8
Wa Shaawul it ghatil Istifaanus wufugh qala.
Shaawul la emnat laátkalaabit
Wa itta amqil laha la emnat diib Orshaliim ib matkalaabaat saareq gaaylo qalaw. Ka imballa luúkaam killom shattataw diib jahaat Yahudiya wa Saamira.
2 Wa sab ferhat Rabbi Istifaanus ghabraw wa laaghis simoq wadaw ilu.
3 Wa Shaawul akrabotta kaniisat litxaaze qala.
Wa min bet asik bet gayis wa sab wa anis lisxib wa asik sijin sayimmom qala.
Tabshiir diib Saamira
4 Wa kiínna la emnat la tshattataw min akaan it akaan litnaakaso wa ib zaqat Rabbi bashshiro qalaw.
5 Ka Filibbos asik madiinat diib Saamira darra wa bashsharot ib Al Masex astabda diiba.
6 Wa la maxaabir ib oro lib zaqatu attanset jalla la qajayib samqatta wa reétta.
7 Wa la arwaax la najsat ib kirin wighghil dtarrex wa minna bizxaam la saaknatom qalat taáwalwil qalat.
Kimsalhuma bizxaam minna shilulaam wa la xanakkish tshaffaw.
8 Wa diibba madiinat farxat riít xadrat.
9 Igil maddat shaxartaay Samqaan la litbahal nabraya wa albaab sab Saamira nassí wa laqul litmassal qala.
10 Wa killom lib karaw ilu min niúshom asik qabihom.
Wa liblo qalaw,
“Illi inaas ib raateq,
‘Xiilat Rabbi la Daaghbat’ tbahala.”
11 Wa izin karaw ilu ajil ibba wadaddiitu la shaxartayit min waghit sanni albaabom saaliba qala.
12 Laakiin xagho Filibbos ib mamlakat Rabbi wa ib simet Yasoq Al Masex bashsharayom,
liíkatu amnaw wa sabóm wa ansom taqammadaw.
13 Wa Samqaan ma amna wa taqammada wa Filibbos taxawara wa la muqjizaat wa la mistinkiraat xaaylat la ila laájarre qala raá ka xiirat nasáttu.
14 Wa la luúkaam diib Orshaliim la Saamiriyiin zaqat Rabbi kim ghablaw samqaw ka Budtrus wa Yuxanna laákaw ittom.
15 Ka dolat Saamira batsxaw daqaw ilom Rox Ghiddus igil litkabbato
16 ajil lissaq it oro minnom kiruy yaqala,
hitom ib simet Molaay Yasoq ledta qimmudaam qalaw.
17 Xaariit ideyom kaaraw ittom ka Rox Ghiddus tkabbataw.
18 Wa Samqaan dol la Rox Ghiddus ib kari idey luúkaam itta emnat litkarre raá,
it Budtrus wa Yuxanna gale maal qarda
19 wa belayom,
“Igilye ma illa sildtat habuni itta ideyye ikarre ittu Rox Ghiddus igil litkabbat.”
20 Budtrus balsa ittu,
“Girushka misilka tihlak sabab wahabat Rabbi ib girush igil tizaabe fakkarka!
21 Diib illa kidmat kiflat aw ghismat alabka ajil libka jahat Rabbi muklis iigabá.
22 Ka min illa kelmiitka tobe wa it Rabbi daqe qasaalla laqaghaffir ikka ib sabab miraad libka
23 jalliib libka ib maraarat milú wa zanib ghiyudka iréka halleko.”
24 Ka Samqaan bela,
“Intim it Rabbi daqaw iyye la ilu tibaw igil iilirkabanni!”
25 Xaghohu Budtrus wa Yuxanna ib zaqat Molaay shahadaw wa ken qallanawa asik Orshaliim qaghbalaw ibba bishaarat inbashshiro diib dagaggit bizxit diib Saamira.
Filibbos wa la waziir la Xibishtaay
26 Wa xare maláak Molaay Filibbos tahaaga wa belayu,
“Kib bal wa jahat giblat giis ibba gabeyya sabbot la finge Orshaliim wa Ghazza inteherir.”
27 Wa kib wada wa gesa wa itta gabey inaas Xibishtaay sorat wazzir killa kazayin Kandaaka,
malikat Xabasha tsaabidt rakba.
Wa asik Orshaliim gaayis qala igil liqibad diiba.
28 Wa asik Al Xabasha inlaqaghabbil it markibatu tsiqun inintu wa kitaab nabi Ishaqayá ingharrí.
29 Ka la Rox Ghiddus igil Filibbos belayu,
“Kamkam wa asik leha markibat giis wa jafara tsinax.”
30 Ka Filibbos asikka markibat asrada wa la sorat nibiwat Ishaqayá ingharrí samqa.
Ka saálayu,
“La tigharrú halleka tifhimmu?”
31 Ka balsa,
“Kafo ifhim nafar inde iisharrex iyye?”
Wa Filibbos qazma itta markibat igil liqirag wa igil litgasse baaku.
32 Wa la sorat ghisimma Kitaab:
“Kimsal biggiqit
asik xirdo tgelala
wa kimsal qiyot aazim
it ide macaggiraayu,
afuhu iikasta.
33 Wa zilul inintu
min qadaalat taxarrama.
Min ib ziryatu laákabbir?
Jallaab xayotu
min midir nassaát,”
gharrí qala.
34 Wa la sorat Filibbos saála,
“Assiílanni,
ibbilla bahalat,
la nabi it min laxabbir qala?
It nosu ma it nafar biqid?”
35 Ka Filibbos diib illi kitub inde attankaba ib Yasoq igil libashshirru astabda.
36 Wa insaafro akaan maay batsxaw wa la sorat bela,
“Ginax!
Illi maay tu.
Ka min matqamaad mi karraqanni?” [
37 aKa Filibbos basla ittu,
“Illi litghaddar ib killu libka min taámmin.”
Ka la sorat bela,
“Yasoq Al Masex kim Wad Rabbi tu ammin.”]
38 Wa la markibat igil tibdtar ammara wa misil diibba maay tkarraw wa Filibbos qammadayu.
39 Wa kim fagraw minnu inintu Rox Molaay faját Filibbos gala ka la sorat ib digmaan iiraáyu wa ib lawagh safaru attalaala.
40 Minnaata Filibbos diib Ashdud traá wa diib killa la madayin inbashshir saafara asik Ghaysariiya batsxa.