Balaagh Yahud did Bulis
24
Xagho xamis amqil Xanaanya la riíssa kahana wa mislu gale sab gats wa maxaami Tartulos la litbahal asik Ghaysariiya darraw igilla xaakim balaagh igil lighaddimo did Bulis.
2 Wa la xaakim waan Bulis tlaaka,
Tartulos tihimat wajjaha ittu ghadamma xaakim wa bela,
“Ib fadilka igil waghit sanni ib salaam tnaqamna wa rúyatka igil ummatna islaaxaat amtsaát.
3 Xaayis Xaakim Filiiksa,
xina ibbilli naqtarif it kil akaan wa min kil ghileq wa ib xamde ghaazrat.
4 Igil atxacir ikka xinkato igil tismaqanna itkattalaka.
5 Illa hitu maswiraay sú wa fancagaar migibba Yahud diib killa la iddinya kim tu kashafna.
Wa riíssa mazhab la Naasiri tu.
6 It raás illi,
la haykal igil laáfsid jarraba ka tsabadtnaahu.
[Wa ibba shariiqatna igil naxaakimu xazena.
7 Laakiin Liisyaas la ghaayid matsá wa ib xiilat min ideyna farghaghayu.
8 Wa mattihimatu ghadameka igil lixdaro ammara.]a
Noska dolat taátamtixinnu la amaan ib kisus illa daqaawi la xina diddu inraffaqa hallena igil tibrah ikka tu.”
9 La Yahud itta tihimat saadaw wa la daqaawi amaan kim ta akkadaw.
Difaaq Bulis
10 Waan la xaakim igil lithaage ashshara ilu,
Bulis balsa,
“Ana ammir igil sanotaat ghaadi illa ummat kim halleka.
Sababu ib lawagh idaafeq.
11 Ana min asik Orshaliim matsáko igil qibad min qasir kilé amqil walaqil kim iiwadeko iibadde minka.
12 Mattihimachche diibba haykal oro initkaxad iirakbawni aw diibba maqaabid aw diibba madiinat shawsharat inharris.
13 Illi sab la ibbu littahamoni hallaw igil laásbutu ichche iighadraw.
14 Ligbá ma indiíko,
Rabbi abawna kim qabbid ilím xasabba Gabey la hitom firghat sammiwa.
Ib killu la shariiqat waafigh wa diibba akitbatta nabyaat kitub ammin.
15 Wa it Rabbi nafsu la saáyob la illi sab lisíyu biye wa hitu la saalxaam wa la iisaalxaam kim libqis.
16 Jallaab illi diima damiir saafi igil lahalle iyye misil Rabbi wa misil addaam itqadtdtam.
17 Xagho sanetaat asik Orshaliim qaghbalko ib maqunaat igilla gidqaam minna shaqabye wa gharaabiin igil ighaddim.
18 Wa la mattihimachche maraasiimma dtahaarat inatammim raáwni.
Wa ken maxbar yaqala wa fancagaar.
19 Wa gale Yahud min mandtighat Aasiya ken qalaw ka igil limtsó qala ilom tihimat min bom ichche igil lighadduma.
20 Aw illom la xaadraam hallaw ghaddamma Majlis waan badtarko,
la jariimat la illa rakbaw ichche lismaw
21 imballa la xatte maddat la inde waghalko,
‘Yom ib sabab emaanye ib baqas taxaakmuni hallekum,’
ibe.”
22 Wa xare Filiiksa la minna Gabey yighghun qala la jalsat rafqa wa bela,
“Xikamye it ghadiyatkum dol Liisyaas la ghaayid matstsí igil asdirru tu.”
23 Merxaayya miít ammara,
Bulis igil liqighab wa gale xiriyat igil lixidag illu wa igilla amallihiitu igil lizuru wa igil likdomu igil lismax ilom.
24 Wa xagho amqelaat Filiiksa wa issiitu Dorusila wa hita Yahudiyat qalat matsáw.
Wa Bulis atlaaka wa attansayu ib emaan ib Yasoq al Masex inlithaage.
25 Waan Bulis ib salaax wa ib tsabiidt nafis wa la xikim la matstsí tahaaga,
Filiiksa farha wa bela,
“Aze giis,
xaariit waghit dolat irakkib igil atlaakekka tu.”
26 Wa bardu Bulis igil lirshayu lisé qala ka dolka lilík ittu wa lithaagayu qala.
27 Wa xagho kilé sanat xalfya,
Filiiksa Burkuyus Fastus kalfayu.
Laakiin sabab Filiiksa igilla Yahud fadil igil lide xaza Bulis diib sijin xadga.