Qanbadta
10
Wa xare Rabbi igil Musa belayu,
“Gats Firqon bidtar jallaab libu wa albaab dtarru atsnaqako it migbom mistinkiraachche igil ajre
2 igil wilaadka wa wilaad wilaadka igil tigaagim ibba itta Masriyiin karekowu wa ibba mistinkiraachche la fingehom ajrekowa ana Rabbi la Daayim kim ana igil taámro.”
3 Ka Musa wa Haarun ghadam Firqon badtraw wa belawu,
“Illi la Rabbi Molaayya Qibriyiin laqallanayu tu:
‘Asik mi dol dtaaqachche igil tiíbe tu?
Shaqabye ligiiso xidaggom igil liqibaduni.
4 Dtalughom min taábbe,
fangox itta baladka qanbadta igil amtsí tu.
5 Ka la arid igil lixibaq tu wa oro igil liráyu igil lighdar iiko wa minna barad la tarfa igil lighxam tu misil kil qiccat itta girahkum waashqat.
6 Wa abyaatka wa abyaat dtarka wa abyaatta Masriyiin killom igil limlá tu,
amir la abawkum wa qibbiqibotaatkum tamsaalu la iiraáw min ittilla ardat xadraw wa asik illa xiin.’”
Xaghohu Musa twallaba wa gats Firqon dtallagha.
7 Ka dtar Firqon belaw,
“Illi inaas asik mi dol sharak igilna inintu laáttalale tu?
La shaqab qarxe Rabbi Molaayom igil liqibado.
Masir karaab kim shamlaya iidaleka?”
8 Ka ib xadiis Musa wa Haarun it gats Firqon qattabdtaraw wa belayom,
“Herro wa Rabbi Molaaykum qibado.
Laakiin la geyso ayom tom?”
9 Ka Musa balsa,
“Ib naáyishna wa qibayiina wa wilaadna wa awaalidna wa ib killa aniwyatna igil nigiis tu jallaab igil Rabbi xafil igil nide litwajjab.”
10 Ka Firqon bela,
“Rabbi liqiinakkum ana misil aniskum wa qiyaalkum min idtalghakkum,
ib yighghun,
intim shar naawyaam hallekum.
11 Bataatan,
igil qibaadat Rabbi la sab ledta ligiiso sabab la taxazziwu illi tu.”
Wa asaru Musa wa Haarun min maxbar Firqon dtarradaw.
12 Ka Rabbi igil Musa belayu,
“Ideka raás Masir midad qanbadta igil lissalladt itta wa la nabaata la minna barad tarfa killu igil lighxam.”
13 Ka Musa moraahu it raás arid madda ka Rabbi shamaal mifgaar tsaxaay qarxa ittom itta amqil wa la laali lahan ib gidiidan.
Fajrata la ardat ibba qanbadta la shamaal mifgaarra tsaxaay amtsáyu tmalát.
14 Ka yam yamma qanbadta it killa ardat Masir hajlat qaashaal la massilla it ghadaamiit iitraá wa it xaariit.
15 Ka la ardat qamma asik tsalmatat wa bighghala killu gamzaza.
Wa firela qiceya la minna barad tarfa xasxasa.
Ka itta qicey fire akdar la libulu yaxadga diib arkaan Masir ib tamaama.
16 Itta waghit lahay Firqon ib shafaag Musa wa Haarun atlaaka wa bela,
“It Rabbi Molaaykum wa itkum saxatko.
17 Ka illa xiin illa ledta sixitaanye qaffu wa it Rabbi Molaaykum daqaw illi bala la mafniyaay igil lishankik minye.”
18 Ka Musa min Firqon taxayaba wa Rabbi daqa.
19 Ka Rabbi shamaal mudaagh tsaxaay ib haatsufu nadá ka la qanbadta nafa wa it Baxar Ghayaxa qaclaghayu.
Ka it killa la ardat,
orot qanbadtedtaay iitarfa.
20 Laakiin Rabbi lib Firqon atsnaqa ka wilaad Israíil iidtallagha.
Tsilmat
21 Ka Rabbi igil Musa belayu,
“Ideka jahat sama midad ardat Masir killa tsilmat tik anun igil tishmamma.”
22 Ka Musa idehu jahat sama madda ka tsilmat tsallaam ardat Masir killa qammat igil maddat salas miqil.
23 Ka orot mallahayu igil liré aw minna qala itta kus igil libal iighadra itta salas la miqil.
Laakiin itta masaakinna Israíiliyiin,
nur laánawir qala.
24 Wa Firqon Musa tlaaka wa bela,
“Giiso wa Rabbi qibado,
aniskum wa ajanniitkum ma ligiiso misilkum.
Aniwyatkum ledta xidago.”
25 Ka Musa bela,
“Niwaay karaamaat wa karaamaat xaarrat igil Rabbi igil ninsá igil taájjiz inna halla ikka.
26 Sababu aniwyatna min ina iittarrif,
orot ghirghir ma iitarrif minna jalla igil qibaadat Rabbi Molaayna mi kim naxarre minna igil naamir yiínghaddir asik ken iibatsxana.”