Bulis diib Afasus
19
Waan Abollus diib Kurinsus qala,
Bulis ibba manaadtigh la laqaaliit xalfa wa Afasus batsxa.
Wa diiba gale darasa rakba.
2 Wa saálayom,
“Rox Ghiddus tkabbatkum dolat amankum?”
Ka balsaw,
“Iifaalna,
nosu ib hallayot Rox Ghiddus iisamqana.”
3 Ka Bulis saálayom,
“Ka mi maqmudiyat tkabbatkum?”
Ka balsaw,
“Maqmudiyat Yuxanna.”
4 Ka Bulis bela,
“Maqmudiyat Yuxanna maqmudiyat tobat qalat.
Hitu la addaam la ibba darbu matstsí igil liímano ballaghayom.
Wa hitu Yasoq tu.”
5 Kim illi samqaw ib simet Molaay Yasoq taqammadaw.
6 Dolat Bulis ideyu kara ittom,
Rox Ghiddus tkarra ittom wa ib hagaggit biqidat tahaagaw wa tnabbaáw.
7 Qasir kilót inaas lagabbó qalaw.
8 Wa la maqbad ata wa ib qaddaxa tsaqda tahaaga igil salas warex wa inlitkaxaddom ib mattaghnoqo ib mamlakat Rabbi.
9 Laakiin galehom qaanadaw wa amiin abaw wa ib riúy Gabey Molaay qatghaalalaw.
Ka Bulis xadgayom wa la darasa nasá goru diibba ghaaqatta ijtimaaq la naay Tiiraannus amqilka nighaash laátgaayis qala.
10 Wa illi igil kilé sanat attalaala.
Sababu killom la Yahud wa la Yunaaniyiin la diib mandtighat Aasiya saaknaam zaqat Molaay samqaw.
11 Rabbi ib gabey Bulis muqjizaat saadtdtaat laájarre qala
12 ka la ma manaadiil wa la maqanaadigh la tamtamattu asikka xamayim tnassaát wa ghabaahom ssaara wa la arwaax la sharriirat xadgattom.
13 Wa gale minna Yahud la majjawlat la arwaax la sharriirat liddaagano qalaw simet Molaay Yasoq igil laqastaghillo jarbo qalaw wa liblo,
“Ib simet Yasoq la Bulis bashshir ibbu figar!”
14 Wa la illi waddu qalaw saboq wal kaahin Yahudi qiggul,
Saakwa la litbahal qalaw.
15 Amqil xatte la rox la sharriir balsa ittom,
“Yasoq ammirru wa Bulis yiíghawiyu laakiin intim,
min xina tibaw?”
16 Wa xare la inaas la rox la shirriir maalku sarra ittom wa killom ghalba wa falal libulu iifallayom.
Ka minna bet biraaghaatom abardagaw wa admaayom intijjaanan.
17 Wa la Yahud wa la Yunaaniyiin la diib Afasus saaknaam ibbilli aamaraw wa killom farhat tkarret ittom wa simet Molaay Yasoq tsharrafat.
18 Ka bizxaam minna amnaw matsáw wa ib ghiloq ibba wadaddiit la makrahat qatarafaw.
19 Wa bizxaam minna sabba shixir akitbatom jamqaw wa ib qalan andadawa.
Wa qawla waan xasbaw,
ximsa alif xabbat fiddat fagra.
20 Wa kiínna zaqat Molaay tnasharat wa tgawet.
21 Wa xagho illi killu jara,
Bulis asik Orshaliim igil ligiis gharrara wa ib Maghiduniya wa Akaaíya igil lixilaf.
Wa bela,
“Xagho diiba xadiirye bardu Roma igil igaanex halla iyye.”
22 Kilót minna sedyatu asik Maghiduniya laáka wa hitom Tiimusaawus wa Arasdtus.
Hitu laata diib mandtighat Aasiya galetaay kalá.
Judtat diib Afasus
23 Itta waghit lahey diib Afasus judtat kelmayit ghantsat ib kisus Gabey Molaay.
24 Hita ib sabab saayigh fiddat Diimatriyus la litbahal astabdet.
Hitu tamaasiil fiddat sayyigh qala igil haykal ilaahat Ardtaamiis wa hitu wa la saayaghiin sanni rabboxo minna qalaw.
25 Ka gats xid adhayom wa bardu la mashshaaghyatu wa belayom,
“Yahaw intim,
xina min illi shighil kim inkassib iitghawu.
26 Wa intim tirú wa ssammoqo hallekum illi nafar Bulis kafo bizxaam kim atámana wa ajla insar diib Afasus wa bas inde iigabbí diib mabzex mandtighat Aasiya wa libil,
‘Aadami la shaaghiha aalihat,
killu killu aalihat iiko.’
27 Illi aafat igil tijaaratna ledta iiko,
bardu haykal iilaahat Ardtaamiis la qaalyat saham alabu wa la iilaahat nafsa la diib mandtighat Aasiya killa wa la iddiniya titqabbad haybata taxaggil.”
28 Illi dolat samqaw ghaharaw wa dtirxaat ambataw wa belaw,
“Ardtaamiis la naay Afasus wighghil ta.”
29 Wa agiidaay la madiinat killa dtirxaat qammaya.
Wa la addaam it Ghaayus wa Aristarkos dtar Bulis la min Maghiduniya hajmaw wa asikka saaxat saxabawom.
30 Bulis itta maxaabir igil laábhiz xaza laakiin la darasa manqawu.
31 Galela masúliinna mandtighat la amallihiit Bulis ma liíkat laákaw ittu inlitrajjawu itta saaxat igil iilitárad.
32 La jameq ribuk qala,
galehuka ib shankatu laánaadih qala.
La bazxaw addaam la ma hadaf la igilu ken qalaw yaámaraw.
33 La Yahud la migibba maxaabir qalaw Iskandar gats ghadam darrakawu wa igilla maxaabir la amir igil lishrax dtalbaw minnu.
Wa hitu igil liízamo ashshara ilom ghadamma shaqab igil lidaafeq.
34 Laakiin waan kim Yahudi tu fahamaw gats xid twaaqaw igil kilé saaqat la gabbí wa belaw,
“Ardtaamiis la baqal Afasus wighghil ta!”
35 Wa kaatibba madiinat la maxaabir atázama wa bela,
“Sab Afasus yahaw,
killa la iddinya madiinat Afasus qeghbayit haykal Ardtaamiis la wighghil wa timsaala la min sama tkarra kim ta taámmir.
36 Sabab illa amaan illa orot iilitbarraya,
hawido wa ib haliit xatte iitidaw.
37 Intim illi sab amtsákum la haykal iilisragho wa iilaahatna iilisbabo ma indiiko.
38 Ka Diimatriyus wa mashaaghitu did ayi nafar shakwat min bom la maxkaakim wa la ghaadyotaat ghadamehom hallaw.
Shakahom igil laátlu ghadraw.
39 Wa biqid ma min bikum it mashwarat ghaanuniyat igil litxakkam bu.
40 Itta aze ta kilna sababba yom jara jaza fancagaar waganxenna wa xina xijjat waíirakabna ajil illi tsiraar mabaggasi alabu.”
41 Xagho illi bela la mamaxbirat fartaka.