Îromba rîa ûgoro n'ûntû bwa gûcwa ûteethio
Kîrî mûtongoria wa wini. Rwinwe na into bia wini ta ngita kana wandîndî. Sabuuri ya Ndaundi.
4
1 Mbîtîgaga rîra ndakûromba,woû Ngai wakwa ûra mûtheru!
Rîra ndaarî thîînaani, n'wanteethiirie.
Mbîgîîrua kîao na wîgue maromba maakwa.
2 Biû antû, i mwanka rî, begeekîrithia ûkumio bwakwa îgi?
I mwanka rî bûkeenda mantû mootheri mwanka rî, na kûthingataga ngai cia ûrongo?
3 Bûririkane Mwathani n'eethuurîrîîte bara baagîru,
na n'aambîgagua ndamûkayîra.
4 Mûthûûro ûtigaatûme bwîyia,
thûgaanîriani mantû mama mûno,
rîra bûmaami itandaani bienu bûkiri.
5 Rutaani igongwana bira biagîrîîte,
na bwîrîgîîre Mwathani.
6 Baingî barîûria, “N'ûû ûmba gûtwonia wega nwa bûrîkû?”
Mwathani, tiga werû bwaku bûtûmûrîkîre.
7 N'ûyûrîîtie nkoro yakwa gîkeno
nkûrûki ya kîra kiumanagia na maketha ma irio na ndibei yaimbia.
8 Nkaamaama ndî na ûkiri,
n'ûntû i woû, Mwathani,
ûtûmaga nkara mayîîga.