Abhazot Yassoq la saalsaay
21
Xaghohu,
Yassoq kaalí dol igil darasaahu abhaza it gidim Baxar Dtabariya.
Wa nafsu ibilla gabey attabahazaya:
2 Samqaan Budtrus wa Tuma la ib Mantaay litámmar wa Nasnaíil la baqal Ghaana la diib mandtighat Al Jaliil,
wa wilaad Ziibadi wa kilót darasaay biqidaam ajtamaqaw.
3 Ka Samqaan Budtrus belayom,
“Ana igil aari samak igayis halleko.”
Wa hitom,
“Xina ma,
misilka igil nigiis tu,”
balawu.
Ka gesaw wa baak xid la markab tsaqanaw.
Minnaata itta laali laha,
xatte samak yaáraw.
4 Wa tsibex midir Yassoq itta nageb badtra laakiin la darasa kim Yassoq tu yaámaraw.
5 Wa Yassoq saálayom,
“Yahaw mandalitaat,
samak alabkum?”
Ka “Iifaalna,”
balsaw ittu.
6 “La shagqiit dimmaanna markab adruba igil tirkabo,”
belayom.
Ka adrabawa wa minna bizxiinaaha samaka igil lisxoba iighadraw.
7 Ka la darasaay la Yassoq fattiyu qala igil Budtrus,
“Hitu la Molaay tu,”
bela.
Wa Budtrus biraghu qala wa dolat,
“La Molaay tu,”
samqa,
bilaayu tkadana wa diibba maay daggaxa wa shankat Yassoq xammasa.
8 Wa la darasa la biqidaam ibba markab matsáw shagqitta samak inde lisxibo wa fingehom wa fingela kataay nasaafat kilé miít ammat ledta qalat.
9 Wa asikka kataay dolat taharbabaw,
gahar it raásu samak wa raghiif raáw.
10 Ka Yassoq,
“Gale minna samak la aze arekumu amtsó,”
belayom.
11 Samqaan Budtrus itta markab qarga wa la shabakat asikka bar saxaba wa miít wa ximsa wa salas min samak gazayif qala diiba.
Wa misil illi bizxe,
la shabakat iitbaraadagat.
12 Wa Yassoq igilla darasa,
“Niqino,
qafdtiro,”
belayom.
Wa orot minna darasa,
“Min inta?”
inde bela igil lissaállu yaábtaka jallaab kim la Molaay tu aamaraw.
13 Wa xaretaani,
Yassoq ghaddama wa la raghiif nasá wa naadtayom wa kimsalehu ma la samak.
14 Wa illa saalis marrat la Yassoq itta darasaahu abhaza itta ta xagho min mot ghantsa.
Yassoq Budtrus lithaage
15 Wa xagho balqaw,
Yassoq Samqaan Budtrus saála,
“Yaha Samqaan,
wad Yuna,
min illom la fattunita,
zaaydat fattenni?”
Ka balsa ittu,
“Afo,
Molaay,
inta kim ifatteka taámmir.”
Ka Yassoq,
“Qaywaachche qableq,”
belayu.
16 Wa asaru kaaláyit saálayu,
“Yaha Samqaan wad Yuna,
tfattenni?”
Ka balsa ittu,
“Qaywa,
Molaay,
kim ifatteka taámmir.”
Ka belayu,
“Qabaageqye awqil.”
17 Ka saalsayit saálayu,
“Yaha Samqaan wad Yuna,
tfattenni?”
Ka Budtrus tgabbá jalla Yassoq saalis marrat saálayu.
Ka belayu,
“Molaay,
inta kil gaá taámmir.
Ana kim ifatteka taámmir.”
Ka Yassoq belayu,
“Qabaageqye qableq.
18 Ib amaan amaan iblakka halleko,
diib niíshka,
noska tidalle qalka wa ila xazeka tgayis qalka.
Minnaata dol daglil,
ideyka igil timdad tu wa biqidaam igil laálbisuka tu wa asikka la iitnayatkaaha igil linsuúka tu.”
19 La sabab la Yassoq illa bela ibbu kim mi mot mayit wa ibba Rabbi kim laxabbin igil laátámirrom tu.
Wa xaghohu,
“Tilenni,”
belayu.
20 Budtrus min wallaba girraahu la darasaay la Yassoq fattiyu qala la qaroriyom raá.
Wa hitu la xiinna diraar it Yassoq tsaggaqa wa saálayu,
“Molaay,
min tu la igil lidtlamakka tu?”
21 Ka Budtrus Yassoq saála,
“Wa hitu,
mi ta kiriitu,
Molaay?”
22 Ka Yassoq balsa,
“Asik qigbaalachche xiyaay min azzim minnu,
inta mi bika ittu?
Inta di,
tilenni!”
23 Jalla illi,
la belaw fingela emnat tnashsharat wa hita,
“La darasaay igil limut iiko,”
ta.
Laakiin,
illa la Yassoq belaya iiko.
Hitu la belaya,
“Asik qigbaalachche xiyaay min azzim minnu,
inta mi bika ittu?”