Xilaayat Musa
15
La maddat laha,
Musa wa wilaad Israíil illa xilaayat xalaw igil Rabbi:
“Rabbi xalle
jalla wighghul wa jaliil gabá
wa la faras wa la matstsiqnaayu
asikka baxar ashkatayom.
2 Rabbi xilachche wa xilaayachche tu
jalla mangafoye gabá.
Rabbiye ib gibátu,
xammidu
hitu Rabbi* abuye jalla gaá,
xabbinnu.
3 Rabbi madaafqaayna tu,
wa simetu,
Rabbi la Daayim ta.
4 Markibaat Firqon wa deshu
asikka baxar ashkatayom.
Xaaysaam merxat Firqon
diib Baxar Ghayaxa targhaw.
5 La maayataat la ghuri shammattom,
kimsal iman gats maghorey tahanfaw.
6 Wo Rabbi,
jariidka
tirud wa ghedraay tu.
Wo Rabbi,
jariidka
la abaay garaadim.
7 Ib ghadir jalaalka
la ghaawmuka tkanaafil.
Ghadabka tnaddí,
ka kim cingeq laxaashishom.
8 Ib atanfasotka
la maayataat tkamkamat.
La maayataat la tahaatsif kimsal xedtat badtrat;
wa maayataatta ghuri migibba baxar jammadat.
9 La abaay bela,
‘Itqarorayom wa qarrebom.
La sillab ikaafil
wa sanni itsaggib minnu.
Sayifye xarridt
wa ideye taáfanniyom.’
10 Laakiin nafkat feraghka
ka la baxar shammatom.
Ka kim rasaas
diibba maayataat la waajdat targhashaw.
11 Wo Rabbi,
minna aalihat
ayi lisaananakka?
Min litqaadalakka?
Inta jaliil,
la ghiddus inta,
giwuy it matxashshaamka,
wa waadyaay qajaayib.
12 Maanka madadka
ka la midir waxadtayom.
13 Ib raxamatka,
la shaqab la ilu tixegeka tghawid.
Ib daghibka,
asikka maskanka la ghiddus wajjahom.
14 Wa la umam igil tismaq wa igil tirghagh tu
wa shaqab Filisdtiin harakat igil titsbadtdtu tu.
15 Umará Adum igil lidangitso tu,
wa merxat Muwaab fijaq igil linsaóm tu,
wa shaqab Kanqaan igil limkak tu,
16 riqib wa rijaaf igil litkarraw ittom tu.
Wa ib xilat jariidka
kim iman imbal kus igil ligbó tu
asik shaqabka litqadde,
wo Rabbi,
asik shaqabka la ilu fadeka laxallif.
17 Igil taámtsóm wa itta dabirra meraaska
igil taqabghillom tu,
wo Rabbi,
la akaan la maskanka wadekaaha,
wo Molaay,
la maghdis la ideyka nadghayu.
18 Rabbi igil diima damayin mallik.”
Masloliib Maryam
19 Wa dolat afrus Firqon wa markibaatu wa firsaanu ataw,
Rabbi maayataatta baxar balsa ittom.
Wilaad Israíil laata kabidda baxar it ardat zaaffat heraraw.
20 Wa xare Maryam xit Haarun la nabiyat la dallukat it ideha nasát wa killan la anis ib dalaliik wa sissiqiit talayaaha.
21 Maryam rafqat ilan:
“Igil Rabbi xilaya
jalla wighghul wa jaliil gabá.
La faras wa la matstsiqinaayu
asikka baxar ashkatayom.”
Baadobat Shur
22 Wa xare Musa la Israíiliyiin min Baxar Ghayaxb agqaza wa asik Baadobat Shur twajjaha ibbom.
Wa maay inde iirakbo itta baadobat salas amqil saafaraw.
23 Wa Maarra waan batsxaw,
maaya igil listaw iighadraw ibba sababba mirru.
Jallaab illi tu,
la Maarra tsammet.
24 Ka la shaqab Musa taraaghamaw,
“Mi igil niste tu?”
inde liblo.
25 Xaretaani Musa it Rabbi waqa wa Rabbi qiccaay aráyu wa Musa diibba maay lakfayu wa la maay cara.
Wa bardu ittaahu Rabbi itta shaqab fariidat wa shariiqat farda wa attamtaxanayom
26 wa bela,
“Igil kirin Rabbi Molaayka izin min karre wa hitu xagh la liriíyu min wadde wa wasiyaatu min dtayeq wa killa faraaydu min taxadtidt,
ib qidir minna qaadaar la Masriyiin attagaayalko ibba igil attagaayalakka iiko jalla ana Rabbi noshshe shaafyaayka ana.”
27 Wa xaghohu Iliim la qasir kilé qiinat wa sabqa naklat qalaya itta batsxaw.
Wa ittaahom ghirubba qaayun kayamaw.