عیسی آرخو-جین اِیِلَن آدامی شِفا بِریَر
۵
عیسی بیلِن شَگیرتلِری دِریانینگ بِیلِکی کِنارینداقی جَدَریلیلِرینگ یوردونا گِلدیلِر.
مَرقُس ۵:۱-۲۰
۲ عیسی قاییقدان دوشِن واقتینا، اُنگا مازارچیلیقدان چیقیپ گِلیَن بیر آدام دوش گِلدی. بو آدامی آرخو-جین اِیه‌لَپدی.
۳ اُل قابرلارینگ آراسیندا یاشایاردی. اُنی هیچ کیم حتّیٰ زینجیرلاپ هِم ساقلاپ بیلمِیَردی.
۴ اُنونگ اِل-آیاقلارینی اِنچِمه گِزِک زینجیرلاسالار-دا، اُل زینجیرلاری قیریپ، بُلِک-بُلِک اِدیَردی. هیچ کیم اُنی یُلا گِتیریپ بیلمِزدی.
۵ اُل گیجه-گوندیز مازارچیلیقدا، داغلاردا هِمیشه قیغیریپ، اُزونی داش بیلِن یارالاپ یُریردی.
۶ اُل عیسانی داشدان گُروپ، یُرتوپ گِلدی-ده، اُنونگ اُوونده دیزینا چُکوپ، سِجده اِتدی.
۷ قاتی سِس بیلِن قیغیریپ: «اِی عیسی! اِی بِییک خودایینگ اُغلی، مِنینگ بیلِن نَمه ایشینگ بار؟ یالباریان، خودایینگ حاقی اوچین مِنی عاذاپلاما!» دییدی.
۸ سِبَبی عیسی اُنگا: «اِی آرخو-جین، بو آدامدان چیق» دییّپدی.
۹ اُنسُنگ عیسی آرخو-جیندان: «آدینگ نَمه؟» دییّپ سُرادی. اُل هِم: «آدیم لِژیون*، چونکی بیز کَندیرسیک» دییّپ جُغاپ بِردی.
۱۰ اُزلِرینی بو جایدان قُووپ گُیبِرمِزلیگی اوچین، اُلار عیسی کَن یالباردیلار.
۱۱ شُل یِرده داغینگ آشاقیندا بیر تُپار دُنگوز اُتلاپ یُردی.
۱۲ آرخو-جینلار عیسی: «بیزی شُل دُنگوزلارینگ آراسینا گُیبِر، اُلارینگ ایچینه گیرِیلی» دییّپ یالباردیلار.
۱۳ عیسی اُلارا اِجازا بِردی. آرخو-جینلار چیقیپ، دُنگوزلارا گیردیلِر. شُندا ایکی مونگه قُلای دُنگوزدان عیبارات بو سوری اُزونی قایادان دِریایا زینگیشیپ غارق بُلدیلار.
۱۴ دُنگوز چُپانلاری بُلسا قاچیپ گیدیپ، شَهرلِره و اُبالارا بو واقانی خابار بِردیلِر. حالاییق نَمه بُلانینی گُرمَگه گِلدی.
۱۵ اُلار عیسانینگ یانینا گِلِنلِرینده، بیر دیوانا آدامینگ لِژیونی باردی، ایندی لِباسلی اُتورانینی و عاقیلی هِم یِریندِدیگینی گُروپ قُرقدولار.
۱۶ واقانی گُرِنلِر دیوانا آداما و دُنگوزلارا نَمه بُلاندیغی حاقیندا خالقا گورّونگ بِردیلِر.
۱۷ اُنسُنگ خالق اُزلِرینینگ یوردوندان گیتمِگی اوچین، عیسی یالبارماغا باشلادیلار.
۱۸ عیسی قاییقا مینِنده، اُنگدِن دیوانا بُلان آدام اُنگا: «سِنینگ بیلِن گیدَیین» دییّپ یالباردی.
۱۹ اِمّا عیسی مونگا اِجازا بِرمِدی. اُنگا: «اُیونگه، اُزونگکیلِرینگ آراسینا گیت، خودایینگ سِنینگ اوچین نَمِلِر اِدِندیگینی، سانگا نَهیلی رِحم-شِپاقات گُرکِزِندیگینی اُلارا گورّونگ بِر» دییدی.
۲۰ اُل هِم گیدیپ، عیسانینگ اُزونه اِدِن یاخشیلیغینینگ بارینی دِکاپولیسده اِعلان اِتمَگه باشلادی. هِمّه‌لِر مونگا حایران قالدی.
دیرِلِن قیز و شِفا تاپان آیال
۲۱ عیسی قاییق بیلِن یِنه بِیلِکی کِنارا گِچِنده، داشینا اولی جِماغات اویشدی. عیسی دِریانینگ کِناریندادی.
مَرقُس ۵:۲۱-۴۳
۲۲ کِنیسه باشلیقلاریندان یایروس آدلی بیر آدام گِلدی. اُل عیسانی گُروپ، اُنونگ آیاغینا ییقیلدی.
۲۳ اُنگا کَن یالباریپ: «مِنینگ قیزجاغازیم اُلوم حالیندا یاتیر. گِل-ده، اِل‍لِرینگی اُنونگ اوستونده قُی، شِفا تاپیپ یاشاسین!» دییدی.
۲۴ عیسی بو آدام بیلِن گیتدی. ایزینا دوشوپ گِلیَن اولی جِماغات اُنی هِر یاندان قیسیپ-قاوروپ باریاردی.
۲۵ اُل یِرده اُن ایکی ییلدان بَری قان آقماسی بُلان بیر آیال هِم باردی.
۲۶ اُل کَن حُرلوق چِکیپ، اِنچِمه طِبیبلِره گُرنوپ، بار-یُغونی خارج اِدیپدی، یُنه هیچ خاییر تاپمان، قایتام، یاغدایی خاص بِتِرلِشیپدی.
۲۷ بو آیال عیسی حاقدا آیدیلیان زاتلاری اِشیدیپ، جِماغاتینگ ایچی بیلِن اُنونگ آرقا طارافیندان گِلدی و دُنونا اِلینی دِگیردی.
۲۸ چونکی اُل ایچیندِن: «دینگه دُنونی اِلِّسِم-ده، شِفا تاپاریم» دییّپ فیکرلِنیاردی.
۲۹ شُل واقتینگ اُزونده اُنونگ قان آقماسی کِسیلدی. آیال دِردیندِن شِفا تاپاندیغینی بِدِنینده بیلدی.
۳۰ عیسی اُزوندِن بیر گویجونگ چیقاندیغینی شو واقتدا بیلیپ، جِماغاتا طاراف اُورولیپ: «دُنوما کیم اِلینی دِگیردی؟» دییّپ سُرادی.
۳۱ شَگیرتلِری اُنگا: «سِن اُزونگی قیسیپ-قاوروپ گِلیَن جِماغاتی گُریَرسینگ-اَ ! اُنسُنگ نَدیپ: ”مانگا کیم اِلینی دِگیردی؟“ دییّپ سُرایارسینگ؟» دییدیلِر.
۳۲ اِمّا عیسی مونی اِدِنی گُرجِک بُلوپ، داش-تُوِرِگینه سِراِدیَردی.
۳۳ اُزونه نَمه بُلاندیغینی بیلِندِن سُنگ، یانگقی آیال قُرقوپ، تیترَپ گِلدی. عیسانینگ اُوونده یِره ییقیلیپ، اُنگا هِمّه حاقیقاتی آیدیپ بِردی.
۳۴ عیسی اُنگا: «اِی قیز، ایمانینگ سانگا شِفا بِردی. ساغامان گیت، دِردینگدِن آزاد بُل» دییدی.
۳۵ اُل بو سُزلِری آیدیپ دورقا، کِنیسه باشلیغینینگ اُیوندِن بیرنَچه آدام گِلیپ: «قیزینگ اُلدی. نَمه اوچین اُستادی کَن زَحمِت بِریَرسینگ؟» دییدی.
۳۶ عیسی مونی اِشیدِن واقتینا، کِنیسه باشلیغینا: «قُرقما، دینگه ایمان گِتیر!» دییدی.
۳۷ عیسی پِطرُسدان، یعقوبدان و اُنونگ دُغانی یوحنادان باشغا هیچ کیمه اُزی بیلِن گیتمَگه اِجازا بِرمِدی.
۳۸ کِنیسه باشلیغینینگ اُیونه گِلِنلِرینده، عیسی باشاغایلیغی، آغلاشیپ، دادی-فِریاد اِدیپ اُتورانلاری گُردی.
۳۹ ایچِری گیریپ، اُلارا: «نَمه اوچین دادی-فِریاد اِدیپ، آغلاشیپ اُتیرسینگیز؟ قیز اُلِنُق، اُل دینگه اوقلاپ یاتیر» دییدی.
۴۰ اُلار بُلسا اُنونگ اوستوندِن گولدولِر. اِمّا عیسی هِمّه‌سینی داشاریق قُووپ، دینگه قیزینگ اِنه-آتاسینی و اُزی بیلِن گِلِنلِری آلیپ، اُنونگ یاتان اُتاقینا باردی.
۴۱ قیزینگ اِلیندِن توتوپ، اُنگا: «تالیتا قوم!» دییدی. بو بُلسا «قیزجاغاز، سانگا دییَّرین: تور!» دییمِکدیر.
۴۲ قیز دِرِّو یِریندِن قالیپ یُریپ باشلادی. اُل اُن ایکی یاشیندادی. مونی گُرِنلِرینگ هِمّه‌سی قاتی گِنگ قالدیلار.
۴۳ عیسی اُلارا مونی هیچ کیمه بیلدیرمِزلیگی قاتی تابشیریپ و قیزا ناهار بِرمِکلِرینی آیتدی.