Musa wa Haarun Firqon gaabho
5
Asarehu Musa wa Haarun asik Firqon gesaw wa belawu,
“Illi la Rabbi Molaay Israíil qallanayu tu:
‘Shaqabye ligiiso xidaggom itta baadobat igil laxtafilo ibbiye.’”
2 Wa Firqon bela,
“Rabbi min tu la idtayqu wa la shaqab Israíil ligiiso xaddig?
Rabbi yaámmir wa shaqab Israíil ligiiso yaxaddig!”
3 Ka belawu,
“Rabbila Qibriyiin ajtamqa gona.
Aze migyaas salas amqil itta baadobat nigiis xidaganna igil Rabbi Molaayna karaamaat igil nikaarim aw hitu qidir karre itna aw sayfanna.”
4 Laakiin malik Masir igil Musa wa Haarun belayom,
“Jalla mi la shaqab min shighlu taqadtdtulu hallekum?
Asik shighilkum qaghbilo!”
5 Xaghohu Firqon bela,
“Ittilli arid bizxaam min shaqabkum hallaw wa intim min shighlom taqadtdtulom hallekum.”
Dtub imbal tibin
6 Wa itta amqil laha Firqon igilla mattashgiyat shaqab Israíil wa mareghbatom belayom,
7 “Xagho yom igilla shaqab tibin iitahabom dtub igil lidaw ibbu,
bidaalu hitom ligiiso wa tibin laámtsó.
8 Wa qilibba dtub la badiir waddiwu qalaw firado ittom wa sema iitaánghiso minnu.
Hitom hikkuyaam tom sababu tsarraxo wa liblo,
‘Nigiis xidaganna igil Rabbiina karaamat igil nikarrim.’
9 Illi shaqab ib shighil qadtrosu igil min higya waadghat igil lihimag ibbu.”
10 Ka mattashghitta shaqab wa la mareghbatom itta shaqab fagraw wa belawom,
“Firqon,
‘Tibin yahayebakkum,’
liblakkum.
11 ‘Intim giiso wa tibin amstó minna itta trakkubu wa ghadirra dtub la twaddiwu qalkum xabbat iitnaghghis minnu.’”
12 Ka la shaqab diib ardat Masir killa tfartaka cingeq igil licangaqo diib akaan tibin.
13 Wa la mattashghiyat inde lahallutom wa libulom,
“Minna dtub la ghadir la waghit la tibin lithayabakkum qala twaddiwu qalkum widaw!”
14 Wa la mattashighiyat la Firqon wallayom la mareghbatta Israíiliyiin la illom wallaw zaabdto qalaw,
“Mi rakbekkum yom wa maale widdaayya dtub minna ghadaamiitu agmamkumu?”
inde libulom.
15 Ka la mareghbat la Israíiliyiin it Firqon matsáw wa inde litstsaarxo belawu,
“Xina agbirka,
igil mi kiína titghaarxanna?
16 Xina agbirka tibin inde iilithayabanna dtub widaw tbalhalna.
Wa tzaabadtna wa tzallamna wa la ghaladt min shabka tu.”
17 Ka Firqon balsa ittom,
“Intim naay hikkuyaam hikkuyaam intim!
Jalliib illi,
‘Dtalghanna inde giisna igil Rabbi karaamat igil nikarrim’ tiblo.
18 Ka yam shighilkum gibó!
Tibin iilithayabakkum wa ghadirra dtub nosu taánatjo.”
19 Ka la mareghbat la Israíiliyiin nafsom it siddit rakbaw dolat,
“Minna qissa dtub,
xatte iititkarre,
bidaalu itta amqilu taásaffiwu,”
tbahalaw.
20 Wa waan min Firqon taxayabaw,
Musa wa Haarun inde littaakawom rakbaw.
21 Ka belawom,
“Rabbi lirékkum wa lixikam itkum jalliib simetna aakekum it gats Firqon wa dtarru wa igil ghatilna mangaát kasatkum ilom.”