Îromba n'ûntû bwa kwonokua kwa antû ba Isiraeri
Rwîmbo rwa antû beetîîtie Njerusaremu kûgonga.
126
1 Mwathani agûtûcookiaa Sayuuni,twakarire ta antû barî kîrootooni.b
2 Tûnyua twetû twaûyûrîîtwe i ntheko,
ndîme cietû na nyîmbo cia gîkeno.
Rîru kwaugwa gatîgatî ka mîgongo,
“Mwathani n'abarûthîrîte mantû maanene.”
3 Mwathani n'atûrûthîrîte mantû manene,
na itûûyûrîîtwe i gîkeno.
4 Tûcookerie antû beetû bara batae,c itû Mwathani,
wa ta miuro ya Negebu!
5 Bara baandaga na meethori
bagaaketha bakiinaga nyîmbo cia gîkeno.
6 Ûra aumagarûkaga akamatîîte,
mbeû ya kwanda akîrîraga,
agaacooka akiinaga nyîmbo cia gîkeno,
akamatîîte maketha maake kagiita ga gûketha gaakinya.