Axkaam sirrigh
22
“Nafar biqiraay aw biggoq min sarrigh wa min laxarriddu aw min laázabbiyu,
la serghaay igil kil biqiraay sirugh,
xamis biqiraay igil lifde bu wa igil kil biggoq sirughka,
qarbaqat biggoq igil lifde halla ilu.
2 Serghaay gats laali bet insadtdtidt min litstsabbadt wa min lizzabbadt wa litghattal,
damu bahlalat gayis.
3 Laakiin gats amqil min jarre,
la ghetlaayya serghaay xikim ghatil gannixu.
La serghaay la litstsabbadt igilla sarghayu ib taamim igil lidfaq wajjib ittu wa dafeq min iighaddir,
kim gabir igil lizzabbe bu sababba sirrigh.
4 La sirugh itta idela serghaay min litrakkab,
biqiraay ligbá aw adig aw biggoq,
qidtiffa qawilla bihimat la serghit igil liddafaq wajjib.
5 Nafar bahaaymu it garhat aw it gabana qinab min laáttasqir wa la baqala it garhat biqid igil taqasqir min laárhe ila,
la baqalla bahaayim taqawiid igil lidfaq bu minna wajiibba iklu aw qinabu.
6 Ashwaak katakkit intaánaddid,
la isaat min tilqe wa it fariik kiwun aw la iitbattaka min tilxim aw it killu la ittey,
la isaat la aghraxa kasaarra ittey la nadda igil lidfaq halla ilu.
7 Nafar baak giwaarehu maal aw bidaaqat ajil akbe xadga wa minna betta giwaarehu sarraghat naáttamsil,
la serghaay min litstsabbadt,
taqawiid ib qidtif igil lidfaq bu.
8 Laakiin la serghaay min iilitstsabbadt,
la giwaare ghadam ghaadyotaat igil libdtar bu wa hitu tu la sarghaya mi iifaalu igil laxaddido.
9 Kilaaf it milkiyat min jarre it biqiraay ligbá aw it adig aw it biggoq aw it libbaas aw it ayi sanqat baadyayit,
la kilót la ghariim ghadam ghaadyotaat igil libdtaro bom wa la nafar la hitom mudaan la laqallunu igilla biqid taqawiid ib qidtif igil lidfaq halla ilu.
10 Nafar baak giwaarehu adig aw biqiraay aw biggoq aw la gabát bihimat min laxaddig ajil akbe laakiin min mayit aw min litázze aw min lissarragh wa la jara ilu nafar min iiliríyu,
11 la giwaare ghadam Rabbi igil limxal bu la bidaaqat kim iisargha wa la baqal illi litkabbat wa dafeq iilidtdtalab.
12 Laakiin la bihimat ib xiggug sirghit min taqale,
igilla baqala taqawiid igil lidfaq bu.
13 Aaw birudugu min tsannex la giwaare tirraffa giddaal kim daliil laámatstsí wa taqawiid iiliddaffaq.
14 Wa nafar min giwaarehu bihimat min lissallaf wa min titxakkar aw min mayit girra baqala,
la matsalfaay taqawiid taamim igil litfaq wajjib.
15 Laakiin la baqal xaadir min tsannex,
taqawiid iilidtdtallab.
Wa la ma bihimat ijjir min taqale la kasaar ibba ijaar titkallaf.”
Masúliyat ijtimaaqiyat
16 “Inaas walat awaaldo la iitxatstset min laájalle wa min sakkibba,
la mahar la limud igil lidfaq wa igil lihidaya bu.
17 Minnaata abuha athadayota min laábbe,
bardu mahar mahar walat awaaldo la laqaadil igil lidfaq wajjib ittu.
18 La saxaariit,
ib xayot igil tinbar iiwajjib.
19 Xewaan la jaameq,
igil litghattal wajjib.
20 Igil ilaah biqid imbal Rabbi la karrim igil liddammar bu.
21 Gaana ib akey maghrex iititghaarax wa iitidaayighghu.
Intim ma it arid Masir gunuyaam qalkum.
22 Mabal aw yatiim iitisakkiro.
23 Min sakkurom wa ichche min liwqu,
mawqihom isammeq.
24 Ghadabye igil lahalhil itkum tu wa igil isayfakkum tu.
Ka aniskum igil limabbila wa ajanniitkum igil liyattimo tu.
25 Igil xiguz min shaqabye girush min dayin,
kim maraabxat iitinsaá wa ribex iitixsab.
26 Wa jibbat giwaareka kim amaniyat min tsabbidt,
ghadam mudaagh tsaxaay bilassa ittu.
27 Shaffatu illa jibbat ledta ta ka la giwaareka imbalha,
kafo igil liskab ghaddir?
Ka min iitballissa ittu wa ichche min liwqe,
astajiib ilu jallaab rixiim gaáko.
28 Rabbi* iitilqan wa raíis shaqabka iitaqayir.
29 Sadaghat itteyka wa qassaaratka waan ghaddim iyye,
iitádangiran.
Wa bikir wilaadka igil tighaddim iyye bika.
30 Wa kimsalehuma wilud salif min xaaka wa qadtaalka wa qabaageqka igil tighaddim iyye bika laakiin misil immu saboq amqil litsnax ikka wa itta amqil la saamnayit igilye ghaddimmu.
31 Shaqab ghiddus igil tigboó iyye bikum.
Jallaabu siga baaghyat aaw la aggaraya igil tibloqo alabkum,
igil aklaab likofu.”