Jala Midir
6
Dol addaam itta midir igil litbaazxo wa lizzaraó astabdaw wa awaalid waldaw,
2 wa gale xikkaam,
la nafsom kim aalihat lirú qalaw,
la awaalidda addaam raghbaw wa garramaya ittom ka kim miraadom haadaw minnan.
3 Ka Rabbi bela,
“Xayochche la bashar habkowa igil tidaayim mislom iiko jalla faanyaam gaáw.
Sid nabiirom 120 sanat igil ligbá tu.”
4 Minna waghit lahey,
itta midir maxerbat xadraw,
jallaab la xikkaam diibba awaalidda gabiil ataw ka wilaad waaladaya minnom.
Wa hitom maxerbat la liluyaam gabáw.
5 Rabbi wisqela jaáratta addaam itta arid attaghaabala wa la maddalalom wa la fikrom killu wa ib tiluluy shar qala.
6 Ka Rabbi kalghom wa itta midir xaadarotom taqasa,
wa libbu sanni dammaqa.
7 Ka Rabbi bela,
“La bashar la manekowom minna midir igil imxe tu.
Ka la gabá addaam wa xewaan,
lemmaay wa qewlaay sabab ib kaliighom xazanko.”
8 Minnaata Nox misil Rabbi fadil rakba.
Digim Nox
9 Illa digim Nox ta.
Nox inaas taghi wa wirroq qala diibba gimmu.
Wa it tiila Rabbi attarkaza.
10 Nox salas wal zara:
Saam wa Xaam wa Yaafas.
11 Rabbi fasaadda arid wa dtilfinaha matxamraagu raá.
12 Rabbi la midir ganxa wa sidda majjaglaabu taayana jalla kil aadami silal jala keda.
13 Ka Rabbi igil Nox belayu,
“Kil maklugh lalátanfis igil idammir ammamko jallaab la arid karaab maláw wa mislom ma la arid.
14 Ka safinat wide ikka min qicey saru wa ib jalwat jalwidda min mangof qad wa kadan.
Wa masaakib nidagh diiba.
15 Ibbilla gabey shighaya:
la riima 300 ammat wa la fiyixiinaha 50 ammat wa la wighghilinaha 30 ammat.
16 Wa shibbaak wide diiba it madhar ammat minna qarsha wa baab itta xigeyha wa diibba ghabata 3 dtabaghat nidagh - dihir wa magbayit wa wighghil.
17 Illi ana la midir ib dtaragh haalik halleko.
Kil maklugh lalátanfis igil lifne tu.
18 Laakiin misilka galad igil iibaá tu.
Ka inta wa wilaadka wa xemaka wa anis wilaadka diibba safinat igil tiítaw tu.
19-20 Wa misilka diibba safinat min kil noq xewaanaat dtimid dtimid tabqat wa anis igil tinsá halla ikka.
Misilka kil kilót minna asnaaffaata sarayir wa killa asnaaffaatta xewaanaat wa la lemmat igil liítaw tu ib xayot igil limbaro.
21 Goka kil jinis nabarriit nisá igil litákkab ghiza igilka wa igilla xiyayotaat.”
22 Nox kil amir kim Rabbi ammarayu wadayu.