Qalamat Galad
17
Wa qimir Abraam 99 sanat kim gaá,
Rabbi zahara ilu wa,
“Ana Rabbi La Ghaadir ana.
Ib nasaxaat shigenni wa taamim gibá.
2 Fingeye wa fingeka misaaghye igil ansis tu wa ziryatka sanni igil abzex tu.”
3 Ka Abraam igil Rabbi sajda ka Rabbi belayu,
4 “Min inkirye,
illi misaaghye baakka tu.
Inta ab umam bizxit igil tigbá tu.
5 Girra illa simetka Abraam igil tigbá iiko,
Ibraahiim indi iiko jalla ab umam bizxit igil idekka tu.
6 Wa fire faari igil idekka tu wa umam waasqat wa miluk igil azre minka tu.
7 Wa galajje la diima damayin daayim iwadde fingeye wa fingeka wa talakka xaghoka gim asar gim.
Ka Rabbika wa Rabbi talakka girraaka igabbí.
8 Wa killa ardat Kanqaan la aze taqalle diiba halleka igil habakkaata tu igilka wa xaghoka igil ziryatka milik diima.
Wa Rabbihom igabbí.”
9 Wa Rabbi igil Ibraahiim belayu,
“Inta laata,
galajje igil tixifaz bika,
inta wa daribka talakka gim tillug it gim.
10 Illi galajje goka wa go ziryatka xaghoka tu igil tiqighobu bikum:
kil tabqat minkum igil litkashshab bu.
11 Wa it qiraaykum titkashshabo qalamatta galad la fingeye wa fingekum.
12 Gim darib gim kil tabqatkum wad samaan amqil kim gaá igil litkashshab bu diib betka litwallada ligbá aw gaana la zaabekaahu.
13 Killu litkashshab diib betka latwallada ligbá aw ib maal lazaabekhu ka galajje it garobkum diima daayim.
14 Ayi tabqat xilaala min gabiilu litnaggax jalla galajje keda.”
15 Wa Rabbi igil Ibraahiim bardu belayu,
“Wa Saaraay issiitka ma,
girra illa,
Saaraay iititbahal.
Hita Saara igil tissamme tu.
16 Wa ibaarikka wa wal irazghakka minna.
Wa idxirra wa im umam iwaddiya wa miluk zarru minna.”
17 Ka Ibraahiim sajda wa saxagha wa misil nafsu bela,
“Wad 100 sanat wal igil lilad litghaddar?
Wa Saara la 90 sanat atet,
wal wallid?”
18 Wa Ibraahiim igil Rabbi,
“Alho Ismaaqiil radaaka washamalayu.”
19 Ka Rabbi igil Ibraahiim belayu,
“Issiitka Saara xitsaan igil tilad ikka tu wa inta Isxaagh igil tismayu tu wa galajje la daayim mislu wa misil talaku xaghohu assir goru.
20 Wa Ismaaqiil,
la kassis dtalabka igilu,
samqakowu wa daxur tu wa dtillal igil idayu wa sanni igil abzuxu tu,
wa ab qasir kilót raís gabbí wa ummat raxaab gabbí.
21 Galajje laatu,
baak Isxaagh la Saara qaamata illi dol walliddu ikka qaghghiddu.”
22 Rabbi igil Ibraahiim illa zaqat belayu wa qarraja minnu.
23 Diiba amqil laha,
Ibraahiim Ismaaqiil waldu wa killom ladiib betu latwalladaw wa kil tabqat lazaabayu diib daaru nasá wa akshabayom kimma Rabbi ammarayu ta.
24 Wa Ibraahiim waan tkashshaba,
qimru 99 sanat qala
25 wa qimir Ismaaqiil waldu 13 sanat qala.
26 Kiínna Ibraahiim wa Ismaaqiil waldu diib nafsa la amqil tkashshabaw.
27 Kimsalhuma kil tabqat diib daar Ibraahiim diib betu latwalladaw wa la min gaana ib maalu zaabayom akshaba.