Roshaan Baabil
11
Sabba midir killom xatte laghwat lithaagaw wa naay xiwaale zaqotaat litnaffaqo qalaw.
2 Minnaata maddat min mifgaar tsaxaay naghlaw diib sheka Shinqaar attamaskabaw.
3 Ka igil qayxid belaw,
“Kamkamo,
dtub nide wa shimuy nilalloqu.”
Ka bidaal iman dtub wadaw wa ghidtraan bidaal labeq.
4 Wa belaw,
“Hayya,
madinat wa roshaan nighratu diib sama nindagh inna igil nafisna simqat igil niksab,
firtak qalek diib killu la arid igil iinigbá.”
5 Wa Rabbi igilla madinat wa la roshaan labannuwom qalaw igil liré taharbaba.
6 Ka Rabbi bela,
“Illi xubur shaqab la maxebreyit higya lithaage,
la illa misdaar sadra,
la ammamayu igil laxallillu iiko.
7 Ka nitkarre wa higyaahom nibalbil xid igil iilifhamo,”
bela.
8 Ka Rabbi minnaahom diib killa la ardat fandtarayom wa minna nadiighgha madinat hawadaw.
9 Ibbilli sabab tu la Baabil sammet jalla ken Rabbi higya killa la iddinya balbala.
Wa minna Rabbi diib killu la arid shaatatayom.
Molaad Saam
10 Illi sijil molaad Saam tu:
Saam wad 100 sanat kim gaá,
Arfakshaad walda daribba taragh ib 2 sanat.
11 Xagho matwallaad Arfakshaad,
Saam 500 sanat nabra diiban wilaad biqidaam wa awaalid zara.
12 Arfakshaad 35 sanat dolat ata,
Shaalax walda.
13 Xagho matwallaad Shaalax,
Arfakshaad 403 sanat nabra wa wilaad biqidaam wa awaalid zara.
14 Shaalax wad 30 sanat dol gaá,
Qaabir walda.
15 Xahgo illi,
Shaalax 403 sanat tsanxa wa wilaad biqidaam wa awaalid zara.
16 Qaabir wad 34 sanat waan gaá,
Faalagh amtsá.
17 Xaghohu,
Qaabir 430 sanat tsanxa wa wilaad biqidaam wa awaalid zara.
18 Faalagh wad 30 sanat waan gaá,
Raqu walda.
19 Xaghohu,
Faalagh 209 sanat tsanxa wa wilaad biqidaam wa awaalid zara.
20 Qimir Raqu 32 sanat kim batsxa,
Saruj walda.
21 Xaghohu,
Raqu 207 sanat tsanxa wa wilaad biqidaam wa awaalid zara.
22 Qimir Saruj 30 sanat kim batsxa,
Naaxur walda.
23 Xaghohu,
Saruj 200 sanat tsanxa wa wilaad biqidaam wa awaalid zara.
24 Naaxur wad 29 kim gaá,
Taarax walda.
25 Xaghohu,
Naaxur 119 sanat tsanxa wa wilaad biqidaam wa awaalid zara.
26 Taarax wad 70 xagho gaá,
Abraam wa Naaxur wa Haaraan walda.
Molaad Taarax
27 Illi sijil molaad Taarax tu:
Taarax Abraam wa Naaxur wa Haaraan walda.
Wa Haaraan Ludt walda.
28 Wa Haaraan ghadam waaldaayu Taarax traxama diib Or Al Kaldaanniyiin ardat matwallaadu.
29 Abraam wa Naaxur haadaw.
Wa simet issiit Abraam,
Saaraay qalat wa simet issiit Naaxur,
Milka walat Haaraan.
Milka wa Yiska xawaat qalaya.
30 Wa Saaraay makaan qalat.