Hidaay Yaqghub
29
Wa xare Yaqghub tbaggasa wa it arid sab mifgaar tsaxaay matsá.
2 Wa min qaghmata itta kadan qela raá wa salas salif min qabaageq diwaara shiddox raá.
Wa minna qela laha la mawqilat aslafaatom laásattu qalaw wa itta afha immanaay qala.
3 Wa dolat killa la aslafaat titkamkam,
la talach la imin dargigo wa la qabaageq laásattu wa la imin itta akaana itta affa qela ballusa qalaw.
4 Wa Yaqghub saála,
“Xawye,
min aya intim?”
Ka balsaw ittu,
“Min Xaaraan.”
5 “Ila min geé,
Laabaan wad wal Naaxur taámro?”
belayom.
Ka,
“Afo,”
belawu.
6 Ka belayom,
“Hitu it rayag halla?”
“Qaabo,
wa illa Raaxiil walattu ta misilla qabaageq tmatstsí,”
belawu.
7 Ka belayom,
“Lissaq la waghit addihir halla wa aslafaat aze iititkamkam,
la qabaageq astiwa wa igil tasqir shaffula.”
8 Ka belawu,
“Asikka killa la aslafaat iitkamkamat la imin minna affa qela igil nidargig wa la qabaageq igil naste yiínghaddir.”
9 Wa in lithaagaw,
Raaxiil misil qabaageq abuha jammaqat.
10 Ka Yaqghub dol Raaxiil walat xaalu Laabaan ib qabaagqa raá,
kus wada wa la immanaay minna affa qela ballasa wa qabaageq xaalu rawxa.
11 Wa xare Yaqghub it Raaxiil xalga wa ib bikaay taqaghghagha.
12 Wa dolat kim kitfat abuha tu wa wad Rifgha tu dagma ila,
saqet wa abuha assaálat.
13 Wa Laabaan kabar wad xittu Yaqghub xiin samqa,
ib hikukey tghabalayu wa xaghfayu wa saqamayu wa asik betu amtsáyu.
Wa Yaqghub ib killu la jara asaálayu.
14 Ka Laabaan igil Yaqghub belayu,
“Inta damachche wa kitfachche inta.”
Wa Yaqghub warex kalá baaku.
15 Xaghohu Laabaan igil Yaqghub belayu,
“Addaamye ib gibátka ib laha igil tishgenni tu?
Kiraayka balanni.”
16 Wa Laabaan kilé walat qalaya ilu.
Simetta qabbaay Liá qalat,
wa simetta niísh Raaxiil qalat.
17 Wa qintaat Liá camaccim qala.
Raaxiil laata,
qiggil wa girrim qalat.
18 Wa Yaqghub Raaxiil fata wa igil xaalu belayu,
“Saboq sanat ikadmakka wa qidaayye Raaxiil tigbá.”
19 Ka Laabaan balsa ittu,
“Bidaal igil biqid itbaalxa ikka min hayibba litfaddal.
Goye amaskib.”
20 Ka Yaqghub ib Raaxiil 7 sanat kadma wa kim amqelaat traáyaahu sabab fittihu igla.
21 It dangoba,
Yaqghub igil Laabaan belayu,
“Gidim issichche salmanni,
waghichche tamma.”
22 Ka Laabaan farax wada wa killu sabba digge qazma.
23 Amsuy,
Laabaan Liá walattu asik Yaqghub xaadaraya wa tmaya baaka.
24 (Laabaan Zilfa amatu igil walattu Liá hayiib qala waddayita igil tigbá.)
25 Kim tsabxa,
Yaqghub Liá kim ta farraga.
Ka igil Laabaan belayu,
“La wadekanni ta,
mi ta?
Jalla igil Raaxiil hide kadamkoka.
Igil mi kadqakanni?”
26 Ka Laabaan belayu,
“Mináash ghadam miqibaay igil tithadde limud iiko it modaayna.
27 Saaminna mirqinaha walachche la miqibaay waxe.
Wa xare la niísh igil athadeka ib qidaay kidmat 7 sanat xaaryaat.”
28 Yaqghub kimsal Laabaan belayu wada wa saamin mirqina Liá kim atmama,
Raaxiil walattu athadayu.
29 (Laabaan Bilha amatu igil walattu Raaxiil hayiib qala waddayita igil tigbá.)
30 Ka Yaqghub bardu ataya wa ziyaada min Liá fataya.
Wa xaalu 7 sanat biqidaat kadma.
31 Rabbi Liá ibiit raáya,
ka rixima fakka.
Raaxiil laata,
makaan qalat.
32 Ka Liá qamsat wa wal waldat wa Ruábiin samettu sabab tibe,
“Rabbi zillachche raá ka aze biíshshe igil liftenni tu.”
33 Xare ma,
qamsat wa xitsaan waldat wa belat,
“Rabbi kim fitiit yaána samqa ka illi wal razghenni bardu.”
Wa Shamqun samettu.
34 Wa saalsaay qamsat wa wal waldat.
Wa belat,
“Aze it makallasi xemaye igil litlawle ichche tu sabab salas wal waladko ilu.”
Wa Laawi samettu.
35 Xaghohu ma,
raabqaay qamsat wa wal waldat ka belat,
“Illa xiin illa,
Rabbi xammid.”
Wa Yahuzaa samet tu wa min waliid badtrat.