Mawallad Musa
2
Wa itta maddat laha inaas wa issiit min faraq Laawi tahaadaw.
2 Wa la issiit qamsat wa wal waldat.
Wa mirduy waan reéttu igil salas warex xabqattu.
3 Wa xabqu kim xallalaya,
giffat dangha amtsaát wa maay igil iilisdtadta ghidtraan wa xakko labbakatta.
Wa la giriz diibba giffat attakrarattu wa kabidda qagaggib itta qirsirra Niil karetta.
4 Wa xitta giriz min rayiim attaqaghaabalattu mi jarre ilu igil tidle.
5 Wa walat Firqon la nahar wardat igil titxatstsab wa talleytotaata itta kataayya nahar litmashshaya qalaya.
Ka la giffat kabidda qagaggib raét ka waddayita nadát igil taámtsá ila.
6 La itye dolat la giffat kastat,
girrezaay bakke raét,
ka raáfat ittu wa belat,
“Illi minna agruzza Qibriyiin igil libgá bu.”
7 Wa xare la xitta giriz la itye shaágat wa saálatta,
“Inde gisko issiit qibriyat la taqadtabiyu ikki anaade ikki?”
8 Wa la itye,
“Qaabe,
kimsalehu widey,”
telatta,
ka la walat la imma giriz tlaaket.
9 Ka la itye,
“Illi giriz nisí wa qadtbiyu iyye wa ajilla kidmatki igil idfaqakki tu,”
belatta.
Ka la issiit walda bet nasát wa qadtbettu.
10 Xaghohu la xitsaan kim ambatbata,
immu asik walat Firqon balsattu wa hita kim wal nosa tbannettu.
La itye,
“‘Musa’ isammiyu jalliib minna maay afgarkowu,”
tibe.
Harab Musa asik Midyan
11 Xaarit xagho sanotaat,
Musa kim shangala jaldatu la Qibriyiin igil liré fagra,
wa kafo ib siddit it shighil kim litghassabo qalaw raá.
Wa min ganxa,
Masri,
Qibri ayaayu inde zaabidt raá.
12 Xagho kil shanak atghaamata it ghats orot kim yahalla igil lityaghghan,
Musa la Masri ghatla wa la ginaazatu diibba xotsat dafnaya.
13 Wa itta amqil la asara,
Musa ib xadiis fagra.
Wa bal min abala kilót minna Qibriyiin inde litbaáso raá.
Ka Musa la nafar la baás ghasghasa saála wa belayu,
“Igil mi mallaheyka zabbidt halleka?”
14 Ka la nafar balsa,
“Min riísna wa ghaadina igil tigbá wajjehekka?
Kimma la Masri ghatalkaaha maale igil tightallani aamim halleka?”
Wa Musa faarih qala wa misil nafsu,
“Kil gaá ibba wadekowu kaashif halla,”
bela.
15 Wa Firqon ibba jara samqa ka Musa igil lightal wadtdtana.
Laakiin Musa min Firqon harba wa asik Midyaan gesa igil lixidarra.
Waan Musa Midyaan batsxa,
madtorra qela tgassa.
16 Wa kaahin Midyaan saboq walat qalaya ilu wa hitan maay igil liglala la samayit igil limaalaá qabaageq abuhan igil laástiya wardaya.
17 Minnaata mawqilat biqidaam matsáw wa daaganawan.
Ka Musa igil attakrayotan dtabdtaba wa igilla qabaagqan maay galla.
18 Wa dolat la awaalid asik Raquíil abuhan qaghbalaya,
saálayan,
“Yom haalkin tu agiid qaghbalkin?”
19 Ka balsaya ittu,
“Inaas Masri minna mawqilat adxanenna wa bardu qabaageqna asta inna.”
20 Ka abuhan saálayan,
“Aya halla?
Igil mi ken xadagkinaahu?
Taxaddaraahu inde matsá baakna igil liblaq.”
21 Wa Musa la xidrinnat kabbata baakka inaas la Safura walattu athadayu igil lixidar.
22 Wa xare hita wal waldat wa Musa ‘Jarshum’ bahalat gaana samayu wa bela,
“It arid dtarye gunuy qalko.”