Isxaagh Qiisu Igil Lidxar Nawey
27
Xagho Isxaagh daglala wa bocu tahabsha,
la waldu la qabi Qiisu tlaaka wa belayu,
“Walye yaha.”
Ka balsa ittu,
“Illi ana.”
2 Ka belayu,
“Ana gidim abbarko wa amqil mochche midolta yiídalle.
3 Ka aze niwaayaat naqayka kamkim wa kadan figar wa tnaqe iyye.
4 Wa nabra kim shanhachche addale iyye igil ibaarkakka inde yiímayit.”
5 Wa la bahalat Isxaagh it izin Rifgha tkarret gor Qiisu in lithaage.
Xiin Qiisu kadan gesa igil litnaqe,
6 Rifgha igil walda Yaqghub telattu,
“Abuka igil xuka Qiisu in lithaage wa libil samqakowu,
7 ‘Iggur amtsí iyye wa nabra takunat addale igilye.
Xarteni igil ibaarkakka ib xidur Rabbi ghadam mochche.’
8 Ka aze walye,
igilla iblakaatu lib kire.
9 La qadtaal giis wa kilót naggal gaqafib jilab iyye igil abuka nabra takunat igil ide kim miraadu kinnit.
10 Wa xare,
inta asik abuka tnassá igil liblaq wa lidxarakka inde iimayit.”
11 Ka Yaqghub igil immu belaya,
“Minnaata igil titrassiqiyu la alabki Qiisu xuye caggaar tu wa ana mirugh ana.
12 Min aamara abuye laxassanni gabbí wa kim ighashshishu halleko lifhim ka it laqanat itkarre bidaal madxar.”
13 Ka immu,
“Laqanatka ichche tigbá ikka.
La iblakaatu wide wa bas wa la naggagil amtsí iyye,”
tellu.
14 Ka gesa wa it immu amtsáyom wa hita nabra takunat kashshanat kim shanhat abuhu.
15 Xaghohu,
Rifgha labaabbis Qiisu la qigul la diibba bet qalat igilla walda la niúsh amtsaátta.
16 Wa la idayu wa la matmarraagha sigaadu ghiraabba nagaggil kadnat.
17 Wa la nabra la takunat wa la raghiif laáddalettom it ide Yaqghub walda karettom.
18 Asaru Yaqghub it abuhu matsá wa,
“Yibba,”
belayu.
Ka abuhu,
“Ayi inta?”
belayu.
19 Ka Yaqghub,
“Ana Qiisu ana,
la walka la bikir,”
belayu.
“La telkanni tu,
asfeko.
Ka gidim gissaayka gibá wa la iggurye bilaq igil tibaarkanni.”
20 “Kafo ib kiínni giid rakabkaahu,
walye?”
belayu Isxaagh.
Wa Yaqghub balsa,
“Jallaab Rabbi Molaayka qawatenni.”
21 Ka Isxaagh igil Yaqghub belayu,
“Naqa igil xisasakka Qiisu walye inta mi iiko igil aamir.”
22 Ka Yaqghub asik abhu ghaddama ka xassayu,
“La kirin,
kirin Yaqghub ta wa la idey,
idey Qiisu tu,”
bela.
23 Wa Isxaagh iifaragayu jalla ideyu caggaar qala kim idey Qiisu xuhu.
Ka ghadam baarakotu,
24 saálayu,
“Ib amaan,
inta Qiisu walye inta?”
“Qaabo,
ana tu,”
belayu.
25 Ka Isxaagh,
“Gharabanni,”
belayu,
“minna iggurra walye igil iblaq wa asaru igil ibaarkakka.”
Ka habayu wa balqa wa nabiiz ma,
amtsá ilu wa sata.
26 Ka Isxaagh abhu,
“Ghaddim walye wa saqamanni,”
belayu.
27 Ka ghaddama wa saqamayu.
Ka Isxaagh rixat libbaasu kim tsena baarakayu wa,
“Tsena walye,
tsena jinenat
Rabbi dixira massil.
28 Rabbi dtil min qastar lirzaghakka
wa minna akyaaraatta midir
shirnaay wa nabiiz min waaseq.
29 Wa ghabaayil latkadmaka
wa ghadamka sajjid
wa mamba xawka tgabbí
wa wilaad imka ghadameka lisjado.
Wa la ragmakkaaka,
litraggam
wa la lidxirakkaaka,
liddaxar,”
belayu.
30 Isxaagh baarakot Yaqghub kim atmama,
Yaqghub min abuhu figir kim wada Qiisu min naqay dtabash bela.
31 Wa hitu ma,
ajnaas nabarriit takayin igil abhu addala,
“Yibba,
kib bal wa min killu areyye bilaq igil tibaarkanni,”
belayu.
32 Ka abuhu,
“Min inta?”
belayu.
Ka,
“Ana Qiisu wad bikirka ana,”
belayu.
33 Ka Isxaagh agidda qarqada wa bela,
“Ka min tu la iggur amtsá iyye wa ghaddemaayka balqako minnu?
Wa daxarkowu wa ib yaghiin dixur tu.”
34 Wa Qiisu illa zaqat min abhu waan samqa,
mawqi wighghul seraka.
Wa igil abuhu,
“Ana ma,
daxaranni!”
belayu.
35 Ka Isxaagh balsa,
“Xuka matsá wa ib makir madxarka sargha.”
36 “Astahleb!
Yaqghub Yaqghub igil litsamme.
Kilé dol qighibye tsabdta.
Ib salif bikkirnaaye shatfa wa aze haye madxarye sargha.”
Wa bela,
“Igilye madxar yaátrafka iyye?”
37 Isxaagh it Qiisu balsa,
“Ana mambaaka wadekowu wa xawu killom agbiru balaskowom.
Wa shirnaay wa nabiiz razzaghkowu.
Ka aze,
mi ibasrakka,
walye?”
38 Ka Qiisu igil abuhu belayu,
“Xatte madxar bas bika?
Ana ma,
daxaranni,
yibba.”
Wa ib kirin wighghil qangara.
39 Ka Isxaagh abuhu bela,
“Maxdaroka it arid qibur
wa min qastar ghadtrat iitghadtdtir itta.
40 Wa ib sayifka tnabbir
wa gabir xuka tgabbí
laakiin dolat ghannits ittu
magzamu tgardim.”
41 Ka Qiisu it Yaqghub gharxa ibba sababba madxar la abuhu daxarayu ta.
Wa Qiisu ib libbu bela,
“Awid abuye iirayim,
wa ghatil Yaqghub ma.”
42 Wa Rifgha zaqat Qiisu walda la miqibaay batsxatta,
ka it Yaqghub walda la niúsh laákat wa tlaakettu.
Wa belattu,
“Qiisu xuka igil lightalaka nawe halla.
43 Aabretka walye,
higyaaye simaq wa azetaay asik Laabaan xuye la diib Xaaraan halla sike.
44 Wa gale kilá goru asik ghahar xuka lithawan.
45 Wa waan la widiitka litrassaq,
ilík itka igil taqaghbil.
Ka igil mi kilíitkum it xatte amqil xaglakkum?”
46 Ka Rifgha igil Isxaagh telattu,
“Mambaroye wananko ibba sababba awaalidda Xissiyiin.
Ka Yaqghub minna awaalidda Xiisiyiin min lahadde kimsal illan anis Qiisu,
min itghabbadt laxesanni.”