Antû ba Isiraeri i bakumie Mwathani
149
1 Kumiani Mwathani!Inîraani Mwathani rwîmbo rwaimbia,
bûmûkumagie bûrî kîûthûranooni kîa bara batheru!
2 Isiraeri nîkeneere ûra wamîûmbire,
aana ba Sayuuni nabo i bakeneere mûnene wao!
3 I bakumie riîtwa rîake bakîgoyagia,
na bakiinaga na tamburini na inanda!
4 N'ûntû Mwathani n'akenaga n'antû baake,
na n'atûmaga bara bamwîrîgagîîra baûmbana.
5 Bara eetîgua i bakeneere ûkumio bwake,
i baine na bakene barî ûrîrî bwao.
6 Tûnyua twao itûkumie Ngai rionthe nainya,
na njarani ciao beegue barî na rûûyiû rwa mbarî ciîrî.
7 N'ûntû bwa kwîrîîria nthîgûrû ciingî,
na kwaa îkaanûkia mîgongo ya antû,
8 bûthaîke mûnene wao na nyororo
na atongoria baao bathaîkwe na mpengû cia îthaga.
9 Bûûyûrie îgamba rîra rîandîke,
bûbû n'ûkumio kîrî atheru baake bonthe.
Kumiani Mwathani!