Taragh Midir
7
Rabbi igil Nox belayu,
“Dibba safinat sayyab,
inta wa dtewaka jallaab diib illi jiil bayinka saalex rakabkoka.
2 Misilka sabqat dtimid ansat wa wihira nisá min killa la ajnaassa xewaanaat la laadtxat wa oro dtimid ansat wa wihira min killa la xewaanaat la kisxit
3 wa kimsalhuma sabqat dtimid min killa qanwaq la sarayir xayot igil tidaayim xagho la taragh.
4 Xagho saamin qadtarramiin igil azlim tu igil qarbaqa amqil wa qarbaqa laali wa minna midir kil maklugh lakalaghkowu igil igalxe tu.”
5 Ka Nox la Rabbi ammarayu ibbu asfa.
6 Nox wad 600 qamat qala wa la waghit la taragh la midir shamma.
7 Nox la safinat ata misil wilaadu wa xemahu wa anis wilaadu minna qaballaay igil lingafo.
8-9 Qadtmud min xewaanaat laadtxat wa iilaadtxat wa sarayir wa latlammim xiyayotaat,
tabqatom wa ansom diib safinat Nox tsayamaw kimma Rabbi Nox yammamaya.
10 Wa asar saboq amqil,
la taragh itta arid waxaza.
11 Nox wad 600 sanat iníntu diib qasir saabqat min kaaláay warex,
qaayunna maay la ghuri naghqat wa manaagí la qastar tkaasatat.
12 Wa zalayim itta midir amqil wa laali igil qarbaqa miqil tahamrarat.
13 Diibba amqil la taragh ambata itta,
Nox diibba safinat ata misil issiitu wa wilaadu Saam wa Xaam wa Yaafas wa ansom.
14 Mislom ghabatta safinat qadtmud xewaanaat min kil jinis xewaanaat qad wa kadan min gazayif wa ghanaccib qalat wa misloma kil anwaaq sarayir wa kil qewlat.
15 Ib dtimid dtimid killa la maklughaat la arwex badiiba asik Nox matsát wa la safinat bayát.
16 Tabqat wa anis ataw kimma Rabbi Nox ammaraya.
Wa Rabbi la baabba safinat dabá.
17 La qadtarramiin zeda wa la midir galbaba maddat qarbaqa amqil wa la safinat laqaalla arid sandaya.
18 La maayaataat la arid ib milú xawadta wa la safinat raássa maayaataat qadtafafat.
19 La maayaataat diib killu la midir asaafaxa,
ka asikka ma adbir la shaannat it killa la ardat taqammamat.
20 La maayaataat xad 15 ammat qaboraga laqaalla adbir.
21 Killa la maklughaat lataáttanffis lalaqqalla midir taángadagid carxagat:
sarayir iitibal wa xewaanaat qad wa aawaat wa killom la lemmat wa killu la bashar.
22 Kil maklugh laáttanffis xayot qala diibu it ardat la ziffit mota.
23 Ka Rabbi kil maklugh xiyaay millaqal midir haalaka:
addaamu wa xewaanaatu wa la maklughaat latishxig wa sarayirra sama.
Killom minna midir tnaxaw.
Nox wa mislu diibba safinat laqalaw faghadt tarfaw.
24 La maayaataat raássa midir 150 amqil xakma.