Mûnene athuurîîtwe i Ngai
2
1 I kî n'ûntû mîgongo îbîîndaga njûrina antû babaanga mîbango ya mana?
2 Anene ba nthîgûrû i beethuuranîrîîte,
aathani beethîrana amwe
kaingo baregana na Mwathani
na mwîtûûrîrua maguta wake,
3 bakiugaga, “Tûgiitaangeeni nyororo ciao,
na tûte mîkanda yao.”
4 Mwathani akarîrîîte gîtî gîake kîa ûnene îgûrû, n'athekaga,
na akabanyûrûnta.
5 Rîru akaabagondokera athûûri,
na akabamakia arî na mûthûûro ûmûnene, akiugaga,
6 “Iimbaigîîte mûnene wakwa,
Sayuuni îgûrû, kîrîmaani gîakwa kîîtheru.”
7 Ngaatûmîîria watho bwa Mwathani.
Aambîîrire, “Ûrî mwana wakwa, îmunthî ngûtuîka abaagu.
8 Ndomba,
nani ngakwaa mîgongo yonthe îtuîke rûgai rwaku,
na nthîgûrû yonthe îtuîke yaku.
9 Ûkabaatha ûtarî na kîao,
na ûkaabathithira bang'enyûkange tûng'enyûrû tûng'enyûrû ta nyûngû ya yûûmba.”
10 Kwoogu îguani bûrî na ûûme, biû anene,
thikîîriani mbûkaanie, biû atongoria ba nthîgûrû.
11 Rutîraani Mwathani ngûgî bûkîmûtîîyaga,
na bûkene bûkiinainaga.
12 Cûncaani mwana giria aaya kûthûûra,
bûûya kûthirîrua njîraani,
n'ûntû mûthûûro wake ûtirî araaya.
Kîthaarimo i kîrî bara beebithaga kîrî we.