Wendo bwa Ngai bûra bûtathiraga
136
1 Cookeriani Mwathani nkaatho n'ûntû nûmwega.Wendo bwake bûtûûraga tene na tene.
2 Cookeriani Mwathani wa aathani nkaatho,
n'ûntû wendo bwake bûtûûraga tene na tene.
3 Cookeriani Mwathani wa aathani nkaatho,
n'ûntû wendo bwake bûtûûraga tene na tene.
4 Kîrî ûra wenka ûrûthaga magegania maanene,
n'ûntû wendo bwake bûtûûraga tene na tene.
5 Ûra we aûmbire îgûrû na ûmenyo bwake,
n'ûntû wendo bwake bûtûûraga tene na tene.
6 Ûra aatambûrûkiirie nthîgûrû îgûrû rîa rûûyî,
n'ûntû wendo bwake bûtûûraga tene na tene.
7 Ûra aûmbire mawerû mara manene,
n'ûntû wendo bwake bûtûûraga tene na tene.
8 Riûa rîa kwathanaga mûthenya,
n'ûntû wendo bûtûûraga tene na tene.
9 Mweri na nthata bia kwathanaga ûtugû,
n'ûntû wendo bwake bûtûûraga tene na tene.
10 Ûra aûragire biîmbere bia Miisiri,
n'ûntû wendo bwake bûtûûraga tene na tene.
11 Na aruta Aisiraeri bauma gatîgatî kaao,
n'ûntû wendo bwake bûtûûraga tene na tene.
12 Aarûthire ûûgû na njara yake ya inya îra atambûrûkîîtie,
n'ûntû wendo bwake bûtûûraga tene na tene.
13 We ûra wagaaniirie Îria Rîtuune,
n'ûntû wendo bwake bûtûûraga tene na tene.
14 Na aatûma Aisiraeri bakûrûkîîra gatîgatî,
n'ûntû wendo bwake bûtûûraga tene na tene.
15 Îndî aathirîria Faraû na njûûrî yake ndeeni ya Îria Rîtuune.
N'ûntû wendo bwake bûtûûraga tene na tene.
16 Ûra watongoreerie antû baake baakûrûkîîra rwanda,
n'ûntû wendo bwake bûtûûraga tene na tene.
17 Na nwa we aaturire anene bara baarî na inya mûno,
n'ûntû wendo bwake bûtûûraga tene na tene.
18 Na aûraga anene baarî îgweta,
n'ûntû wendo bwake bûtûûraga tene na tene.
19 Sioni, mûnene wa Amori,
n'ûntû wendo bwake bûtûûraga tene na tene.
20 Na Ogu mûnene wa Mbasani,
n'ûntû wendo bwake bûtûûraga tene na tene.
21 Na aanenkanîra nthîgûrû yao îrî rûgai,
n'ûntû wendo bwake bûtûûraga tene na tene.
22 Rûrî rûgai kîrî mûruti ngûgî wake Isiraeri,
n'ûntû wendo bwake bûtûûraga tene na tene.
23 Nwa we watûririkanire rîra twainyîîrîîtue,
n'ûntû wendo bwake bûtûûraga tene na tene.
24 Atûtuunyûkia kuuma kîrî anthû beetû,
n'ûntû wendo bwake bûtûûraga tene na tene.
25 N'we eeyanaga irio kîrî biûmbe bionthe,
n'ûntû wendo bwake bûtûûraga tene na tene.
26 Cookeriani Ngai wa îgûrû nkaatho,
n'ûntû wendo bwake bûtûûraga tene na tene.