پِطرُسینگ ایماندارلارا بِرِن جُغاپلاری
۱۱
رِسول‍لار و یهودیه‌لی دُغانلار باشغا میلِّتلِرینگ-ده خودایینگ خوش خابارینی قابول اِدِندیکلِرینی اِشیتدیلِر.
۲ پِطرُس اورشلیمه گِلِنده، سونِّتلِنمِلی دییَّن یَهودی ایماندارلار اُنونگ بیلِن داعوالاشیپ:
۳ «سِن سونِّتسیز آداملارینگقا میهمان بُلوپسینگ، اُلار بیلِن بیله ناهارلانیپسینگ» دییدیلِر.
۴ شُندا پِطرُس باشیندان گِچِن واقانی یِکه-یِکه گورّونگ بِرمَگه باشلادی:
۵ «یافا شَهرینده دُغا اِدیپ اُتیرقام، مانگا بیر رویا آیان بُلدی. مِن یانیما اولی ساچاغا مِنگزِش بیر زادینگ دُرت بورجوندان آسیلیپ، آسماندان یِره اینِنینی گُردوم.
۶ اُنونگ ایچینه دیقّات بیلِن سِراِدیپ گُزدِن گِچیریمده، دُرت آیاقلی حایوانلاریندان باشلاپ، وَحشی هِم خازاندالار و قوشلاری گُردوم.
۷ سُنگرا بیر سِسینگ مانگا: ”پِطرُس، تور، داماقلارینی چال-دا، ایی!“ دییِنینی اِشیتدیم.
۸ مِن: ”یُق، یا خودای، آصلا بِیتمِرین! مِن هیچ هاچان نِجیس یا حارام زاتلاری آغزیما دِگرِن دَلدیرین“ دییدیم.
۹ اِمّا آسماندان گِلِن سِس ایکینجی گِزِک مانگا: ”خودایینگ حالال دییِن زاتلارینا حارام دییمِگین!“ دییدی.
۱۰ بو اوچ گِزِک قایتالانیپ، هِمّه‌سی یِنه یُقاری آسمانا آلیندی.
۱۱ «اینه، شُل واقت قیصریه‌دِن ایبِریلِن اوچ آدام مِنینگ بُلیان اُیومینگ اُوونه گِلیپ دوردیلار.
۱۲ اُنسُنگ مُقادِّس روح مانگا شِکلِنمَن، اُلار بیلِن گیتمِلیدیگیمی آیتدی. یانیمداقی بو آلتی دُغان هِم مِنینگ بیلِن بیله گیتدی، بیز اُل آدامینگ اُیونه باردیق.
۱۳ اُل آدام هِم بیزه اُیونده اُزونه گُرنِن پِریشده بارادا گورّونگ بِردی. پِریشده اُنگا: ”یافا آدام یُلّا-دا، پِطرُس لاقابی شمعونی گِتیرت.
۱۴ اُنونگ سانگا آیتجاق خابارینگ اوستو بیلِن اُزونگ و هِمّه اُی-ایچِرینگ نِجات تاپار“ دییّپدیر.
۱۵ مِن سُزه باشلانیمدا، مُقادِّس روح اُنگ بیزینگ اوستومیزه اینیشی یالی، اُلارینگ اوستونه هِم ایندی.
۱۶ شُندا عیسی: ”یحیی سووا تَعمیدلِندیردی، اِمّا سیز مُقادِّس روحا تَعمیدلِنِرسینگیز“ دییِن سُزی یادیما دوشدی.
۱۷ شِیلِلیکده، تانگریمیز عیسی مسیحه ایمان گِتیرِنیمیزده، خودای بیزه بِرِن ناغماتینی اُلارا هِم بِرِن بُلسا، خودایا قارشی دورار یالی، مِن کیم بُلوپدیرین؟»
۱۸ دُغانلار بو سُزلِری اِشیدِنلِریندِن سُنگرا کُشیشدیلِر. خودایی بِییکلِندیریپ: «دُغریدان-دا خودای حتّیٰ باشغا میلِّتلِره-ده توبا اِدیپ، باقی یاشایشا قاووشماقلیغی بِریپدیر» دییّشدیلِر.
انطاکیه‌دَکی ایماندارلار
۱۹ اِستیفان اُلدوریلِندِن سُنگ باشلانان عاذاپلانمالار سِبَپلی ایماندارلار فینیقیه، قِپرِسه و انطاکیَه چِنلی دارغادیلار. اُلار خوش خاباری یَهودیلِردِن باشغا هیچ کیمه واغیظ اِتمِیَردیلِر.
۲۰ اُلارینگ آراسیندا قِپرِسدِن و قیرِواندان انطاکیَه گِلِن کَبیر ایماندارلار باردی. اُلار تانگریمیز عیسی باراداقی خوش خاباری اُل یِردَکی باشغا میلِّتلِره-ده واغیظ اِتدیلِر.
۲۱ اُلاردا خودایینگ قودراتی باردی، شُنونگ اوچین کَن آداملار ایمان گِتیریپ، خودایی طارافا گیتدیلِر.
۲۲ بو حاقدَکی خابارلار اورشلیمدَکی کِلیسایا باریپ یِتدی. اُلار بارنابانی انطاکیَه یُلّادیلار.
۲۳ بارنابا گِلِنده، خودایینگ مِرحِمِتینینگ دِلیلینی گُروپ شاد بُلدی. اُل خودایا تویس یورِکدِن وِفادار بُلماغی هِمّه‌لِره ناصیحات اِتدی.
۲۴ اُنونگ مُقادِّس روحدان و ایماندان دُلی بیر یاخشی زادا آدامدیغی اوچین، خاص کَن آدام خودایا ایمان گِتیردیلِر.
۲۵ اُنسُنگ بارنابا سولُسی گُزلَپ، تارسوسا گیتدی.
۲۶ اُنی تاپیپ، انطاکیَه گِتیردی. شِیدیپ، بارنابا بیلِن سولُس بیر ییلّاپ اُل یِردَکی کِلیسالاری بیر یِره ییغناپ، کَن آداملارا تَعلیمات بِردیلِر. شَگیرتلِره اَوَّلکی گِزِک انطاکیه شَهرینده «مسیحیلِر» دییلیپ آد بِریلدی.
۲۷ شُل گونلِرده اورشلیمدِن انطاکیَه بیرنَچه نِبی گِلدی.
۲۸ اُلاردان بیرینینگ آدی آگابوسدی. اُل یِریندِن توروپ، روم ایمپِراطُرلیغیندا یامان آچلیغینگ بُلجاقدیغی بارادا مُقادِّس روحونگ اوستو بیلِن نبوّت اِتدی. بو آچلیق ایمپِراطُر کلودیوسینگ زاماندا بُلوپ گِچدی.
۲۹ شُندا شَگیرتلِرینگ هِمّه‌سی گویچلِرینینگ یِتدیگیندِن یهودیه‌لی دُغانلارا کُمِک اوچین پول یُلّاماغی قارار اِتدیلِر.
۳۰ اُلار شِیله هِم اِتدیلِر، پولی بارنابا و سولُسینگ اوستو بیلِن کِلیسانینگ یاشولیلارینا ایبِردیلِر.