Maay min balghat
17
Ib amir min Rabbi,
mujtamaq la Israíiliyiin killu min Baadobat Siin naghla wa tnaakasa.
Wa xare it Rafidiim kayamaw laakiin maay sito iirakbaw itta.
2 Ka la shaqab min Musa dtarqa,
“Maay sito habuna!”
inde liblo.
Ka Musa balsa ittom,
“Igil mi minye dtarroqo hallekum?
Wa jalla mi Rabbi taáttamtixino hallekum?”
3 Wa laakiin la shaqab ib tsimí taalif qala wa Musa tbaalasaw wa belawu,
“Ajil mi min Masir afgarkanna ib tsimí igil taámutna misil qiyaalna wa niwaayna?”
4 Ka Musa it Rabbi waqa wa belayu,
“Illi shaqab,
mi ibassirru?
Illa hitom igil lirjamuni sengo hallaw.”
5 Ka Rabbi balsa ittu,
“Ghadamma shaqab xalaf de wa gale min sab gats Israíil nisá goka.
Moraka la Niil shawadtka ibba nisá.
6 Wa ana ghadameka igil ibdtar tu gidaarra balghat it Xuriib.
La balghat shawidt maay igil lihirar minna la shaqab igil liste.”
Wa Musa kimsalehu wada it xidur sab gats Israíil.
7 Wa Musa la akaan Massa wa Mariiba samaya (wa maqnata imtaxaan wa dtirqaan ta) sababba dtirqaan wilaad Israíil wa attamtaxanotom igil Rabbi,
“Rabbi it migibna halla mi iiko?”
inde liblo.
Falella Qamaalighat
8 La Qamaalighat la Israíiliyiin haajamaw it Rafidiim.
9 Ka Musa igil Yashuq belayu,
“Min ina sab xire wa giis wa la Qamaalighat xirab.
Fangox raássa nighratta xisaal igil ibdtar tu mora Rabbi* it ideye ininta.”
10 Ka Yashuq la Qamaalighat xarba kimma Musa ammarayu ta wa Musa wa Haarun wa Xur asikka nighratta qinkillat tahanghabaw.
11 Wa akilla Musa ideyu rafqa,
la Israíiliyiin litqawato qalaw wa akilla daharaya,
la Qamaalighat litqawato qalaw.
12 Wa dolat ideyu ib saánat tahannaát,
Haarun wa Xur imin amtsáw wa xantehu karawa wa tgassa itta.
Wa darbu Haarun wa Xur ideyu sandaw,
oroka ib ghileq oro.
Ka ideyu sabta asik mudaagh tsaxaay.
13 Wa kiínna Yashuq deshsha Qamaalighat sayyafa.
14 Wa xare Rabbi igil Musa belayu,
“Illa diib kitaab ghayidda kim mattafghadiit wa igil Yashuq ghirú,
jalliib la Qamaalighat minna midir igil inxayom saatit halleko wa igil litfaghghado iiko.”
15 Wa Musa igil Rabbi maxrad waccama wa “Rabbi qalamye tu,”
samayu
16 wa bela,
“Jallaab ideyom did qarish Rabbi qandtadtat,
Rabbi la Qamaalighat igil laxaarib tu gim asar gim.”