیلیپ، شِریغاتا بیل باغلایارسینگ، خودایی تانییاندیغینگا قووانیارسینگ.
۱۸ سِن خودایینگ ایسلِگینی و یاخشینی یاماندان بیلمِگی شُل شِریغاتدان اُورِنیَرسینگ.
۱۹-۲۰ سِن بیلیمینگ و حاقیقاتینگ نِمونه‌سی بُلان شِریغاتا اِیه بُلانینگ اوچین، اُزونگی کُرلِرینگ یُل گُرگِزیَنچیسی، قارانگقیلیقداقیلارینگ نوری، نادانلارینگ تِربیِتچیسی و بیلمِیَنلِرینگ مُعلِّمی حاساپلایارسینگ.
۲۱ اِگِر شِیله بُلسا، اُندا نَمه اوچین باشغالارا تَعلیم بِریپ-ده، اُزونگه اُورِتمِیَرسینگ؟ اُغورلیق اِتمِزلیگی واغیظ اِدیپ، نَمه اوچین اُغورلیق اِدیَرسینگ؟
۲۲ زینا اِتمِلی دَل دییّپ، نَمه اوچین زینا اِدیَرسینگ؟ بُتلاردان ییگرِنیَن بُلسانگ، نَمه اوچین بُتخانالاری غارات اِدیَرسینگ؟
۲۳ سِن اُزونگه بِرلِن شِریغاتا قووانسانگ-دا، اُنی پُزوپ، خودایینگ آدینا حُرماتسیزلیق اِتمِیَرسینگمی؟
۲۴ شُنگا گُرَه-ده، مُقادِّس یازغیلاردا: «خودایینگ آدی باشغا میلِّتلِرینگ آراسیندا سیز سِبَپلی دیل یِتیرِرلِر» دییلیپ یازیلاندیر.*
۲۵ هاووا، سِن یَهودی سونِّت اِدیلِنسینگ، یُنه سونِّت دینگه شِریغاتینگ بِرجای اِدیلِن واقتیندا پِیدالیدیر. اِمّا شِریغاتی پُزیان بُلسانگ، اُندا سِنینگ سونِّتینگ سونِّتسیزلیک بیلِن دِس-دِنگدیر.
۲۶ شِیله هِم بیر سونِّتسیز آدام شِریغاتینگ حُکوملِرینی بِرجای اِدیَن بُلسا، اُنونگ سونِّتسیزلیگی سونِّتلی حاساپلانمازمی نَمه؟
۲۷ سونِّتسیز بُلسا-دا، شِریغاتینگ حُکوملِرینی بِرجای اِدیَن آدام سِنی مَحکوم اِتمِزمی؟ سِبَبی سِن مُقادِّس یازغیلارا اِیه بُلوپ، سونِّتلی بُلسانگ-دا، شِریغاتی پُزیارسینگ آخیرین!
۲۸ چونکی داشقی گُرنوشینَه گُرَه یَهودی گُرونیَن هِر کِس یَهودی دَلدیر، بِدِندَکی هِر سونِّت-ده حاقیقی سونِّت دَلدیر.
۲۹ یُق، یورِکدِن یَهودی بُلان آدام حاقیقی یَهودیدیر. شِریغاتا گُرَه دَل-ده، مُقادِّس روحا گُرَه یورِکدِن بُلان سونِّت حاقیقی سونِّتدیر. حاقیقی یَهودینینگ اُوگوسی آداملاردان دَل-ده، خودایداندیر.