Amiin Shaawul
9
Shaawul laata ib tahdiid ib ghatil didda darasa laáddafaaris qala.
Wa asikka riíssa kahana gesa
2 wa jawaabaat asik maqaabid Dimashgh igil asiir telyat Gabey Yasoq min tabqat aw anis la ken rakkibbom dtalba minnu wa inde tghayadaw asik Orshaliim igil laámtsaóm.
3 Wa jahat Dimashgh inlidtdtallagh waan shaágaya ammat alaba min qastar birhaan barha ittu.
4 Ka it arid wadgha wa kirin samqa intibil,
“Shaawul,
Shaawul,
igil mi taátkalaabtanni halleka?”
5 Ka bela,
“Inta min inta mamba?”
Ka balsa ittu,
“Ana Yasoq la inta taátkalaabittu halleka ana.
6 Ghinats wa la madiinat ite wa la ilu igil tiide bika igil litbahalakka tu.”
7 Wa la baak Shaawul saafro qalaw taxayaraw wa imbal manghamo ghasaw.
La kirin samqaw laakiin orot iiraáw.
8 Shaawul minna arid kib bela wa qintaatu dolat fatxa xijjub rakbayu.
Ka asik Dimashgh tetawu.
9 Wa it maxajjab salas amqil tsanxa wa iibalqa wa iisata.
10 Wa diib Dimashgh darasaay Xanaanya la litbahal qala wa diib rúya Molaay adhayu,
“Wo Xanaanya!”
Ka,
“Illi ana Molaay,”
belayu.
11 Ka Molaay ammarayu,
“Jahat bet Yahuza giis asikka sharreq la ib Raateq litámmar wa inaas min Dtarsus Shaawul litsamme asarbib.
Hitu ken liddeqe halla
12 wa diib rúya inaas Xanaanya la litbahal matstsú wa ideyu karre ittu raá raáyatu igil liblas ittu.”
13 Wa Xanaanya ib iifaal balsa,
“Molaayye,
ana min bizxaam ibba wadaddiit la makrahat la illi inaas diib Orshaliim itta ghiddusaamka wadaya samqako.
14 Wa hitu minna ruásaala kahana ib amir matsá killu la ib simetka liddeqe igil litsbadt.”
15 Minnaata Molaay igil Xanaanya belayu,
“Giis!
Illi inaas giraab simechche asikka umam wa la miluk wa wilaad Israíil igil lirfaq xarekowu.
16 Wa ajil simechche akil ayi kim matstsits igil aríyu tu.”
17 Wa xare Xanaanya asikka bet gesa wa ataya wa ideyu it Shaawul kara wa bela,
“Xu Shaawul yaha,
Molaay Yasoq la itta gabey insar inde tmatstsí abhaza itka,
laákenni itka ib xadiis igil tiré wa ib Rox Ghiddus igil titmallá.”
18 Wa bagiidaay sanqat xirfaaf massil min qintaat Shaawul wadghat wa ib digmaan igil liré ghadra.
Wa ghantsa wa taqammada.
19 Wa xagho gale nabra balqa rex balsa wa diib Dimashgh amqelaat nasá misilla darasa.
Shaawul ib Yasoq bashshir diib Dimashgh
20 Wa agiidaay diib maqaabid Yasoq Wad Rabbi kim tu igil libashshir astabda.
21 Wa killom la samqawu aghatsaw wa attsaálaw,
“Illi inaas la diib Orshaliim la did illa simet la raffaqo ib ghinuts ghannits qala iiko?
Wa insar asikka ruásaala kahana kim xibusaam igil linsaóm iimatsá?”
22 Shaawul laata ghidrat twassaka wa la Yahud la diib Dimashgh saaknaam afachtom qatsbadtayom ajil Yasoq kim la Masex tu barhana.
23 Wa xagho amqilotaat la Yahud muámarat xabkaw Shaawul igil lightalo.
24 Laakiin Shaawul ibba sittaatom kashfa.
Wa manaagí la madiinat raaghbo qalaw amqil wa laali infaggir minna igil lightolu.
25 Minnaata xawratu ib laali nasáwu wa diib giffat karawu wa minna xisinna madiinat ib xibaal adnanawu.
Shaawul diib Orshaliim
26 Wa Shaawul waan Orshaliim batsxa misilla darasa igil litxaabar jarraba laakiin killom farhawu wa kim darasaay Molaay gabá yaámnawu.
27 Laakiin Barnaaba nasáyu wa asikka luúkaam amtsáyu wa kafo Molaay itta gabey kim abhaza ittu wa tahaagayu wa ib bataakat ib simet Yasoq diib Dimashgh kim bashshara akbarayom.
28 Ka Shaawul baakom tsanxa ib xirriyat bayí wa faggir wa diib Orshaliim ib simet Molaay ib bataakat inbashshir.
29 Wa la Yahud la Yunaaniyiin kaadtib wa litkaxaddom qala ka igil lightolu wadtdtanaw.
30 Wa la emnat ibbilli dol samqaw asik miiná Ghaysariiya darrawu ibbu wa min ken asik Dtarsus nadáwu.
31 Wa itta waghit lahay la kaniisat diib manaadtigh Al Yahudiya wa Al Jaliil wa Saamira ib salaam titmattaq qalat.
Wa taqabbe wa ib taghwat Molaay tnabbir qalat ib masnado Rox Ghiddus.
Budtrus diib Ludda wa Yaafa
32 Wa Budtrus min akaan asik akaan inde litnaakas,
emnat madiinat Ludda gaanxa.
33 Ken shilul Iiniyaas la litbahal rakba wa firaash tsaabidt inintu samaan sanat kaalí qala.
34 Ka belayu,
“Wo Iiniyaas,
Yasoq Al Masex shafekka.
Ghinats firaashka jayih.”
Ka itta waghtu ghantsa.
35 Wa killom sikkaan Ludda wa Shaarun raáwu ka it Molaay tobaw.
36 Wa diib madiinat Yaafa darasayit Dtaabiisa titbahal qalat,
ib Yunaaniyat Dorkaas.
Wa diima qamal ker twadde wa gidqaam sadde qalat.
37 Wa itta maddat laha xammat wa motat.
Ka xatsbawa wa diibba odat itta darrajat la laqaaliit karawa.
38 Wa la darasa diib Yaafa Budtrus ghirub diib Ludda kim halla samqaw ka kilót inaas laákaw ittu wa balawu,
“Mitsánna wa iitaaddig!”
39 Wa Budtrus gesa gorom wa dol batsxa,
asikka odat la qaalyayit marxawu.
Wa la mablaat killan madtoru badtraya inbakya wa gale minna gamayis wa la lababbis la biqidat la Dorkaas shaafadtata mislan waan qalat inlaríyaahu.
40 Budtrus killom minna odat afgarayom wa asaru abraka wa daqa.
Wa asikka issiit la maaytat inde twallaba,
“Yahey Dtaabiisa,
ghinatsi,”
bela.
Wa hita qintaata fatxat wa Budtrus kim raét gissaya gabát.
41 Wa hitu ib idha nasáya wa sandaya bidtaara igil tigbá.
Wa xare la emnat wa la mablaat atlaaka wa ib xiyaaya amtsaáya iglom.
42 Illi diib killa Yaafa tnashshara wa bizxaam ib Molaay amnaw.
43 Budtrus igil gale waghit diib Yaafa tsanxa baak meqesaay Samqaan la litbahal.