Tepamulaongnya
Mopaꞌapatas Teisi Nubuku Eini
Tepamulaongnya heꞌua tebuku sanu tinulis niNabi Musa.
Siia nonulis sima tepamulaongnya tetoo-too nuYahudi ane tetoo-too sanu pabibia sanu nomarcaya eiSiopu Alataꞌala.
Kira-kira siNabi Musa nompamula nonulis eitoung 1446 ane nonulis jaok eitoung 1406 jijiompo siYesus pinoguungaa.
Tepamulaongnya heꞌua tebuku sanu nonjaritaa iamaꞌo tepogutu telangit,
tejuniaa ane jojoo teisinya.
Jinariataa valii tepogutu numanusia,
tepamulaongnya tedosa ane teꞌasesesa eijuniaa,
ane tepejanjiong-pejanjiong sanu pabibia nuꞌAlataꞌala concoono temanusia.
Tebuku eini umai rongaya.
Sangaya sanu pabibia tepasal-pasal 1-11 nonjaritaa sima tepogutu tejuniaa ane temanusia pabibia,
siꞌAdam ane siHawa,
tetuturong niKain ane niHabel,
siNabi Nuh ane tebuntul sanu mooge,
ane teMenara nuBabel.
Sangaya sanu ororuaꞌonya tepasal-pasal 12-50 nonjaritaa sima siꞌAbraham,
siꞌIshak,
siYakub ane teunga-unganya jaok tewatu siira nombalik ane nomoia eiTana nuMesir watu teꞌorok eiTana nuKanaꞌan.
Teisi
Tepogutu tejuniaa ane temanusia 1:1—2:25
Pamulaong nuꞌasasala ane teꞌasesesa 3:1-24
Lamai siꞌAdam jaok siNuh 4:1—5:32
SiNuh ane tebuntul mooge 6:1—10:32
Temenara nuBabel 11:1-9
Lamai siSem jaok siꞌAbram 11:10-32
Tesiopu-siopu sanu luulumai nutoo-too nuꞌIsrael:
SiꞌAbraham,
siꞌIshak,
siYakub 12:1—35:29
Tebija niꞌEsau 36:1-43
SiYusup ane terururusnya 37:1—45:28
Tetoo-too nuꞌIsrael eiMesir 46:1—50:26